ທ່ານຊຸນເຫີຼຍໄດ້ຮັບການເລືອກຕັ້ງເປັນປະທານສະພາການຄ້າຈີນປະຈຳລາວອີກວາລະໃໝ່
(GMT+08:00) 2013-04-27 16:29:14 cri
ທ່ານຊຸນເຫີຼຍໄດ້ຮັບການເລືອກຕັ້ງເປັນປະທານສະພາການຄ້າຈີນປະຈຳລາວອີກວາລະໃໝ່
ກອງປະຊຸມເລືອກຕັ້ງຄະນະປະຈຳສະພາການຄ້າຈີນປະຈໍາລາວຄັ້ງທີ 4 ຈັດຂຶ້ນຢ່າງເປັນທາງການໃນຕອນບ່າຍວັນທີ26ເມສານີ້, ມີຜູ້ກ່ຽວຂ້ອງເຂົ້າຮ່ວມ 100 ກວ່າທ່ານ. ເພື່ອປ່ອນບັດເລືອກຕັ້ງເອົາສະພາການຄ້າຈີນປະຈຳລາວຈຳນວນ 9 ທ່ານ.ກໍາມະການປະຈໍາຄັ້ງທີ4ຂອງສະພາການຄ້າຈີນປະຈໍາລາວໄດ້ຈັດຂຶ້ນຢ່າງເປັນທາງການ.
ຜ່ານການປ່ອນບັດເລືອກຕັ້ງດ້ວຍຄວາມໂປ່ງໃສ,ຍຸຕິທຳ.ທ່ານຊຸນເຫລີຍ,ໄດ້ຮັບການເລືອກຕັ້ງເປັນປະທານສະພາການຄ້າຈີນປະຈໍາລາວອີກວາລະໃໝ່.
ໃນກອງປະຊຸມ,ທ່ານຈ້າວເວີນອີ, ທີ່ປຶກສາເສດຖະກິດການຄ້າຂອງຈີນປະຈໍາລາວໄດ້ຕີລາຄາສູງຕໍ່ຜົນສໍາເລັດໃນການປະຕິບັດວຽກງານດ້ານຕ່າງໆຂອງກໍາມະການປະຈໍາຊຸດທີ3,ເຊັ່ນ,ການຊຸກຍູ້ການພັດທະນາຂອງວິສາຫະກິດຈີນ,ການຍົກສູງບົດບາດຂອງວິສາຫະກິດຈີນແລະອື່ນໆ.ທ່ານຍັງຫວັງວ່າ,ກໍາມະການປະຈໍາຊຸດໃໝ່ຈະສືບຕໍ່ເພີ່ມທະວີການຕິດຕໍ່ພົວພັນກັບສາມະຊິກສະພາການຄ້າຈີນ,ລັດຖະບານລາວແລະສະຖານທູດຈີນປະຈໍາລາວ, ປະຕິບັດຕໍ່ວິສາຫະກິດຈີນທີ່ດໍາເນີນທຸລະກິດຢູ່ລາວເປັນຢ່າງດີ. ແລະເພີ່ມທະວີການຊີ້ນໍາວິສາຫະກິດສະມາຊິກ,ເພື່ອປະຕິບັດໃຫ້ຖືກຕ້ອງຕາມລະບຽບກົດໝາຍຂອງລາວ, ເຄົາລົບຮີດຄອງປະເພນີລາວ.ຕັ້ງໜ້າປະກອບສ່ວນໃຫ້ແກ່ສັງຄົມລາວ.
ສະພາການຄ້າຈີນປະຈໍາລາວໄດ້ສ້າງຕັ້ງຂຶ້ນໃນປີ2005,ມາຮອດປະຈຸບັນມີສະພາສາຂາເຂດພາກໃຕ້ລາວ,ສະພານັກທຸລະກິດສາຂາແຂວງຫູນານ,ແລະສະພາສາຂານັກທຸລະກິດສາຂາແຂວງເຈີ້ຈ່ຽງ. ແລະໄດ້ເສີມຂະຫຍາຍບົດບາດອັນສໍາຄັນເຂົ້າໃນການຊຸກຍູ້ວິສາຫະກິດຈີນດໍາເນີນທຸລະກິດຢູ່ລາວທີ່ຊອບດ້ວຍກົດໝາຍ, ຊົມໃຊ້ຂໍ້ມູນຕ່າງໆແລະການຮ່ວມມືລະຫວ່າງວິສາຫະກິດຈີນດ້ວຍກັນ.
