ກະຊວງແຮງງານແລະສະຫວັດດີການສັງຄົມກຽມພ້ອມພັດທະນາສີມືແຮງງານ 2 ແສນກວ່າຄົນ ເພື່ອປະຊາຄົມອາຊຽນໃນປີ 2015
ໃນໄລຍະຜ່ານມາຂະແໜງແຮງງານສະຫວັດດີການສັງຄົມໄດ້ຕອບສະໜອງແຮງງານທີ່ມີສີມືໃຫ້ແກ່ການພັດທະນາເສດຖະກິດ-ສັງຄົມເປັນຕົ້ນແມ່ນບັນດາໂຄງການຕ່າງໆທັງຂອງລັດຖະບານແລະເອກະຊົນ.ນີ້ແມ່ນຄຳຢັ້ງຢືນຂອງທ່ານຄອນສີ ມະຫາວົງ, ຫົວໜ້າພະແນກພັດທະນາສີມືແຮງງານ,ກະຊວງແຮງງານແລະສະຫວັດດີການສັງຄົມຂອງໂລກກ່າວໃຫ້ໃຫ້ໃນວັນທີ 23 ເມສານີ້ທີ່ນະຄອນຫຼວງວຽງຈັນ.
ທ່ານກ່າວຕື່ມອີກວ່າ: ປັດຈຸບັນກະຊວງແຮງງານ ແລະ ສະຫວັດດີການສັງຄົມໄດ້ ສົມທົບກັບສະພາການຄ້າ, ສູນກາງສະຫະພັນກຳມະບານ, ກະຊວງສຶກສາເພື່ອເລັ່ງໃສ່ພັດທະນາສີມືແຮງງານຢູ່ 3 ແຂວງຄື: ບໍ່ແກ້ວ, ສະຫວັນນະເຂດ ແລະ ອັດຕະປື. ສືບຕໍ່ສ້າງແລະພັດທະນາສີມືແຮງງານຂັ້ນແຂວງຝຶກສີມືແຮງງານໃຫ້ໄດ້ທັງປະລິມານ ແລະຄຸນນະພາບ ເພື່ອສະໜອງໃຫ້ແກ່ການພັດທະນາຕາມໂຄງປະກອບເສດຖະກິດໃຫ້ໄດ້ 2 ແສນກວ່າຄົນ. ຍົກລະດັບສູນຝຶກວິຊາຊີບລາວ-ເກົາຫຼີ ແລະ ສູນພັດທະນາສີມືແຮງານໂພນພະເນົາເພື່ອເປັນສູນຕົວແບບ ພ້ອມນັ້ນຍັງໄດ້ເອົາໃຈໃສ່ຄົ້ນຄວ້າມາດຕະຖານສີມືແຮງງານໃນຂະແໜງການກໍ່ສ້າງໃຫ້ໄດ້ 10 ສາຂາອາຊີບ, ຂະແໜງລົດຍົນ 7 ສາຂາອາຊີບ, ລວມ 17 ສາຂາອາຊີບໃນລະດັບ 85 ສ່ວນຮ້ອຍຂອງແຜນການ 5 ປີ ແນໃສ່ເປັນບ່ອນອີງໃນການກຳນົດລະດັບຄວາມຊຳນານງານຂອງຜູ້ອອກແຮງງານ ແລະ ການກຳນົດຄ່າແຮງງງານຢູ່ໃນຫົວໜ່ວຍແຮງງານພາກສ່ວນຕ່າງໆ ທັງເປັນການກຽມເງື່ອນໄຂທາງດ້ານຕ່າງໆໃຫ້ແກ່ການເຊື່ອມໂຍງເຂົ້າກັບປະຊາຄົມອາຊຽນໃນປີ 2015.
