ລາວຈັດຊຸດອົບຮົມໃຫ້ນັກຂ່າວເພື່ອນຳໃຊ້ພາສາລາວໃຫ້ຖືກຫຼັກການໃນສື່ມວນຊົນ
(GMT+08:00) 2013-05-08 11:01:33 cri
ຈັດຊຸດອົບຮົມໃຫ້ນັກຂ່າວເພື່ອນຳໃຊ້ພາສາລາວໃຫ້ຖືກຫຼັກການໃນສື່ມວນຊົນ
ຕາມຂ່າວCRI: ວັນທີ 07 ພຶດສະພານີ້, ທີ່ສະມາຄົມນັກຂ່າວແຫ່ງປະເທດລາວ ໄດ້ເປີດພິທີເຝິກອົບຮົມນັກຂ່າວໃຫ້ແກ່ສື່ມວນຊົນທຸກໆພາກສ່ວນ. ໂດຍພາຍໃຕ້ຫົວຂໍ້ທີ່ວ່າ: " ການນຳໃຊ້ພາສາລາວໃຫ້ຖືກຫຼັກການໃນສື່ມວນຊົນ " ເຊິ່ງໄດ້ເລີ່ມແຕ່ວັນທີ 07-10 ພຶດສະພາ ປີ 2013ນີ້.
ລາວຈັດຊຸດອົບຮົມໃຫ້ນັກຂ່າວເພື່ອນຳໃຊ້ພາສາລາວໃຫ້ຖືກຫຼັກການໃນສື່ມວນຊົນ
ໃນພິທີໄຂເຝິກອົບຮົມ, ທ່ານ ສະຫວັນຄອນ ລາຊະມຸນຕີ ລັດຖະມົນຕີຊ່ວຍວ່າການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ຮອງປະທານສະມາຄົມນັກຂ່າວແຫ່ງປະເທດລາວ ໄດ້ກ່າວເປີດພິທີແລະກ່າວຕໍ່ອ້າຍນ້ອງສື່ມວນຊົນທຸກໆພາກສ່ວນວ່າ: ການເປີດຊຸດອົບຮົມໃນຄັ້ງນີ້ ແມ່ນເພື່ອເປັນການສ້າງສາພັດທະນາອ້າຍນ້ອງສື່ມວນຊົນທຸກໆພາກສ່ວນ ໃນນຳໃຊ້ພາສາລາວໃຫ້ຖືກຕ້ອງ, ຖືກຫຼັກໄວຍະກອນພາສາລາວ ໃຫ້ໄດ້ດີກວ່າເກົ່າ.
ການເຝິກອົບຮົມໃນຄັ້ງນີ້ ມີເນື້ອໃນເວົ້າເຖິງປະຫວັດຄວາມເປັນມາຂອງພາສາລາວ, ຂະບວນການວິວັດໃນອະດີດຈົນເຖິງປະຈຸນບັນ; ການນຳໃຊ້ພາສາລາວທີ່ຖືກຕ້ອງໃນສື່ມວນຊົນລາວ, ສື່ມວນຊົນລາວຄວນປະກອບສ່ວນໃນການປົກປ້ອງ ແລະ ສົ່ງເສີມພາສາລາວຄືແນວໃດ? ຄວາມຮູ້ກ່ຽວກັບບົດບາດສື່ມວນຊົນ; ການຂຽນສະກຣິບໂຄສະນາທາງໂທລະພາບແລະວິທະຍຸ, ແລະເຕັກນິກໃນການບໍລິຫານຂ່າວ.ເຊິ່ງຈະບັນລະຍາຍໂດຍຜູ້ຊ່ຽວຊານຈາກກະຊວງຖະແຫຼງຂ່າວວັດທະນະທຳແລະທ່ອງທ່ຽວ ແລະມະຫາວິທະຍາໄລແຫ່ງຊາດ.
