ລັດຖະບານລາວມອບຫຼຽນກາມິດຕະພາບໃຫ້ແກ່ທ່ານນາງປູ້ຈ້ຽນໂກ໋ ເອກອັກຄະລັດຖະທູດຈີນປະຈຳລາວ
(GMT+08:00) 2013-05-03 19:06:02 cri
ວັນທີ3ພຶດສະພານີ້, ທ່ານທອງລຸນ ສີສຸລິດ, ຮອງນາຍົກລັດຖະມົນຕີ,ລັດຖະມົນຕີວ່າການກະຊວງການຕ່າງປະເທດລາວໄດ້ປະດັບຫຼຽນໄຊມິດຕະພາບໃຫ້ແກ່ທ່ານນາງປູ້ຈ້ຽນກົວ, ເອກອັກຄະລັດຖະທູດຈີນປະຈຳລາວ.
ວັນທີ3ພຶດສະພານີ້, ທ່ານທອງລຸນ ສີສຸດລິດໄດ້ຕ້ອນຮັບການເຂົ້າຢ້ຽມຢາມຂ່ຳນັບອຳລາຂອງທ່ານນາງປູ້ຈ້ຽນກົວ. ທ່ານທອງລຸນ ສີສຸລິດໄດ້ສະແດງຄວາມຊົມເຊີຍແລະຂອບໃຈຢ່າງຈິງໃຈຕໍ່ການປະກອບສ່ວນຢ່າງຫ້າວຫັນແລະດ້ວຍຄວາມຮັບຜິດຊອບສູງຂອງທ່ານນາງປູ້ຈ້ຽນກົວເຂົ້າໃນການເສີມຂະຫຍາຍສາຍພົວພັນມິດຕະພາບເປັນມູນເຊື້ອແລະການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດລາວຈີນໃຫ້ມີບາດກ້າວຂະຫຍາຍຕົວເປັນຢ່າງດີຕະຫຼອດມາ, ເຊິ່ງການມອບຫຼຽນໄຊມິດຕະພາບຄັ້ງນີ້, ແມ່ນສະແດງເຖິງການຕີລາຄາສູງແລະຄວາມຮູ້ບຸນຄູນຂອງພັກແລະລັດຖະບານລາວຕໍ່ຜົນງານແລະປະກອບສ່ວນອັນສຳຄັນຂອງທ່ານນາງປູ້ຈ້ຽນກົວເຂົ້າໃນການເສີມຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງພັກສອງລັດແລະປະຊາຊົນສອງຊາດລາວແລະຈີນໃຫ້ແຕກດອກອອກຜົນຢ່າງບໍ່ຢຸດຢັ້ງ.
ທ່ານນາງປູ້ຈ້ຽນກົວໄດ້ສະແດງຄວາມຂອບອົກຂອບໃຈຕໍ່ການມອບຫຼຽນໄຊມິດຕະພາບຂອງລັດຖະບານລາວ, ແລະກ່າວວ່າ, ປະຈຸບັນນີ້, ການພົວພັນຮ່ວມມືມິດຕະພາບຈີນລາວພວມຢູ່ໃນໄລຍະທີ່ດີທີ່ສຸດໃນປະຫວັດສາດ, ການຮ່ວມມືສອງຝ່າຍຍັງມີຊ່ອງຫວ່າງພັດທະນາຢ່າງກວ້າງຂວາງ, ໃນຕໍ່ໜ້ານີ້, ບໍ່ວ່າທ່ານຢູ່ບ່ອນໃດກໍ່ຕາມ, ຈະສືບຕໍ່ເອົາໃຈໃສ່ການພັດທະນາຂອງປະເທດລາວ, ແລະເອົາໃຈໃສ່ພາລະກິດມິດຕະພາບສອງປະເທດຈີນລາວໃນທຸກເວລາ.
