ການສ້າງປະຊາຄົມອາຊຽນເຂົ້າສູ່ໄລຍະແກ້ໄຂສິ່ງທ້າທາຍ
(GMT+08:00) 2013-04-24 13:09:10 cri
ກອງປະຊຸມສຸດຍອດອາຊຽນຄັ້ງທີ 22 ຈັດຂຶ້ນຢູ່ນະຄອນຫຼວງເຊລີເບກາວັນຂອງບຼູໄນແຕ່ວັນທີ 24 ຫາວັນທີ 25 ເມສານີ້. ໃນໜຶ່ງປີຜ່ານມາ, ເສດຖະກິດຂອງ 10 ປະເທດອາຊຽນເຕີບໂຕຢ່າງໝັ້ນທ່ຽງ, ການຮ່ວມມືທາງດ້ານການເມືອງແລະຄວາມໝັ້ນຄົງໄດ້ຮັບການເພີ່ມທະວີ, ລະດັບຊີວິດການເປັນຢູ່ຂອງປະຊາຊົນໄດ້ຮັບການຍົກສູງຂຶ້ນໃນລະດັບຕ່າງໆ, ອາຊຽນພວມເບັ່ງສີສັນພິເສດຂອງຕົນໃນເວທີສາກົນ. ນັກວິເຄາະສາກົນເຫັນວ່າ, ເຖິງວ່າປະເຊີນໜ້າກັບຄວາມຫຍຸ້ງຍາກແລະສິ່ງທ້າທາຍຫຼາຍຢ່າງຫຼາຍແນວກໍຕາມ, ແຕ່ກອງປະຊຸມສຸດຍອດອາຊຽນຄັ້ງນີ້ຈະສືບຕໍ່ເນັ້ນໜັກເຖິງຄວາມສາມັກຄີພາຍໃນອາຊຽນ, ແລະຊຸກຍູ້ການເຊື່ອມໂຍງເຂົ້າເປັນປະຊາຄົມອາຊຽນ.
ຫົວຂໍ້ຂອງກອງປະຊຸມຄັ້ງນີ້ແມ່ນ "ເຕົ້າໂຮມປະຊາຊົນ ຮ່ວມກັນສ້າງອະນາຄົດ". ກອງປະຊຸມຄັ້ງນີ້ຕົ້ນຕໍຈະເລັງໃສ່ປຶກສາຫາລືກ່ຽວກັບການສ້າງປະຊາຄົມອາຊຽນ. ໃນກອງປະຊຸມສຸດຍອດທີ່ຈັດຂຶ້ນຢູ່ພະນົມເປັນຂອງກຳປູເຈຍໃນປີຜ່ານມາ, ຜູ້ນຳຂອງອາຊຽນໃຫ້ຄຳໝັ້ນສັນຍາວ່າ ຈະສ້າງຕັ້ງປະຊາຄົມອາຊຽນກ່ອນວັນທີ 31 ທັນວາ 2015. ໃນກອງປະຊຸມສຸດຍອດຄັ້ງນີ້, ຜູ້ນຳຂອງອາຊຽນຈະດຳເນີນການປຶກສາຫາລືກ່ຽວກັບຄວາມຄືບໜ້າແຫ່ງການເຊື່ອມໂຍງທາງດ້ານຄວາມໝັ້ນຄົງ, ເສດຖະກິດແລະສັງຄົມວັດທະນະທຳ ທີ່ເປັນສາມເສົາຄ້ຳໃຫຍ່ຂອງປະຊາຄົມອາຊຽນ, ພ້ອມດ້ວຍຄວາມຫຍຸ້ງຍາກແລະວິທີແກ້ໄຂ.
ຜູ້ຊ່ຽວຊານຊີ້ອອກວ່າ, ການສ້າງປະຊາຄົມອາຊຽນແມ່ນຜົນປະໂຫຍດໃຈກາງຂອງອາຊຽນ, ແຕ່ຍັງພົບກັບສິ່ງທ້າທາຍຈຳນວນໜຶ່ງໃນຂະບວນການນີ້. ຄືໜຶ່ງ: ການພັດທະ ນາເສດຖະກິດຂອງບັນດາປະເທດອາຊຽນບໍ່ສະເໝີພາບກັນ. ທ່ານຢາມາໂມໂຕ ຢູຊີໂນບຸ, ຜູ່ຊ່ຽວຊານດ້ານການເມືອງສາກົນຂອງຍີ່ປຸ່ນກ່າວວ່າ: "ອາຊຽນບໍ່ໄດ້ວາງເປົ້າໝາຍຕົວເລກລະອຽດກ່ຽວກັບການຫຼຸດຜ່ອນຄວາມຜິດໂຕນກັນດ້ານການພັດທະນາເສດຖະກິດ, ອາຊຽນຈະສາມາດຫຼຸດຜ່ອນຄວາມຜິດໂຕນກັນດ້ານການພັດທະນາເຖິງລະດັບໃດກ່ອນປີ 2015 ນັ້ນ, ແມ່ນຫົວຂໍ້ສຳຄັນສຳລັບອາຊຽນ."
ສອງ, ຢູ່ພາຍໃນອາຊຽນມີປັດໄຈບໍ່ໝັ້ນທ່ຽງດ້ານການເມືອງ. ຫຼາຍປີມານີ້, ສະພາບການເມືອງຂອງບາງປະເທດອາຊຽນເກີດມີຄວາມປັ່ນປ່ວນ, ຄວາມຂັດແຍ່ງກັນດ້ານດິນແດນລະ ຫວ່າງປະເທດກໍ່ມີຄວາມອາດເປັນໄປໄດ້ທີ່ຈະຮຸນແຮງຂຶ້ນ.
ສິ່ງທ້າທາຍອັນທີສາມ, ອາຊຽນຈະສາມາດກາຍເປັນຈຸດໃຈກາງໃນການເຊື່ອມໂຍງເຂົ້າກັນຂອງພາກພື້ນຫືຼບໍ່. ທ່ານຢາມາໂມໂຕ ຢູຊີໂນບຸເຫັນວ່າ, ອາຊຽນມີຄວາມຍິນດີຢາກເສີມຂະຫຍາຍບົດບາດໃຈກາງໃນການຮ່ວມມືຂອງອາຊີ, ແຕ່ຜົນປະໂຫຍດຂອງ 10 ປະເທດອາຊຽນຍັງບໍ່ເປັນເອກະພາບກັນຢ່າງແທ້ຈິງ, ອາຊຽນຈະສາມາດເສີມຂະຫຍາຍກຳລັງແຮງຄືແນວໃດ, ນີ້ຍັງຕ້ອງຕິດຕາມຕໍ່ໄປ.
ຜູ້ຊ່ຽວຊານເຫັນວ່າ, ກອງປະຊຸມສຸດຍອດຄັ້ງນີ້ທີ່ມີບຼູໄນເປັນປະເທດປະທານໝູນວຽນນັ້ນ ຈະໂຮມສູນຊັບພະຍາກອນພາຍໃນອາຊຽນ, ພະຍາຍາມເຮັດໃຫ້ກອງປະຊຸມຄັ້ງນີ້ດຳເນີນໄປໃນທ່າມກາງບັນຍາກາດທີ່ໝັ້ນທ່ຽງແລະສະໜິດສະໜົມ, ຊຸກຍູ້ການສ້າງປະຊາຄົມອາຊຽນໃຫ້ສຳເລັດຕາມເວລາທີ່ກຳນົດໄວ້.
ຫົວຂໍ້ຂອງກອງປະຊຸມຄັ້ງນີ້ແມ່ນ "ເຕົ້າໂຮມປະຊາຊົນ ຮ່ວມກັນສ້າງອະນາຄົດ". ກອງປະຊຸມຄັ້ງນີ້ຕົ້ນຕໍຈະເລັງໃສ່ປຶກສາຫາລືກ່ຽວກັບການສ້າງປະຊາຄົມອາຊຽນ. ໃນກອງປະຊຸມສຸດຍອດທີ່ຈັດຂຶ້ນຢູ່ພະນົມເປັນຂອງກຳປູເຈຍໃນປີຜ່ານມາ, ຜູ້ນຳຂອງອາຊຽນໃຫ້ຄຳໝັ້ນສັນຍາວ່າ ຈະສ້າງຕັ້ງປະຊາຄົມອາຊຽນກ່ອນວັນທີ 31 ທັນວາ 2015. ໃນກອງປະຊຸມສຸດຍອດຄັ້ງນີ້, ຜູ້ນຳຂອງອາຊຽນຈະດຳເນີນການປຶກສາຫາລືກ່ຽວກັບຄວາມຄືບໜ້າແຫ່ງການເຊື່ອມໂຍງທາງດ້ານຄວາມໝັ້ນຄົງ, ເສດຖະກິດແລະສັງຄົມວັດທະນະທຳ ທີ່ເປັນສາມເສົາຄ້ຳໃຫຍ່ຂອງປະຊາຄົມອາຊຽນ, ພ້ອມດ້ວຍຄວາມຫຍຸ້ງຍາກແລະວິທີແກ້ໄຂ.
ຜູ້ຊ່ຽວຊານຊີ້ອອກວ່າ, ການສ້າງປະຊາຄົມອາຊຽນແມ່ນຜົນປະໂຫຍດໃຈກາງຂອງອາຊຽນ, ແຕ່ຍັງພົບກັບສິ່ງທ້າທາຍຈຳນວນໜຶ່ງໃນຂະບວນການນີ້. ຄືໜຶ່ງ: ການພັດທະ ນາເສດຖະກິດຂອງບັນດາປະເທດອາຊຽນບໍ່ສະເໝີພາບກັນ. ທ່ານຢາມາໂມໂຕ ຢູຊີໂນບຸ, ຜູ່ຊ່ຽວຊານດ້ານການເມືອງສາກົນຂອງຍີ່ປຸ່ນກ່າວວ່າ: "ອາຊຽນບໍ່ໄດ້ວາງເປົ້າໝາຍຕົວເລກລະອຽດກ່ຽວກັບການຫຼຸດຜ່ອນຄວາມຜິດໂຕນກັນດ້ານການພັດທະນາເສດຖະກິດ, ອາຊຽນຈະສາມາດຫຼຸດຜ່ອນຄວາມຜິດໂຕນກັນດ້ານການພັດທະນາເຖິງລະດັບໃດກ່ອນປີ 2015 ນັ້ນ, ແມ່ນຫົວຂໍ້ສຳຄັນສຳລັບອາຊຽນ."
ສອງ, ຢູ່ພາຍໃນອາຊຽນມີປັດໄຈບໍ່ໝັ້ນທ່ຽງດ້ານການເມືອງ. ຫຼາຍປີມານີ້, ສະພາບການເມືອງຂອງບາງປະເທດອາຊຽນເກີດມີຄວາມປັ່ນປ່ວນ, ຄວາມຂັດແຍ່ງກັນດ້ານດິນແດນລະ ຫວ່າງປະເທດກໍ່ມີຄວາມອາດເປັນໄປໄດ້ທີ່ຈະຮຸນແຮງຂຶ້ນ.
ສິ່ງທ້າທາຍອັນທີສາມ, ອາຊຽນຈະສາມາດກາຍເປັນຈຸດໃຈກາງໃນການເຊື່ອມໂຍງເຂົ້າກັນຂອງພາກພື້ນຫືຼບໍ່. ທ່ານຢາມາໂມໂຕ ຢູຊີໂນບຸເຫັນວ່າ, ອາຊຽນມີຄວາມຍິນດີຢາກເສີມຂະຫຍາຍບົດບາດໃຈກາງໃນການຮ່ວມມືຂອງອາຊີ, ແຕ່ຜົນປະໂຫຍດຂອງ 10 ປະເທດອາຊຽນຍັງບໍ່ເປັນເອກະພາບກັນຢ່າງແທ້ຈິງ, ອາຊຽນຈະສາມາດເສີມຂະຫຍາຍກຳລັງແຮງຄືແນວໃດ, ນີ້ຍັງຕ້ອງຕິດຕາມຕໍ່ໄປ.
ຜູ້ຊ່ຽວຊານເຫັນວ່າ, ກອງປະຊຸມສຸດຍອດຄັ້ງນີ້ທີ່ມີບຼູໄນເປັນປະເທດປະທານໝູນວຽນນັ້ນ ຈະໂຮມສູນຊັບພະຍາກອນພາຍໃນອາຊຽນ, ພະຍາຍາມເຮັດໃຫ້ກອງປະຊຸມຄັ້ງນີ້ດຳເນີນໄປໃນທ່າມກາງບັນຍາກາດທີ່ໝັ້ນທ່ຽງແລະສະໜິດສະໜົມ, ຊຸກຍູ້ການສ້າງປະຊາຄົມອາຊຽນໃຫ້ສຳເລັດຕາມເວລາທີ່ກຳນົດໄວ້.
