ຕາມຂ່າວສານຊິນຮວາ:ຕອນເຊົ້າວັນທີ18ມີນານີ້,ຢູ່ສຳນັກຈົ່ງໜານໄຫ,ທ່ານສີຈິ້ນຜິງ, ປະທານປະເທດຈີນໄດ້ໃຫ້ກຽດຕ້ອນຮັບທ່ານຫຼຽງເຈີ້ນອີ່ງ,ຜູ້ວ່າການເຂດບໍລິຫານພິເສດຮົງກົງແລະທ່ານຊຸ່ຍສື້ອ່ານ,ຜູ້ວ່າການເຂດບໍລິຫານພິເສດມາກາວທີ່ມາເຂົ້າຮ່ວມພິທີອັດກອງປະຊຸມຄັ້ງທຳອິດຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ12ຢູ່ທີ່ປັກກິ່ງ.
ທ່ານສີຈິ້ນຜິງຈັບມືທ່ານຫຼຽງເຈີ້ນອີ່ງ
ທ່ານສີຈິ້ນຜິງກ່າວວ່າ,ແນວຄິດການບໍລິຫານທີ່ທ່ານຫຼຽງເຈີ້ນອີ່ງສະເໜີອອກມາ ຄື: "ສະແຫວງຫາການປ່ຽນແປງໃນຂະນະທີ່ຮັກສາຄວາມໝັ້ນທ່ຽງ"ນັ້ນ,ໄດ້ຮັບຄວາມເຫັນດີເຫັນ ພ້ອມຈາກປະຊາຊົນຮົງກົງ.ຫວັງວ່າວົງການຕ່າງໆຂອງສັງຄົມຮົງກົງເປັນສາມັກຄີກັນ, ເປັນນ້ຳໜຶ່ງໃຈດຽວກັນສະໜັບສະໜູນການບໍລິຫານຕາມກົດໝາຍຂອງຜູ້ວ່າການແລະອົງການປົກຄອງເຂດບໍລິຫານພິເສດ,ຮ່ວມກັນປະດິດສ້າງອະນາຄົດອັນດີງາມກວ່າເກົ່າຂອງຮົງກົງ.
ທ່ານສີຈິ້ນຜິງຈັບມືທ່ານຊຸ່ຍສື້ອ່ານ
ທ່ານສີຈິ້ນຜິງຊີ້ອອກວ່າ,ປະຈຸບັນນີ້,ມາກາວພວມຢູ່ໃນໄລຍະປະຫວັດສາດທີ່ຂະຫຍາຍຕົວໄປໃນທາງທີ່ດີ.ແຕ່ຍັງປະເຊີນກັບສິ່ງທ້າທາຍຈຳນວນໜຶ່ງໃນການພັດທະນາໃນອະນາຄົດ.ຫວັງວ່າອົງການປົກຄອງເຂດບໍລິຫານພິເສດມາກາວແລະວົງການຕ່າງໆໃນສັງຄົມເພີ່ມທະວີຄວາມມີສະຕິລະວັງຕົວ ເປັນຫ່ວງເປັນໃຍຕໍ່ຄວາມສ່ຽງໃນອະນາຄົດ,ນຳໃຊ້ໂອກາດແລະເງື່ອນໄຂທີ່ດີ,ຄົ້ນຄວ້າວິທີແກ້ໄຂບັນຫາທີ່ກີດຂວາງການພັດທະນາ,ສ້າງພື້ນຖານອັນໜັກແໜ້ນໃຫ້ແກ່ການພັດທະນາໃນອະນາຄົດຂອງມາກາວ.
ທ່ານຈ່າງເຕີຈ່ຽງ,ທ່ານຫຼີຢວນຊາວແລະທ່ານຢາງເຈຊືໄດ້ເຂົ້າຮ່ວມການພົບປະເຊັ່ນດຽວກັນ.