ທ່ານສີຈິ້ນຜິງພົບປະເຈລະຈາກັບທ່ານອັບບາສ ປະທານາທິບໍດີປາແລັສຕິນ
ທ່ານສີຈິ້ນຜິງແລະທ່ານອັບບາສເຂົ້າຮ່ວມພິທີເຊັນສັນຍາ
ວັນທີ 6 ພຶດສະພານີ້, ຢູ່ຫໍສະພາປະຊາຊົນ,ທ່ານສີຈິ້ນຜິງ, ປະທານປະເທດຈີນໄດ້ພົບປະເຈລະຈາກັບທ່ານມາຣ໌ມຸດ ອັບບາສ, ປະທານາທິບໍດີປາແລັສຕິນທີ່ພວມຢ້ຽມຢາມຈີນທາງລັດຖະກິດ.
ທ່ານສີຈິ້ນຜິງສະແດງຄວາມຍິນດີຕ້ອນຮັບຢ່າງອົບອຸ່ນຕໍ່ທ່ານອັບບາສທີ່ມາຢ້ຽມຢາມຈີນແລະກ່າວວ່າ, ທ່ານປະທານາທິບໍດີອັບບາສແມ່ນປະມຸກລັກຜູ້ທຳອິດຂອງປະເທດທີ່ຢູ່ເຂດອາຣັບແລະເຂດຕາເວັນອອກກາງທີ່ມາຢ້ຽມຢາມຈີນພາຍຫຼັງລັດຖະບານຈີນປ່ຽນຊຸດແລ້ວ, ເຊື່ອວ່າ ການຢ້ຽມຢາມຈີນຂອງທ່ານອັບບາສເທື່ອນີ້ຈະຊຸກຍູ້ການຂະຫຍາຍຕົວຢ່າງຮອບດ້ານແຫ່ງການພົວພັນຮ່ວມມືດ້ວຍໄມຕີຈິດມິດຕະພາບລະຫວ່າງຈີນກັບປາແລັສຕິນໃນສະໄໝໃໝ່ຢ່າງແຂງແຮງ.
ທ່ານອັບບາສກ່າວວ່າ, ແຕ່ຊຸມປີ 1960 ຈົນຮອດຊູ່ມື້ນີ້, ການພົວພັນລະຫວ່າງປາແລັສຕິນ ກັບຈີນໄດ້ຮັບການຂະຫຍາຍຕົວໃຫ້ໝັ້ນຄົງກວ່າເກົ່າ, ສອງຝ່າຍມີຄວາມເຫັນທີ່ເປັນເອກະສັນກັນໃນບັນຫາພາກພື້ນ ກໍຄືບັນຫາສາກົນ. ການຢ້ຽມຢາມເທື່ອນີ້ໄດ້ສະແດງໃຫ້ເຫັນການພົວພັນໄມຕີຈິດມິດຕະພາບອັນເລິກເຊິ່ງລະຫວ່າງປາແລັສຕິນກັບຈີນຢ່າງເຕັມປ່ຽມ.
