ຫຼັກສູດການຮຽນການສອນຂອງຍີ່ປຸ່ນສ່ວນຫຼາຍໄດ້ຂຽນວ່າ ເກາະຕ້ຽວອີແມ່ນດິນແດນຂອງຍີ່ປຸ່ນ
(GMT+08:00) 2013-03-27 10:46:12 cri
ວັນທີ26ມີນານີ້, ກະຊວງສຶກສາທິການຂອງຍີ່ປຸ່ນປະກາດຜົນການສຳຫຼວດຫຼັກສູດການຮຽນການສອນໄດ້ສະແດງໃຫ້ເຫັນວ່າ ໃນຫຼັກສູດ ການສອນສ່ວນຫຼາຍໄດ້ມີບົດຂຽນວ່າ ເກາະຕ້ຽວອີແມ່ນດິນແດນຂອງຍີ່ປຸ່ນ, ໂດຍແນໃສ່ເລື່ອງນີ້,ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນກ່າວຢູ່ປັກກິ່ງວ່າ, ຈີນມີຫຼັກໝັ້ນຢ່າງຈະແຈ້ງທີ່ສຸດໃນບັນຫາທີ່ກ່ຽວຂ້ອງ. ເກາະຕ້ຽວອີແມ່ນດິນແດນຂອງຈີນມາແຕ່ປະຫວັດສາດ, ຈີນມີອະທິປະໄຕເໜືອເກາະຕ້ຽວອີທີ່ບໍ່ສາມາດຖົກຖຽງກັນໄດ້. ພວກຂ້າພະເຈົ້າຫວັງໃຫ້ຍີ່ປຸ່ນປະເຊີນໜ້າກັບປະຫວັດສາດແລະຄວາມຈິງຢ່າງຖືກຕ້ອງ, ດັດແກ້ຄວາມຜິດພາດຂອງຕົນ, ທຳຄວາມພະຍາຍາມທີ່ຕິດແທດຕົວຈິງເພື່ອປັບປຸງການພົວພັນລະຫວ່າງສອງປະເທດໃຫ້ດີຂຶ້ນ.
