ທ່ານສີຈິ້ນຜິງສະເໜີຂໍ້ສະເໜີ 4 ຂໍ້ໃນເວລາພົບປະເຈລະຈາກັບທ່ານອັບບາສ ປະທານາທິບໍດີປາແລັສຕິນ
(GMT+08:00) 2013-05-06 14:52:18 cri
ວັນທີ 6 ພຶດສະພານີ້,ຢູ່ທີ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານ ມາມຸດ ອາບັສ ປະທານາທິບໍດີປາແລັສຕິນ. ທ່ານສີຈິ້ນຜິງໄດ້ສະເໜີຂໍ້ສະເໜີ4ຂໍ້ກ່ຽວກັບການຊຸກຍູ້ການແກ້ໄຂບັນຫາປາແລັສຕິນ, ທ່ານກ່າວເນັ້ນວ່າ, ຈີນເດັດດ່ຽວສະໜັບສະໜູນພາລະກິດອັນເປັນທຳຂອງປະຊາຊົນປາແລັສຕິນ, ແລະຍິນດີຮ່ວມກັບປາແລັສຕິນສືບທອດແລະຂະຫຍາຍມິດຕະພາບການຮ່ວມມືລະຫວ່າງຈີນກັບປາແລັສຕິນ.
ທ່ານສີຈິ້ນຜິງຊີ້ອອກວ່າ: ບັນຫາປາແລັສຕິນແມ່ນໃຈກາງຂອງບັນຫາຕາເວັນອອກກາງ, ຕ້ອງຖືການແກ້ໄຂບັນຫາປາແລັສຕິນໄວ້ຢູ່ໃນຖານະທີ່ສຳຄັນແລະພົ້ນເດັ່ນ.ທ່ານມີຈຸດຢືນ4ຂໍ້ກ່ຽວກັບບັນຫານີ້,ຄື ໜຶ່ງ, ຄວນຍຶດໝັ້ນທິດທີ່ຖືກຕ້ອງຄືປາແລັສຕິນສ້າງຕັ້ງປະເທດທີ່ເປັນເອກະລາດ, ປາແລັສຕິນແລະອິສຣາແອນຢູ່ຮ່ວມກັນໂດຍສັນຕິ.
ສອງ, ຄວນຖືການເຈລະຈາເປັນວິຖີທາງພຽງເສັ້ນດຽວເພື່ອບັນລຸສັນຕິພາບລະຫວ່າງປາແລັສຕິນແລະອິສຣາແອນ.
ສາມ, ຄວນຍຶດໝັ້ນຫຼັກການຕ່າງໆເປັນຕົ້ນແມ່ນເອົາດິນແດນແລກປ່ຽນສັນຕິພາບຢ່າງເດັດດ່ຽວໜຽວແໜ້ນ, ຊຸກຍູ້ຂະບວນການສັນຕິພາບຕາເວັນອອກກາງໃຫ້ຂະຫຍາຍຕົວຢ່າງຮອບດ້ານ.
ສີ່, ປະຊາຄົມໂລກຄວນອຳນວຍການຮັບປະກັນອັນສຳຄັນໃຫ້ແກ່ການຊຸກຍູ້ຂະບວນການສັນຕິພາບ. ຝ່າຍຕ່າງໆທີ່ກ່ຽວຂ້ອງຂອງປະຊາຄົມໂລກຄວນຍຶດຖືຫຼັກໝັ້ນທີ່ພາວະວິໄສແລະຍຸດຕິທຳ, ຕັ້ງໜ້າຊຸກຍູ້ການເຈລະຈາສັນຕິພາບ, ເພີ່ມຄວາມຊ່ວຍເຫຼືອໃຫ້ປາແລັສຕິນໃນດ້ານຕ່າງໆເຊັ່ນການຝຶກອົບຮົມຊັບພະຍາກອນມະນຸດ, ການກໍ່ສ້າງດ້ານເສດຖະກິດແລະອື່ນໆ.
ທ່ານສີຈິ້ນຜິງກ່າວວ່າ, ກວ່າເຄິ່ງຕະຕະວັດມານີ້, ການພົວພັນລະຫວ່າງຈີນກັບປາແລັສຕິນໄດ້ມີການພັດທະນາໃໝ່ຢ່າງບໍ່ຢຸດຢັ້ງ,ຈີນຈະສືບຕໍ່ໃຫ້ການຊ່ວຍເຫຼືອຕາມຄວາມສາມາດຂອງຕົນແກ່ປາແລັສຕິນໃນດ້ານການພັດທະນາແລະການກໍ່ສ້າງ,ເພື່ອຮ່ວມກັນສ້າງໜ້າປະຫວັດສາດໃໝ່ແຫ່ງມິດຕະພາບລະຫວ່າງຈີນກັບປາແລັສຕິນ.
ທ່ານອາບັສກ່າວເນັ້ນວ່າ: ການແກ້ໄຂບັນຫາດ້ວຍວິທີທາງການເມືອງແມ່ນທາງອອກທີ່ດີທີ່ສຸດແລະກໍ່ແມ່ນທາງອອກພຽງເສັ້ນດຽວ. ປາແລັສຕິນຍຶດໝັ້ນທາງເລືອກທີ່ມີສັນຕິພາບ, ສະແຫວງຫາການເຈລະຈາສັນຕິພາບບົນພື້ນຖານຂອງແຜນການສອງປະເທດ, ເພື່ອໃຫ້ປາແລັສຕິນແລະອິສຣາແອນຢູ່ຮ່ວມກັນໂດຍສັນຕິປະກົດຜົນເປັນຈິງໃນທີ່ສຸດ. ປາແລັສຕິນຫວັງຢາກຮ່ວມກັບຈີນລົງເລິກຄວາມເຂົ້າໃຈແລະສະໜັບສະໜູນເຊິ່ງກັນແລະກັນໃນດ້ານການເມືອງ, ເພີ່ມທະວີການຮ່ວມມືດ້ານເສດຖະກິດການຄ້າ, ປາແລັສຕິນຍິນດີຕ້ອນຮັບວິສາຫະກິດຂອງຈີນໄປລົງທຶນຢູ່ປາແລັສຕິນ.
ທ່ານສີຈິ້ນຜິງຊີ້ອອກວ່າ: ບັນຫາປາແລັສຕິນແມ່ນໃຈກາງຂອງບັນຫາຕາເວັນອອກກາງ, ຕ້ອງຖືການແກ້ໄຂບັນຫາປາແລັສຕິນໄວ້ຢູ່ໃນຖານະທີ່ສຳຄັນແລະພົ້ນເດັ່ນ.ທ່ານມີຈຸດຢືນ4ຂໍ້ກ່ຽວກັບບັນຫານີ້,ຄື ໜຶ່ງ, ຄວນຍຶດໝັ້ນທິດທີ່ຖືກຕ້ອງຄືປາແລັສຕິນສ້າງຕັ້ງປະເທດທີ່ເປັນເອກະລາດ, ປາແລັສຕິນແລະອິສຣາແອນຢູ່ຮ່ວມກັນໂດຍສັນຕິ.
ສອງ, ຄວນຖືການເຈລະຈາເປັນວິຖີທາງພຽງເສັ້ນດຽວເພື່ອບັນລຸສັນຕິພາບລະຫວ່າງປາແລັສຕິນແລະອິສຣາແອນ.
ສາມ, ຄວນຍຶດໝັ້ນຫຼັກການຕ່າງໆເປັນຕົ້ນແມ່ນເອົາດິນແດນແລກປ່ຽນສັນຕິພາບຢ່າງເດັດດ່ຽວໜຽວແໜ້ນ, ຊຸກຍູ້ຂະບວນການສັນຕິພາບຕາເວັນອອກກາງໃຫ້ຂະຫຍາຍຕົວຢ່າງຮອບດ້ານ.
ສີ່, ປະຊາຄົມໂລກຄວນອຳນວຍການຮັບປະກັນອັນສຳຄັນໃຫ້ແກ່ການຊຸກຍູ້ຂະບວນການສັນຕິພາບ. ຝ່າຍຕ່າງໆທີ່ກ່ຽວຂ້ອງຂອງປະຊາຄົມໂລກຄວນຍຶດຖືຫຼັກໝັ້ນທີ່ພາວະວິໄສແລະຍຸດຕິທຳ, ຕັ້ງໜ້າຊຸກຍູ້ການເຈລະຈາສັນຕິພາບ, ເພີ່ມຄວາມຊ່ວຍເຫຼືອໃຫ້ປາແລັສຕິນໃນດ້ານຕ່າງໆເຊັ່ນການຝຶກອົບຮົມຊັບພະຍາກອນມະນຸດ, ການກໍ່ສ້າງດ້ານເສດຖະກິດແລະອື່ນໆ.
ທ່ານສີຈິ້ນຜິງກ່າວວ່າ, ກວ່າເຄິ່ງຕະຕະວັດມານີ້, ການພົວພັນລະຫວ່າງຈີນກັບປາແລັສຕິນໄດ້ມີການພັດທະນາໃໝ່ຢ່າງບໍ່ຢຸດຢັ້ງ,ຈີນຈະສືບຕໍ່ໃຫ້ການຊ່ວຍເຫຼືອຕາມຄວາມສາມາດຂອງຕົນແກ່ປາແລັສຕິນໃນດ້ານການພັດທະນາແລະການກໍ່ສ້າງ,ເພື່ອຮ່ວມກັນສ້າງໜ້າປະຫວັດສາດໃໝ່ແຫ່ງມິດຕະພາບລະຫວ່າງຈີນກັບປາແລັສຕິນ.
ທ່ານອາບັສກ່າວເນັ້ນວ່າ: ການແກ້ໄຂບັນຫາດ້ວຍວິທີທາງການເມືອງແມ່ນທາງອອກທີ່ດີທີ່ສຸດແລະກໍ່ແມ່ນທາງອອກພຽງເສັ້ນດຽວ. ປາແລັສຕິນຍຶດໝັ້ນທາງເລືອກທີ່ມີສັນຕິພາບ, ສະແຫວງຫາການເຈລະຈາສັນຕິພາບບົນພື້ນຖານຂອງແຜນການສອງປະເທດ, ເພື່ອໃຫ້ປາແລັສຕິນແລະອິສຣາແອນຢູ່ຮ່ວມກັນໂດຍສັນຕິປະກົດຜົນເປັນຈິງໃນທີ່ສຸດ. ປາແລັສຕິນຫວັງຢາກຮ່ວມກັບຈີນລົງເລິກຄວາມເຂົ້າໃຈແລະສະໜັບສະໜູນເຊິ່ງກັນແລະກັນໃນດ້ານການເມືອງ, ເພີ່ມທະວີການຮ່ວມມືດ້ານເສດຖະກິດການຄ້າ, ປາແລັສຕິນຍິນດີຕ້ອນຮັບວິສາຫະກິດຂອງຈີນໄປລົງທຶນຢູ່ປາແລັສຕິນ.
