ທ່ານທອງບັນ ແສງອາພອນຕ້ອນຮັບການເຂົ້າຢ້ຽມອຳລາຂອງທ່ານນາງປູ້ຈ້ຽນກົວ
(GMT+08:00) 2013-04-30 17:18:27 cri
ວັນທີ30ເມສານີ້, ທີ່ຫໍຄຳ, ທ່ານດຣ.ທອງບັນ ແສງອາພອນ,ລັດຖະມົນຕີວ່າການກະຊວງປ້ອງກັນຄວາມສະຫງົບລາວໄດ້ຕ້ອນຮັບການເຂົ້າຢ້ຽມຂ່ຳນັບອຳລາຂອງທ່ານນາງປູ້ຈ້ຽນກົວ, ເອກອັກຄະລັດຖະທູດຈີນປະຈຳລາວໃນໂອກາດທີ່ທ່ານຈະສິ້ນສຸດການປະຕິບັດໜ້າທີ່ການທູດປະຈຳລາວ.
ໃນໂອກາດດັ່ງກ່າວ, ທ່ານທອງບັນ ແສງອາພອນໄດ້ຕີລາຄາສູງຕໍ່ວຽກງານຂອງທ່ານນາງປູ້ຈ້ຽນກົວໃນ ໄລຍະປະຕິບັດໜ້າທີ່ທາງການທູດຢູ່ສປປລາວແລະໄດ້ມີຄວາມເອົາໃຈໃສ່ຕໍ່ການຊຸກຍູ້ສາຍພົວພັນມິດຕະພາບການຮ່ວມມືລະຫວ່າງສອງປະເທດໂດຍສະເພາະແມ່ນການຮ່ວມມືລະຫວ່າງກະຊວງປ້ອງກັນຄວາມສະຫງົບຂອງສອງປະເທດລາວຈີນ.
ທ່ານນາງປູ້ຈ້ຽນກົວໄດ້ສະແດງຄວາມຂອບໃຈຕໍ່ທ່ານທອງບັນກໍ່ຄືກະຊວງປ້ອງກັນຄວາມສະຫງົບລາວທີ່ໄດ້ໃຫ້ການສະໜັບສະໜູນຢ່າງຫຼວງຫຼາຍແກ່ວຽກງານຂອງສະຖານທູດຈີນປະຈຳລາວໃນໄລຍະຜ່ານມາ. ນອກນີ້,ສອງຝ່າຍຍັງໄດ້ແລກປ່ຽນຄວາມຄິດຄວາມເຫັນກ່ຽວກັບເຮັດແນວໃດເພື່ອຊຸກຍູ້ໃຫ້ການພົວພັນສອງປະເທດເວົ້າລວມ, ເວົ້າສະເພາະແມ່ນການຮ່ວມມືລະຫວ່າງກະຊວງປ້ອງກັນຄວາມສະຫງົບຂອງສອງປະເທດໄດ້ຮັບຄວາມຂະຫຍາຍຕົວຕື່ມອີກ.
