ຄະນະຜູ້ຊ່ຽວຊານຂອງສູນກາງພັກຄອມມູນິດຈີນຢ້ຽມຢາມສັນຖະວະໄມຕີສປປລາວ
ໂດຍຕອບສະໜອງຄຳເຊີນຂອງພັກປະຊາຊົນປະຕິວັລາວ, ໜ່ວຍຜູ້ຊ່ຽວຊານສູນກາງພັກຄອມມູນິດຈີນທີ່ນຳໂດຍທ່ານກາວຢົງຈົ່ງ, ຮອງຫົວໜ້າຫ້ອງການຄົ້ນຄວ້າປະຫວັດສາດພັກຂອງສູນກາງພັກຄອມມູນິດຈີນໄດ້ດຳເນີນການຢ້ຽມຢາມສັນຖະວະໄມຕີ ສປປ ລາວ ແຕ່ວັນທີ 21 ຫາວັນທີ 24 ເມສານີ້.
ໃນວັນທີ 23 ເມສານີ້, ທ່ານເຈືອງ ສົມບູນຂັນ, ເລຂາທິການສູນກາງພັກ, ຫົວໜ້າໂຄສະນາອົບຮົມສູນກາງພັກປະຊາຊົນປະຕິວັດລາວໄດ້ຕ້ອນຮັບຄະນະຜູ່ຊ່ຽວຊານຈີນ. ທ່ານເຈືອງ ສົມບູນຂັນກ່າວວ່າ, ສອງປະເທດລາວຈີນມີໄມຕີຈິດມິດຕະພາບມາແຕ່ດົນນານ, ຈີນມີບົດຮຽນອັນອຸດົມສົມບູນໃນການພັດທະນາເສດຖະກິດ-ສັງຄົມແລະການສ້າງສາວັດທະນະທຳ, ເປັນໜ້າເຮັດໃຫ້ປະເທດລາວຖອນຖອນຮ່ຳຮຽນນຳ. ທ່ານຍັງກ່າວເນັ້ນວ່າ, ການວິເຄາະແລະຕີຄວາມໝາຍຂອງຄະນະຜູ້ຊ່ຽວຊານທີ່ມີຕໍ່ນ້ຳໃຈກອງປະຊຸມໃຫຍ່ຄັ້ງທີ 18 ຂອງພັກຄອມມູນິດຈີນໄດ້ເຮັດໃຫ້ຜູ້ຮ່ວມປະຊຸມຝ່າຍລາວໄດ້ເຂົ້າໃຈທິດສະດີ, ແນວຄິດແລະທິດທາງນະໂຍບາຍແຫ່ງການສ້າງສາສັງຄົມນິຍົມທີ່ມີສີສັນພິເສດຂອງຈີນດີຂຶ້ນກວ່າເກົ່າ, ລາວຫວັງຢາກຈະໄດ້ຮັບການສະໜັບສະໜູນແລະຊ່ວຍເຫຼືອຕື່ມອີກຈາກຈີນ, ແລະເພີ່ມທະວີການແລກປ່ຽນແລະຮ່ວມມືກັນ.
ທ່ານກາວຢົງຈົ່ງກ່າວວ່າ, ສອງປະເທດຈີນ-ລາວສາມາດຖອດຖອນບົດຮຽນເຊິ່ງກັນແລະກັນໃນດ້ານການປົກຄອງປະເທດ, ການກໍ່ສ້າງພັກ, ການອົບຮົມພະນັກງານຊາວໜຸ່ມແລະການອະນຸລັກສິ່ງແວດລ້ອມທຳມະຊາດ.
