ກອງປະຊຸມສຳມະນາວິທະຍາສາດກ່ຽວກັບ ປີສາກົນແຫ່ງການຮ່ວມມືດ້ານນ້ຳ
(GMT+08:00) 2013-03-29 13:38:55 cri
ຕອນເຊົ້າວັນທີ 29 ມີນານີ້, ໄດ້ມີກອງປະຊຸມສຳມະນາວິທະຍາສາດກ່ຽວກັບ ປີສາກົນແຫ່ງການຮ່ວມມືດ້ານນ້ຳປະຈໍາປີ 2013,ທີ່ ພາກວິຊາຊັບພະຍາກອນນໍ້າ,ມະຫາວິທະຍາໄລແຫ່ງຊາດ ວິທະຍາເຂດຕາດທອງ,ໂດຍການເປັນປະທານຮ່ວມຂອງ ທ່ານ ຈັນທະເນດ ບົວລະພາ,ຫົວໜ້າກົມຊັບພະຍາກອນນ້ຳ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ຮອງສາສະດາຈານ ອ້ວນມາ ທຳມະວົງ ຫົວໜ້າພາກວິຊາວິສະວະກຳຊັບພະຍາກອນນ້ຳ ພ້ອມດ້ວຍແຂກຖືກເຊີນຈາກພາກລັດ ແລະ ອົງການຈັດຕັ້ງສາກົນເຂົ້າຮ່ວມ 300 ກ່ວາຄົນ.
ສໍາມະນາເທື່ອນີ້ໄດ້ປືກສາຫາລື ຍຸດທະສາດແລະແຜນດຳເນີນງານເພື່ອສະໜັບສະໜູນການສຶກສາດ້ານການຄຸ້ມຄອງນໍ້າ ໂດຍສະເພາະພາກວິຊາວິສະວະກໍາຊັບພະຍາກອນນໍ້າ, ເຊິ່ງງານສໍາມະນານີ້ມີ ຈຸດປະສົງທີ່ຍົກລະດັບວຸດທິ ແລະ ຄວາມສາມາດຂອງ ພະນັກງານໃນພາກວິຊາ,ຍົກຄຸນນະພາບການຮຽນການສອນໃຫ້ສູງຂຶ້ນ, ໄດ້ພັດທະນາ ແລະ ປັບປຸງຫຼັກສູດການຄຸ້ມຄອງນໍ້າແລະ ອື່ນໆ.
ການຈັດກອງປະຊຸມສຳມະນາວິທະຍາສາດກ່ຽວກັບ ປີສາກົນແຫ່ງການຮ່ວມມືດ້ານນ້ຳ ແມ່ນໜຶ່ງໃນ 9 ກິດຈະກໍາຫລັກ ສຳລັບການສະເຫລີມສະຫລອງວັນນ້ຳໂລກໃນປີນີ້, ເຊິ່ງໃນງານໄດ້ມີການວາງສະແດງຮູບພາບກ່ຽວກັບທຳມະຊາດ ແລະ ການໂຕ້ວາທີ ຖາມ-ຕອບ ກ່ຽວກັບ ນ້ຳ,ດິນແລະ ປ່າໄມ້,ໂດຍແມ່ນນັກສຶກສາຈາກວິຊາວິສະວະກຳຊັບພະຍາກອນນໍ້າ,ວິທະຍາສາດແລະ ສິ່ງແວດລ້ອມ ແລະ ຄະນະປ່າໄມ້;ນອກຈາກການຈັດກອງປະຊຸມສຳມະນາວິທະຍາສາດແລ້ວ ຍັງມີການແຂ່ງຂັນຮູບແຕ້ມກ່ຽວກັບນ້ຳ,ສ້າງບົດເພັງກ່ຽວກັບຊັບພະຍາກອນນ້ຳ,ຕິດປ້າຍຄຳຂວັນຕາມຖະໜົນຫລັກໃນນະຄອນຫລວງວຽງຈັນແລະອື່ນໆອີກ.
ສໍາມະນາເທື່ອນີ້ໄດ້ປືກສາຫາລື ຍຸດທະສາດແລະແຜນດຳເນີນງານເພື່ອສະໜັບສະໜູນການສຶກສາດ້ານການຄຸ້ມຄອງນໍ້າ ໂດຍສະເພາະພາກວິຊາວິສະວະກໍາຊັບພະຍາກອນນໍ້າ, ເຊິ່ງງານສໍາມະນານີ້ມີ ຈຸດປະສົງທີ່ຍົກລະດັບວຸດທິ ແລະ ຄວາມສາມາດຂອງ ພະນັກງານໃນພາກວິຊາ,ຍົກຄຸນນະພາບການຮຽນການສອນໃຫ້ສູງຂຶ້ນ, ໄດ້ພັດທະນາ ແລະ ປັບປຸງຫຼັກສູດການຄຸ້ມຄອງນໍ້າແລະ ອື່ນໆ.
ການຈັດກອງປະຊຸມສຳມະນາວິທະຍາສາດກ່ຽວກັບ ປີສາກົນແຫ່ງການຮ່ວມມືດ້ານນ້ຳ ແມ່ນໜຶ່ງໃນ 9 ກິດຈະກໍາຫລັກ ສຳລັບການສະເຫລີມສະຫລອງວັນນ້ຳໂລກໃນປີນີ້, ເຊິ່ງໃນງານໄດ້ມີການວາງສະແດງຮູບພາບກ່ຽວກັບທຳມະຊາດ ແລະ ການໂຕ້ວາທີ ຖາມ-ຕອບ ກ່ຽວກັບ ນ້ຳ,ດິນແລະ ປ່າໄມ້,ໂດຍແມ່ນນັກສຶກສາຈາກວິຊາວິສະວະກຳຊັບພະຍາກອນນໍ້າ,ວິທະຍາສາດແລະ ສິ່ງແວດລ້ອມ ແລະ ຄະນະປ່າໄມ້;ນອກຈາກການຈັດກອງປະຊຸມສຳມະນາວິທະຍາສາດແລ້ວ ຍັງມີການແຂ່ງຂັນຮູບແຕ້ມກ່ຽວກັບນ້ຳ,ສ້າງບົດເພັງກ່ຽວກັບຊັບພະຍາກອນນ້ຳ,ຕິດປ້າຍຄຳຂວັນຕາມຖະໜົນຫລັກໃນນະຄອນຫລວງວຽງຈັນແລະອື່ນໆອີກ.
