ອາຊຽນເລັ່ງລັດການຮ່ວມມືພາກພື້ນຢ່າງຮອບດ້ານ
(GMT+08:00) 2013-04-26 17:01:29 cri
ຕາມຂ່າວສານຊິນຮວາ, ກອງປະຊຸມສຸດຍອດອາຊຽນຄັ້ງທີ 22 ທີ່ຈັດຂຶ້ນຢູ່ນະຄອນຫຼວງບັນດາເສຣີບາກາວັນຂອງບຼູໄນອັດລົງໃນວັນທີ 25 ເມສານີ້. ຖະແຫຼງການປະທານທີ່ເປີດເຜີຍຫຼັງກອງປະຊຸມໄດ້ຮຽກຮ້ອງໃຫ້ເພີ່ມທະວີການຮ່ວມມືພາກພື້ນ, ພະຍາຍາມບັນລຸການສ້າງປະຊາຄົມອາຊຽນໃນປີ 2015, ພ້ອມກັນນັ້ນ, ຈະແກ້ໄຂຄວາມຂັດແຍ່ງທີ່ກ່ຽວຂ້ອງໂດຍສັນຕິ.
ເຫຼືອພຽງແຕ່ສອງປີກໍຈະຮອດເວລາກຳນົດສຸດທ້າຍແຫ່ງການສ້າງປະຊາຄົມອາຊຽນໃຫ້ສຳເລັດ, ກອງປະຊຸມສຸດຍອດຄັ້ງນີ້ຕົ້ນຕໍໄດ້ປຶກສາຫາລືຜົນສຳເລັດໃນສາມຂົງເຂດໃຫຍ່ໃນການສ້າງປະຊາຄົມອາຊຽນ, ແລະໄດ້ກຳນົດທິດທາງຂະຫຍາຍຕົວຢ່າງຈະແຈ້ງ.
ໃນຂົງເຂດການເມືອງແລະຄວາມໝັ້ນຄົງ, ເພື່ອເພີ່ມທະວີຄວາມສາມາດໃນການຮັບມືກັບການຂົ່ມຂູ່ແບບເກົ່າເດີບແລະການຂົ່ມຂູ່ແບບໃໝ່, ໃນເດືອນມິຖຸນາປີນີ້, ອາຊຽນຈະຈັດການຊ່ວຍເຫຼືອດ້ານມະນຸດສະທຳແລະການຝຶກຊ້ອມຮ່ວມດ້ານການກູ້ໄພແລະການຝຶກຊ້ອມທາງການທະຫານກັບ 8 ປະເທດຄູ່ເຈລະຈາຂອງອາຊຽນ, ເຊັ່ນ: ຈີນ, ອາເມລິກາ, ຣັດເຊຍ, ອົສຕຼາລີ, ອິນເດຍ, ສ.ເກົາຫຼີ, ນູແວນຊີລັງແລະຍີ່ປຸ່ນ. ປີນີ້, ອາຊຽນຍັງຈະພິມຈຳໜ່າຍວາລະສານ "ຈ້ອງມອງຄວາມໝັ້ນຄົງໃນພາກພື້ນອາຊຽນ" ສະບັບທຳອິດ, ແລະຍິນດີຕ້ອນຮັບນອກແວເຂົ້າເປັນປະເທດພາຄີ "ສົນທິສັນຍາໄມຕີຈິດມິດຕະພາບແລະຮ່ວມມືກັນຂອງອາຊີຕາເວັນອອກສຽງໃຕ້" ໃນເດືອນມິຖຸນາປີນີ້.
ໃນຂົງເຂດເສດຖະກິດ, ອາຊຽນໄດ້ເປີດເຜີຍວ່າໄດ້ບັນລຸເປົ້າໝາຍ 77,5% ຂອງແຜນການສ້າງປະຊາຄົມເສດຖະກິດອາຊຽນ, ລາຍຮັບສະເລ່ຍຕໍ່ຫົວຄົນ, ຍອດມູນຄ່າການຄ້າແລະລາຍຮັບດ້ານການທ່ອງທ່ຽວຂອງບັນດາປະເທດໃນພາກພື້ນລ້ວນແຕ່ຈະຫຼາຍກວ່າເກົ່າ. ອາຊຽນຈະສືບຕໍ່ພະຍາຍາມຫຼຸດຄວາມຜິດໂຕນກັນລະຫວ່າງຄວາມຮັ່ງມີກັບຄວາມທຸກຍາກໃນພາກພື້ນ, ເພີ່ມທະວີການເຊື່ອມຕໍ່ກັນທາງທະເລ, ທາງບົກແລະທາງອາກາດ, ກາຍເປັນຕະຫຼາດເອກະພາບ, ພະຍາຍາມສ້າງການພົວພັນຄູ່ເສດຖະກິດຮອບດ້ານໃນພາກພື້ນໃຫ້ສຳເລັດໃນປີ 2015.
ອາຊຽນຍັງຈະທຳລາຍກຳແພງພາສີ, ເຜີຍແຜ່ມາດຕະການຕ່າງໆທີ່ມີຜົນດີຕໍ່ການປົວ ແປງສະພາບແວດລ້ອມການຄ້າແລະການລົງທຶນໃຫ້ດີຂຶ້ນ ເຊັ່ນ: "ບັດທ່ອງທ່ຽວວຽກການ ຄ້າອາຊຽນ" ເປັນຕົ້ນ, ເພື່ອຍົກກຳລັງແກ່ງແຍ່ງໃນທົ່ວໂລກຂອງເສດຖະກິດອາຊຽນໃຫ້ ເຂັ້ມແຂງຂຶ້ນ.
ໃນຂົງເຂດວັດທະນະທຳ ສັງຄົມ, ຜູ້ນຳຂອງບັນດາປະເທດອາຊຽນໄດ້ສະຫຼຸບສະພາບການປະຕິບັດ "ແຜນການເຊື່ອມຕໍ່ກັນດ້ານວັດທະນະທຳ ສັງຄົມ", ສະເໜີອອກຈະເປີດກວ້າງການແລກປ່ຽນລະຫວ່າງຊາວໜຸ່ມຕື່ມອີກ, ສ້າງຂະແໜງການກິລາໃຫ້ຈະເລີນຮຸ່ງເຮືອງ, ປົກປ້ອງສິດແລະຜົນປະໂຫຍດຂອງແມ່ຍິງເດັກນ້ອຍ, ໃຊ້ການກະທຳຕົວຈິງເພື່ອຮັບມືກັບ ການປ່ຽນແປງຂອງດິນຟ້າອາກາດແລະສິ່ງແວດລ້ອມເປັນມົນລະພິດ.
ຄຽງຄູ່ກັບການປິດກອງປະຊຸມສຸດຍອດຄັ້ງນີ້, ອາຊຽນໄດ້ຢ່ວງອີກບາດກ້າວໜຶ່ງເຂົ້າ ສູ່ການສ້າງສຳເລັດປະຊາຄົມອາຊຽນ, ແຕ່ຜູ້ນຳທີ່ຮ່ວມປະຊຸມໄດ້ຮັບຮູ້ຢ່າງຈະແຈ້ງວ່າ ຂະ ບວນການເຊື່ອມໂຍງເຂົ້າກັນຍັງປະເຊີນໜ້າກັບສິ່ງທ້າທາຍຢ່າງຫຼວງຫຼາຍ. ທ່ານເລເລືອງມິງ, ເລຂາທິການໃຫຍ່ອາຊຽນຊີ້ອອກວ່າ, ແຜນການສ້າງຕັ້ງປະຊາຄົມອາຊຽນຍັງມີ 22,5% ບໍ່ທັນໄດ້ສຳເລັດ, ນີ້ຈະແມ່ນພາກສ່ວນທີ່ດຳເນີນໄປຢ່າງຫຍຸ້ງຍາກທີ່ສຸດ.
ຜູ້ນຳຂອງອາຊຽນຍັງໄດ້ກ່າວຢ້ຳຄວາມສຳຄັນແຫ່ງການປົກປ້ອງຄວາມໝັ້ນຄົງເທິງ ທະເລ, ເຫັນວ່າ ຝ່າຍຕ່າງໆຄວນເຄົາລົບ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ແລະ ຫຼັກການ 6 ຂໍ້ກ່ຽວກັບບັນຫາທະເລຈີນໃຕ້, ຮຽກຮ້ອງຝ່າຍຕ່າງໆຮັກສາຄວາມອົດທົນ, ຫຼີກເວັ້ນບໍ່ໃຊ້ກຳລັງອາວຸດ ຫຼື ຂົ່ມຂູ່ດ້ວຍກຳລັງອາວຸດ, ແກ້ໄຂຄວາມຂັດແຍ່ງກັນທີ່ກ່ຽວຂ້ອງໂດຍສັນຕິ, ທຳຄວາມພະຍາຍາມທາງການຕ່າງປະເທດເທົ່າທີ່ຄວນເພື່ອບັນລຸຄວາມເຫັນທີ່ເປັນເອກະສັນກັນໂດຍໄວກ່ຽວກັບ "ກົດບັດແຫ່ງການປະພຶດໃນທະເລຈີນໃຕ້."(ຈົບ)
ເຫຼືອພຽງແຕ່ສອງປີກໍຈະຮອດເວລາກຳນົດສຸດທ້າຍແຫ່ງການສ້າງປະຊາຄົມອາຊຽນໃຫ້ສຳເລັດ, ກອງປະຊຸມສຸດຍອດຄັ້ງນີ້ຕົ້ນຕໍໄດ້ປຶກສາຫາລືຜົນສຳເລັດໃນສາມຂົງເຂດໃຫຍ່ໃນການສ້າງປະຊາຄົມອາຊຽນ, ແລະໄດ້ກຳນົດທິດທາງຂະຫຍາຍຕົວຢ່າງຈະແຈ້ງ.
ໃນຂົງເຂດການເມືອງແລະຄວາມໝັ້ນຄົງ, ເພື່ອເພີ່ມທະວີຄວາມສາມາດໃນການຮັບມືກັບການຂົ່ມຂູ່ແບບເກົ່າເດີບແລະການຂົ່ມຂູ່ແບບໃໝ່, ໃນເດືອນມິຖຸນາປີນີ້, ອາຊຽນຈະຈັດການຊ່ວຍເຫຼືອດ້ານມະນຸດສະທຳແລະການຝຶກຊ້ອມຮ່ວມດ້ານການກູ້ໄພແລະການຝຶກຊ້ອມທາງການທະຫານກັບ 8 ປະເທດຄູ່ເຈລະຈາຂອງອາຊຽນ, ເຊັ່ນ: ຈີນ, ອາເມລິກາ, ຣັດເຊຍ, ອົສຕຼາລີ, ອິນເດຍ, ສ.ເກົາຫຼີ, ນູແວນຊີລັງແລະຍີ່ປຸ່ນ. ປີນີ້, ອາຊຽນຍັງຈະພິມຈຳໜ່າຍວາລະສານ "ຈ້ອງມອງຄວາມໝັ້ນຄົງໃນພາກພື້ນອາຊຽນ" ສະບັບທຳອິດ, ແລະຍິນດີຕ້ອນຮັບນອກແວເຂົ້າເປັນປະເທດພາຄີ "ສົນທິສັນຍາໄມຕີຈິດມິດຕະພາບແລະຮ່ວມມືກັນຂອງອາຊີຕາເວັນອອກສຽງໃຕ້" ໃນເດືອນມິຖຸນາປີນີ້.
ໃນຂົງເຂດເສດຖະກິດ, ອາຊຽນໄດ້ເປີດເຜີຍວ່າໄດ້ບັນລຸເປົ້າໝາຍ 77,5% ຂອງແຜນການສ້າງປະຊາຄົມເສດຖະກິດອາຊຽນ, ລາຍຮັບສະເລ່ຍຕໍ່ຫົວຄົນ, ຍອດມູນຄ່າການຄ້າແລະລາຍຮັບດ້ານການທ່ອງທ່ຽວຂອງບັນດາປະເທດໃນພາກພື້ນລ້ວນແຕ່ຈະຫຼາຍກວ່າເກົ່າ. ອາຊຽນຈະສືບຕໍ່ພະຍາຍາມຫຼຸດຄວາມຜິດໂຕນກັນລະຫວ່າງຄວາມຮັ່ງມີກັບຄວາມທຸກຍາກໃນພາກພື້ນ, ເພີ່ມທະວີການເຊື່ອມຕໍ່ກັນທາງທະເລ, ທາງບົກແລະທາງອາກາດ, ກາຍເປັນຕະຫຼາດເອກະພາບ, ພະຍາຍາມສ້າງການພົວພັນຄູ່ເສດຖະກິດຮອບດ້ານໃນພາກພື້ນໃຫ້ສຳເລັດໃນປີ 2015.
ອາຊຽນຍັງຈະທຳລາຍກຳແພງພາສີ, ເຜີຍແຜ່ມາດຕະການຕ່າງໆທີ່ມີຜົນດີຕໍ່ການປົວ ແປງສະພາບແວດລ້ອມການຄ້າແລະການລົງທຶນໃຫ້ດີຂຶ້ນ ເຊັ່ນ: "ບັດທ່ອງທ່ຽວວຽກການ ຄ້າອາຊຽນ" ເປັນຕົ້ນ, ເພື່ອຍົກກຳລັງແກ່ງແຍ່ງໃນທົ່ວໂລກຂອງເສດຖະກິດອາຊຽນໃຫ້ ເຂັ້ມແຂງຂຶ້ນ.
ໃນຂົງເຂດວັດທະນະທຳ ສັງຄົມ, ຜູ້ນຳຂອງບັນດາປະເທດອາຊຽນໄດ້ສະຫຼຸບສະພາບການປະຕິບັດ "ແຜນການເຊື່ອມຕໍ່ກັນດ້ານວັດທະນະທຳ ສັງຄົມ", ສະເໜີອອກຈະເປີດກວ້າງການແລກປ່ຽນລະຫວ່າງຊາວໜຸ່ມຕື່ມອີກ, ສ້າງຂະແໜງການກິລາໃຫ້ຈະເລີນຮຸ່ງເຮືອງ, ປົກປ້ອງສິດແລະຜົນປະໂຫຍດຂອງແມ່ຍິງເດັກນ້ອຍ, ໃຊ້ການກະທຳຕົວຈິງເພື່ອຮັບມືກັບ ການປ່ຽນແປງຂອງດິນຟ້າອາກາດແລະສິ່ງແວດລ້ອມເປັນມົນລະພິດ.
ຄຽງຄູ່ກັບການປິດກອງປະຊຸມສຸດຍອດຄັ້ງນີ້, ອາຊຽນໄດ້ຢ່ວງອີກບາດກ້າວໜຶ່ງເຂົ້າ ສູ່ການສ້າງສຳເລັດປະຊາຄົມອາຊຽນ, ແຕ່ຜູ້ນຳທີ່ຮ່ວມປະຊຸມໄດ້ຮັບຮູ້ຢ່າງຈະແຈ້ງວ່າ ຂະ ບວນການເຊື່ອມໂຍງເຂົ້າກັນຍັງປະເຊີນໜ້າກັບສິ່ງທ້າທາຍຢ່າງຫຼວງຫຼາຍ. ທ່ານເລເລືອງມິງ, ເລຂາທິການໃຫຍ່ອາຊຽນຊີ້ອອກວ່າ, ແຜນການສ້າງຕັ້ງປະຊາຄົມອາຊຽນຍັງມີ 22,5% ບໍ່ທັນໄດ້ສຳເລັດ, ນີ້ຈະແມ່ນພາກສ່ວນທີ່ດຳເນີນໄປຢ່າງຫຍຸ້ງຍາກທີ່ສຸດ.
ຜູ້ນຳຂອງອາຊຽນຍັງໄດ້ກ່າວຢ້ຳຄວາມສຳຄັນແຫ່ງການປົກປ້ອງຄວາມໝັ້ນຄົງເທິງ ທະເລ, ເຫັນວ່າ ຝ່າຍຕ່າງໆຄວນເຄົາລົບ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ແລະ ຫຼັກການ 6 ຂໍ້ກ່ຽວກັບບັນຫາທະເລຈີນໃຕ້, ຮຽກຮ້ອງຝ່າຍຕ່າງໆຮັກສາຄວາມອົດທົນ, ຫຼີກເວັ້ນບໍ່ໃຊ້ກຳລັງອາວຸດ ຫຼື ຂົ່ມຂູ່ດ້ວຍກຳລັງອາວຸດ, ແກ້ໄຂຄວາມຂັດແຍ່ງກັນທີ່ກ່ຽວຂ້ອງໂດຍສັນຕິ, ທຳຄວາມພະຍາຍາມທາງການຕ່າງປະເທດເທົ່າທີ່ຄວນເພື່ອບັນລຸຄວາມເຫັນທີ່ເປັນເອກະສັນກັນໂດຍໄວກ່ຽວກັບ "ກົດບັດແຫ່ງການປະພຶດໃນທະເລຈີນໃຕ້."(ຈົບ)
