ຈົດໝາຍຊົມເຊີຍ
ຈົດໝາຍຊົມເຊີຍ
ຮຽນ: ສະຫາຍຈ່າງເຕີຈ່ຽງ ປະທານຄະນະປະຈຳສະພາປະຊາຊົນທົ່ວປະເທດຈີນທີ່ນັບຖື
ສະຫາຍປະທານ,
ເນື່ອງໃນໂອກາດທີ່ສະຫາຍໄດ້ຮັບການເລືອກຕັ້ງໃຫ້ດຳລົງຕຳແໜ່ງປະທານຄະນະປະຈຳສະພາປະຊາຊົນທົ່ວປະເທດຈີນຊຸດທີ 12 ໃນວັນທີ 14 ມີນາຜ່ານມານີ້, ໃນນາມ, ສະພາແຫ່ງຊາດແຫ່ງສາທາລະນະລັດປະຊາທິປະໄຕປະຊາຊົນລາວ ແລະໃນນາມສ່ວນຕົວ, ຂ້າພະເຈົ້າຂໍສົ່ງຄຳຊົມເຊີຍແລະພອນໄຊອັນປະເສີດມາຍັງສະຫາຍຢ່າງສຸດອົກສຸດໃຈ. ການທີ່ສະຫາຍໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນປະທານຄະນະປະຈຳສະພາປະຊາຊົນທົ່ວປະເທດຈີນ, ເປັນການສະແດງໃຫ້ເຫັນເຖິງຄວາມເຊື່ອໝັ້ນແລະໄວ້ວາງໃຈຂອງປະຊາຊົນຈີນຕໍ່ຄວາມຮູ້ຄວາມສາມາດແລະປສົບການອັນອຸດົມຮັ່ງມີໃນຊີວິດການເມືອງຂອງສະຫານຕະຫຼອດໄລຍະຜ່ານມາ.
ຂ້າພະເຈົ້າເຊື່ອໝັ້ນວ່າ, ພາຍໃຕ້ການນຳພາຂອງສະຫາຍ, ສະພາປະຊາຊົນທົ່ວປະເທດຈີນຈະສືບຕໍ່ຍາດໄດ້ຜົນສຳເລັດອັນໃຫຍ່ຫຼວງໃນພາລະກິດສ້າງສັງຄົມນິຍົມທີ່ມີສີສັນຂອງຈີນ. ທັງຈະເປັນການຊຸກຍູ້, ການພົວພັນຖານຄູ່ຮ່ວມມືຍຸດທະສາດຮອບດ້ານລະຫວ່າງສ.ປ.ປ.ລາວແລະສ.ປ.ຈີນ. ເວົ້າລວມ, ເວົ້າສະເພາະລະຫວ່າງສະພາແຫ່ງຊາດລາວແລະສະພາປະຊາຊົນທົ່ວປະເທດຈີນໃຫ້ຂະຫຍາຍຕົວຍິ່ງໆຂຶ້ນ. ຊຶ່ງຈະນຳຜົນປະໂຫຍດອັນໃຫຍ່ຫຼວງມາສູ່ປະຊາຊົນສອງຊາດຂອງພວກເຮົາ.
ອີກເທົ່າໜຶ່ງ, ຂ້າພະເຈົ້າຂໍອວຍພອນໃຫ້ສະຫາຍຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ປະສົບຜົນສຳເລັດໃນພາລະກິດອັນສູງສົ່ງແລະມີກຽດຂອງສະຫາຍ.
ປານີ ຢາທໍ່ຕູ້
ປະທານສະພາແຫ່ງຊາດແຫ່ງສ.ປ.ປ.ລາວ
