ຈັດງານລ້ຽງອຳລາຂອງທ່ານນາງປູ້ຈ້ຽນກົວ ເອກອັກຄະລັດຖະທູດຈີນປະຈຳລາວ
(GMT+08:00) 2013-05-01 17:17:31 cri
ວັນທີ30ເມສາແລ້ວນີ້ຢູ່ທີ່ນະຄອນຫຼວງວຽງຈັນ, ໄດ້ຈັດງານລ້ຽງອຳລາຂອງທ່ານນາງປູ້ຈ້ຽນກົວ,ເອກອັກຄະລັດຖະທູດຈີນປະຈຳລາວ, ທ່ານສິນລະວົງ ຄຸດໄພທູນ, ກຳມະການສູນກາງພັກ, ຫົວໜ້າຫ້ອງວ່າການລັດຖະບານ, ປະທານສະມາຄົມມິດຕະພາບລາວຈີນພ້ອມພັນລະຍາ, ລັດຖະມົນຕີວ່າການ,ຊ່ວຍວ່າການ, ທຸຕານຸທູດແລະຜູ້ຕາງໜ້າອົງການຈັດຕັ້ງປະຈຳລາວ, ຊາວຈີນຕ່າງດ້າວ,ວິສາຫະກິດຈີນ,ຄູອາຈານແລະນັກສຶກສາຄົນຈີນລວມ 300 ກວ່າທ່ານໄດ້ເຂົ້າຮ່ວມງານລ້ຽງເທື່ອນີ້.
ໃນງານລ້ຽງ, ທ່ານນາງປູ້ຈ້ຽນກົວກ່າວວ່າ,ຈີນກັບລາວເປັນບ້ານໃກ້ເຮືອນຄຽງທີ່ດີ,ເພື່ອນມິດທີ່ດີ,ສະຫາຍທີ່ດີແລະຄູ່ຮ່ວມມືທີ່ດີ, ສອງຝ່າຍໄດ້ຊ່ວຍເຫຼືອເຊິ່ງກັນແລະກັນໃນເສັ້ນທາງສັງຄົມນິຍົມ, ໃນເວລາ3ປີທີ່ດຳລົງຕຳແໜ່ງ,ທ່ານໄດ້ເປັນສັກ ຂີພິຍານໃກ້ແກ່ການຂະຫຍາຍຕົວລົງສູ່ລວງເລິກຂອງສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດຈີນລາວ, ເຊິ່ງການພົວພັນແນວນີ້ແມ່ນສ້າງຂຶ້ນບົນພື້ນຖານໄວ້ເນື້ອເຊື່ອໃຈກັນ,ເຄົາລົບເຊິ່ງກັນແລະກັນ,ແລະຕ່າງຝ່າຍຕ່າງມີຜົນປະໂຫຍດ, ສອດຄ່ອງກັບຜົນປະໂຫຍດຮ່ວມຂອງສອງປະເທດ. ທ່ານເຊື່ອໝັ້ນວ່າ, ມິດຕະພາບຈີນ-ລາວຈະທົນທານຕໍ່ການທົດສອບຫຼາຍຢ່າງ, ແລະຈະມີອະ ນາຄົດທີ່ສວຍງາມຢ່າງແນ່ນອນ.
ສຸດທ້າຍ,ທ່ານນາງປູ້ຈ້ຽນກົວໄດ້ສະແດງຄວາມຂອບອົກຂອບໃຈຕໍ່ພັກແລະລັດຖະບານລາວ,ກໍ່ຄືວົງການຕ່າງໆທີ່ໄດ້ໃຫ້ຄວາມເອົາໃຈໃສ່ແລະສະໜັບສະໜູນການຂະຫຍາຍສາຍພົວພັນຈີນ-ລາວ,ແລະໃຫ້ການສະໜັບສະໜູນຕໍ່ວຽກງານຂອງທ່ານກໍ່ຄືວຽກງານຂອງສະຖານທູດຈີນປະຈຳລາວ.
