ຈີນລາວມຽນມາແລະໄທຈະດຳເນີນການເຄື່ອນໄຫວປາບປາມຢາເສບຕິດຮ່ວມຢູ່ເຂດລ້ອງແມ່ນ້ຳຂອງ
(GMT+08:00) 2013-03-29 11:57:58 cri
ຕາມຂ່າວສານຊິນຮວາ:ເພື່ອແກ້ໄຂບັນຫາການກໍ່ອາຊະຍາກຳທີ່ຕິດພັນກັບຢາເສບຕິດ ທີ່ເປັນບັນຫາອັນໜັກໜ່ວງຢູ່ເຂດລ້ອງແມ່ນ້ຳຂອງ, ພາກສ່ວນປະຕິບັດກົດໝາຍຂອງສີ່ປະເທດຈີນ,ລາວ,ມຽນມາແລະໄທປຶກສາຫາລືກັນຕົກລົງຈະດຳເນີນການເຄື່ອນໄຫວປາບປາມຢາເສບຕິດຮ່ວມ "ທາງເດີນເຮືອທີ່ສະຫວັດດີພາບ" ຢູ່ເຂດລ້ອງແມ່ນ້ຳຂອງແຕ່ວັນທີ20ເມສາຫາວັນທີ20ມິຖຸນາປີນີ້.
ໃນພິທີເລີ່ມດຳເນີນການເຄື່ອນໄຫວທີ່ຈັດຂຶ້ນຢູ່ນະຄອນຫຼວງປັກກິ່ງໄດ້ແຈ້ງວ່າ, ໜ້າທີ່ຕົ້ນຕໍແລະຈຸດສຳຄັນແຫ່ງການໂຈມຕີຂອງການເຄື່ອນໄຫວເທື່ອນີ້ແມ່ນ:ຮ່ວມກັນມ້າງຄະດີຂ້າມຊາດຂ້າມພາກພື້ນທີ່ກ່ຽວພັນເຖິງຢາເສບຕິດລາຍໃຫຍ່ທີ່ມີຜົນກະທົບອັນຮ້າຍແຮງຈຳນວນໜຶ່ງ,ສະກັດກັ້ນແຫຼ່ງຜະລິດຢາເສບຕິດຂອງ"ເຂດສາມຫຼ່ຽມຄຳ"ຕື່ມອີກ;ສ້າງຈຸດເວນຍາມກວດກາຢາເສບຕິດໃຫ້ສົມບູນຂຶ້ນ,ດຳເນີນການກວດກາຢາເສບຕິດຮ່ວມກັນ,ທຳລາຍຕາໜ່າງຂົນສົ່ງຢາເສບຕິດຢູ່"ເຂດສາມຫຼ່ຽມຄຳ";ຮ່ວມກັນຊອກຫານຳຈັບຜູ້ກະທຳຜິດໃນຄະດີຢາເສບຕິດທີ່ລີ້ຕົວຢູ່ເຂດນີ້;ເພີ່ມທະວີການຮ່ວມມືກັນແລະຄວາມໄວ້ເນື້ອເຊື່ອໃຈກັນລະຫວ່າງສີ່ປະເທດ,ຍົກຄວາມສາມາດດ້ານການປະຕິບັດກົດໝາຍໃນການ ຕ້ານຢາເສບຕິດຂອງເຂດນີ້ໃຫ້ສູງຂຶ້ນ.
ຜູ້ແທນຂອງສີ່ປະເທດຈີນ,ລາວ,ມຽນມາແລະໄທທີ່ເຂົ້າຮ່ວມພິທີເປັນເອກະສັນກັນເຫັນວ່າ,ປະຈຸບັນນີ້,ສະພາບຄວາມສະຫງົບຂອງເຂດລ້ອງແມ່ນ້ຳຂອງກຳລັງຄ່ອຍໆດີຂຶ້ນ,ລູກເຮືອແລະປະຊາຊົນຢູ່ແຄມຝັ່ງແມ່ນ້ຳຮູ້ສຶກປອດໄພຫຼາຍກວ່າເກົ່າ.ຕໍ່ໄປ,ສີ່ປະເທດຈະຮ່ວມກັນເດັດດ່ຽວຕໍ່ຕ້ານການໃຊ້ເຮືອຂົນສົ່ງສາກົນດຳເນີນການຄ້າຢາເສບຕິດແລະການກະທຳຜິດທີ່ກໍ່ອາຊະຍາກຳອື່ນໆໃນເຂດລ້ອງແມ່ນ້ຳຂອງ,ປົກປັກຮັກສາຄວາມສະຫງົບແລະຄວາມເປັນລະບຽບຂອງເຂດລ້ອງແມ່ນ້ຳຂອງ,ເຮັດໃຫ້ແມ່ນ້ຳຂອງບໍ່ພຽງແຕ່ເປັນ "ທາງເດີນເຮືອຄຳ" ເທົ່ານັ້ນ,ແຕ່ຍັງເປັນ "ທາງເດີນເຮືອທີ່ສະຫວັດດີພາບ" ອີກດ້ວຍ.
ໃນພິທີເລີ່ມດຳເນີນການເຄື່ອນໄຫວທີ່ຈັດຂຶ້ນຢູ່ນະຄອນຫຼວງປັກກິ່ງໄດ້ແຈ້ງວ່າ, ໜ້າທີ່ຕົ້ນຕໍແລະຈຸດສຳຄັນແຫ່ງການໂຈມຕີຂອງການເຄື່ອນໄຫວເທື່ອນີ້ແມ່ນ:ຮ່ວມກັນມ້າງຄະດີຂ້າມຊາດຂ້າມພາກພື້ນທີ່ກ່ຽວພັນເຖິງຢາເສບຕິດລາຍໃຫຍ່ທີ່ມີຜົນກະທົບອັນຮ້າຍແຮງຈຳນວນໜຶ່ງ,ສະກັດກັ້ນແຫຼ່ງຜະລິດຢາເສບຕິດຂອງ"ເຂດສາມຫຼ່ຽມຄຳ"ຕື່ມອີກ;ສ້າງຈຸດເວນຍາມກວດກາຢາເສບຕິດໃຫ້ສົມບູນຂຶ້ນ,ດຳເນີນການກວດກາຢາເສບຕິດຮ່ວມກັນ,ທຳລາຍຕາໜ່າງຂົນສົ່ງຢາເສບຕິດຢູ່"ເຂດສາມຫຼ່ຽມຄຳ";ຮ່ວມກັນຊອກຫານຳຈັບຜູ້ກະທຳຜິດໃນຄະດີຢາເສບຕິດທີ່ລີ້ຕົວຢູ່ເຂດນີ້;ເພີ່ມທະວີການຮ່ວມມືກັນແລະຄວາມໄວ້ເນື້ອເຊື່ອໃຈກັນລະຫວ່າງສີ່ປະເທດ,ຍົກຄວາມສາມາດດ້ານການປະຕິບັດກົດໝາຍໃນການ ຕ້ານຢາເສບຕິດຂອງເຂດນີ້ໃຫ້ສູງຂຶ້ນ.
ຜູ້ແທນຂອງສີ່ປະເທດຈີນ,ລາວ,ມຽນມາແລະໄທທີ່ເຂົ້າຮ່ວມພິທີເປັນເອກະສັນກັນເຫັນວ່າ,ປະຈຸບັນນີ້,ສະພາບຄວາມສະຫງົບຂອງເຂດລ້ອງແມ່ນ້ຳຂອງກຳລັງຄ່ອຍໆດີຂຶ້ນ,ລູກເຮືອແລະປະຊາຊົນຢູ່ແຄມຝັ່ງແມ່ນ້ຳຮູ້ສຶກປອດໄພຫຼາຍກວ່າເກົ່າ.ຕໍ່ໄປ,ສີ່ປະເທດຈະຮ່ວມກັນເດັດດ່ຽວຕໍ່ຕ້ານການໃຊ້ເຮືອຂົນສົ່ງສາກົນດຳເນີນການຄ້າຢາເສບຕິດແລະການກະທຳຜິດທີ່ກໍ່ອາຊະຍາກຳອື່ນໆໃນເຂດລ້ອງແມ່ນ້ຳຂອງ,ປົກປັກຮັກສາຄວາມສະຫງົບແລະຄວາມເປັນລະບຽບຂອງເຂດລ້ອງແມ່ນ້ຳຂອງ,ເຮັດໃຫ້ແມ່ນ້ຳຂອງບໍ່ພຽງແຕ່ເປັນ "ທາງເດີນເຮືອຄຳ" ເທົ່ານັ້ນ,ແຕ່ຍັງເປັນ "ທາງເດີນເຮືອທີ່ສະຫວັດດີພາບ" ອີກດ້ວຍ.
