ຍົນຂະໜາດນ້ອຍລຳໜຶ່ງຂອງບໍລິສັດລາວເດີນອາກາດຕົກ ແຕ່ບໍ່ມີຄົນເສຍຊີວິດ
ວັນທີ 19 ເມສານີ້, ທ່ານບຸນມາ,ອຳນວຍການບໍລິສັດລາວເດີນອາກາດຢັ້ງຢືນວ່າ, ໃນວັນທີ 17 ເມສານີ້, ຍົນຂະໜາດນ້ອຍລຳໜຶ່ງຂອງບໍລິສັດຕົກໃນຂະນະບິນຂຶ້ນເດີ່ນຍົນນາທອງແຂວງຫົວພັນຂອງລາວ, ເຮັດໃຫ້ມີຜູ່ບາດເຈັບຫຼາຍຄົນ, ແຕ່ບໍ່ມີຄົນເສຍຊີວິດ.
ອຸປະຕິເຫດເທື່ອນີ້ເກີດຂຶ້ນໃນຕອນບ່າຍວັນທີ 17 ເມສານີ້, ຜູ້ເຫັນເຫດການກ່າວວ່າ ໃນຂະນະທີ່ຍົນລຳນີ້ບິນຂຶ້ນຈາກເດີ່ນຍົນ,ຍົນໄດ້ເຈືອກອອກຈາກທາງແລ່ນ,ປີກຍົນໄປຕັດຕົ້ນໄມ້,ແລ້ວຕົກລົງຢໃນຫ້ວຍນ້ຳນ້ອຍໆສາຍໜຶ່ງທີ່ຢູ່ໃກ້ກັບສົ້ນຂອງທາງແລ່ນ.
ທ່ານບຸນມາບອກນັກຂ່າວວ່າ, ຍົນນ້ອຍທີ່ມີ 19 ບ່ອນນັ່ງລຳນີ້ແມ່ນບິນຈາກແຂວງຫົວພັນໄປຫານະຄອນຫຼວງວຽງຈັນ, ໃນເວລາເກີດອຸປະຕິເຫດຢູ່ເທິງຍົນມີຜູ້ໂດຍສານ 16 ຄົນແລະພະນັກງານໜ່ວຍການບິນ 2 ຄົນ, ໃນນັ້ນມີຄົນລາວ 17 ຄົນແລະຄົນໄທ 1 ຄົນ. ເຖິງວ່າຍົນລຳນ້ຳຖືກເສຍຫາຍຢ່າງໜັກໜ່ວງ, ແຕ່ບໍ່ໄດ້ເກີດການລະເບີດແລະບໍ່ໄດ້ເກີດໄຟໄໝ້, ທັງບໍ່ມີຄົນເສຍຊີວິດ. ປະຈຸບັນນີ້, ຜູ້ບາດເຈັບໄດ້ອອກຈາກໂຮງໝໍໝົດ.
