ວົງການພາຍນອກຕີລາຄາສູງຕໍ່ການຢ້ຽມຢາມຈີນຂອງຜູ້ນຳອິສຣາແອນແລະປາແລັສຕິນ
(GMT+08:00) 2013-05-10 18:15:10 cri
ຫວ່າງມໍ່ໆມານີ້, ທ່ານມາມຸດ ອັບບາສ ປະທານາທິບໍດີປາແລັສຕິນແລະທ່ານເບັນຈາມິນ ເນທັນຢາຮູ ນາຍົກລັດຖະມົນຕີອິສຣາແອນໄດ້ຢ້ຽມຢາມຈີນຕາມລຳດັບ. ເຖິງວ່າສອງທ່ານນີ້ບໍ່ໄດ້ພົບປະກັນຢູ່ຈີນກໍ່ຕາມ, ແຕ່ວົງການພາຍນອກລ້ວນແຕ່ເຫັນວ່າ ຈີນໄດ້ສະແດງທ່າທີຕັ້ງໜ້າກວ່າເກົ່າໃນການຊຸກຍູ້ຂະບວນການສັນຕິພາບຕາເວັນອອກກາງ.
ກ່ຽວກັບເລື່ອງນີ້, ທ່ານນາງຮວາຊຸນອິງ ໂຄສົກກະຊວງການຕ່າງປະເທດຈີນກ່າວໃນວັນທີ 10 ພຶດສະພານີ້ຢູ່ທີ່ນະຄອນຫຼວງປັກກິ່ງວ່າ: ການຕ້ອນຮັບຜູ້ນຳປາແລັສຕິນແລະອິສຣາແອນມາຢ້ຽມຢາມຈີນ ແມ່ນຈີນທຳຄວາມພະຍາຍາມຄັ້ງໃໝ່ເພື່ອຊຸກຍູ້ການເຈລະຈາສັນຕິພາບລະຫວ່າງປາແລັສຕິນກັບອິສຣາແອນ, ອັນໄດ້ສ່ອງແສງໃຫ້ເຫັນທ່າທີທີ່ມີລັກສະນະສ້າງສັນຂອງຈີນໃນການສຸມກຳລັງເຂົ້າໃນການຊຸກຍູ້ການແກ້ໄຂບັນຫາຈຸດສຸມໃນເຂດຕາເວັນອອກກາງເປັນຕົ້ນແມ່ນບັນຫາປາແລັສຕິນ, ເຮັດໃຫ້ພາກພື້ນນີ້ມີສັນຕິພາບແລະສະຖຽນລະພາບ. ຈີນຫວັງວ່າຄວາມພະຍາຍາມແນວນີ້ຈະມີຜົນດີຕໍ່ການທ້ອນໂຮມກຳລັງຂອງປະຊາຄົມໂລກເພື່ອຊຸກຍູ້ສັນຕິພາບແລະສ້າງບັນຍາກາດທີ່ດີໃຫ້ແກ່ການເຈລະຈາສັນຕິພາບ.
ທ່ານນາງຮວາຊຸນອີງຍັງກ່າວຕື່ມອີກວ່າ: ໃນຖານະເປັນສະມາຊິກຖາວອນຂອງສະພາຄວາມໝັ້ນຄົງສະຫະປະຊາຊາດ,ຈີນຍິນດີທຳຄວາມພະຍາຍາມຮ່ວມກັບປະຊາຄົມໂລກ, ຊຸກຍູ້ການເຈລະຈາສັນຕິພາບຄືທີ່ປະຕິບັດຜ່ານມາ, ຊຸກຍູ້ຂະບວນການສັນຕິພາບຕາເວັນອອກກາງ. ຈີນຫວັງວ່າປາແລັສຕິນແລະອິສຣາແອນຈະສາມາດກຳໂອກາດທີ່ດີໃນປະຈຸບັນ, ປະສານສົມທົບກັບຄວາມພະຍາຍາມຂອງປະຊາຄົມໂລກເພື່ອຊຸກຍູ້ສັນຕິພາບ, ໃຊ້ມາດຕະການຕົວຈິງ, ຈັດການເຈລະຈາສັນຕິພາບຄືນໃໝ່ແລະໄດ້ຮັບຜົນສຳເລັດຕົວຈິງໂດຍໄວ.
ກ່ຽວກັບເລື່ອງນີ້, ທ່ານນາງຮວາຊຸນອິງ ໂຄສົກກະຊວງການຕ່າງປະເທດຈີນກ່າວໃນວັນທີ 10 ພຶດສະພານີ້ຢູ່ທີ່ນະຄອນຫຼວງປັກກິ່ງວ່າ: ການຕ້ອນຮັບຜູ້ນຳປາແລັສຕິນແລະອິສຣາແອນມາຢ້ຽມຢາມຈີນ ແມ່ນຈີນທຳຄວາມພະຍາຍາມຄັ້ງໃໝ່ເພື່ອຊຸກຍູ້ການເຈລະຈາສັນຕິພາບລະຫວ່າງປາແລັສຕິນກັບອິສຣາແອນ, ອັນໄດ້ສ່ອງແສງໃຫ້ເຫັນທ່າທີທີ່ມີລັກສະນະສ້າງສັນຂອງຈີນໃນການສຸມກຳລັງເຂົ້າໃນການຊຸກຍູ້ການແກ້ໄຂບັນຫາຈຸດສຸມໃນເຂດຕາເວັນອອກກາງເປັນຕົ້ນແມ່ນບັນຫາປາແລັສຕິນ, ເຮັດໃຫ້ພາກພື້ນນີ້ມີສັນຕິພາບແລະສະຖຽນລະພາບ. ຈີນຫວັງວ່າຄວາມພະຍາຍາມແນວນີ້ຈະມີຜົນດີຕໍ່ການທ້ອນໂຮມກຳລັງຂອງປະຊາຄົມໂລກເພື່ອຊຸກຍູ້ສັນຕິພາບແລະສ້າງບັນຍາກາດທີ່ດີໃຫ້ແກ່ການເຈລະຈາສັນຕິພາບ.
ທ່ານນາງຮວາຊຸນອີງຍັງກ່າວຕື່ມອີກວ່າ: ໃນຖານະເປັນສະມາຊິກຖາວອນຂອງສະພາຄວາມໝັ້ນຄົງສະຫະປະຊາຊາດ,ຈີນຍິນດີທຳຄວາມພະຍາຍາມຮ່ວມກັບປະຊາຄົມໂລກ, ຊຸກຍູ້ການເຈລະຈາສັນຕິພາບຄືທີ່ປະຕິບັດຜ່ານມາ, ຊຸກຍູ້ຂະບວນການສັນຕິພາບຕາເວັນອອກກາງ. ຈີນຫວັງວ່າປາແລັສຕິນແລະອິສຣາແອນຈະສາມາດກຳໂອກາດທີ່ດີໃນປະຈຸບັນ, ປະສານສົມທົບກັບຄວາມພະຍາຍາມຂອງປະຊາຄົມໂລກເພື່ອຊຸກຍູ້ສັນຕິພາບ, ໃຊ້ມາດຕະການຕົວຈິງ, ຈັດການເຈລະຈາສັນຕິພາບຄືນໃໝ່ແລະໄດ້ຮັບຜົນສຳເລັດຕົວຈິງໂດຍໄວ.
