ເປີດບັ້ນສ້າງຂະບວນການແຂ່ງຂັນກິລາເປຕັງແລະກິລາຕີດອກປີກໄກ່ຂອງຊາວໜຸ່ມປີ2013ເພື່ອຊິງຂັນທ່ານເລຂາຄະນະບໍລິຫານງານສູນກາງຊປປລາວ
(GMT+08:00) 2013-05-10 12:07:09 cri
ວັນທີ10ພຶດສະພານີ້,ຢູ່ສຳນັກງານສູນກາງຊາວໜຸ່ມປະຊາຊົນປະຕິວັດລາວໄດ້ຈັດງານຖະແຫຼງຂ່າວ, ນາງວິລະວອນ ພັນທະວົງ, ຫົວໜ້າກົມຂະບວນການສູນກາງຊາວໜຸ່ມໃຫ້ຮູ້ວ່າ,ເພື່ອຜັນຂະຫຍາຍຈັດຕັ້ງປະຕິບັດມິຕິກອງປະຊຸມໃຫຍ່ຄັ້ງທີ9ຂອງພັກ, ເນື້ອໃນມະຕິ 6 ຜູ້ແທນຊາວໜຸ່ມປະເທດ, ແນໃສ່ຍູ້ແຮງຂະບວນການຂອງຊາວໜຸ່ມເພື່ອຂ່ຳນັບຮັບຕ້ອນວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວຄົບຮອບ 60 ປີໃນປີ 2015, ສົ່ງເສີມຄວາມອາດສາມາດຊາວໜຸ່ມເຍົາວະຊົນນຳໃຊ້ເວລາຫວ່າງເປັນປະໂຫຍດ, ຈຶ່ງໄດ້ເປີດບັ້ນສ້າງຂະບວນການແຂ່ງຂັນກິລາເປຕັງແລະດອກປີກໄກ່ໃນຖັນແຖວຊາວໜຸ່ມຂອງຄະນະຊາວໜຸ່ມປະຊາຊົນປະຕິວັດລາວປະຈຳປີ 2013 ໃນຂອບເຂດທົ່ວປະເທດ.
ການແຂ່ງຂັນເປຕັງຈະແບ່ງອອກເປັນ 2 ສາຍ ຄື:ສາຍຊາວໜຸ່ມຕ່າງແຂວງແລະຊາວໜຸ່ມບັນດາກະຊວງ, ອົງການແລະຂະແໜງການອ້ອມຂ້າງສູນກາງ ສປປລາວ, ເຊິ່ງເລີ່ມການແຂ່ງຂັນແຕ່ວັນທີ 20 ພຶດສະພາຮອດວັນທີ 21 ມິຖຸນາ 2013, ຈະຮັບສະໝັກຊາວໜຸ່ມທີ່ມີອາຍຸ18ປີຮອດ30ປີຢູ່ໃນຂອບເຂດທົ່ວປະເທດ.ສຳລັບການແຂ່ງຂັນດອກປີກໄກ່, ແມ່ນຮັບສະໝັກແຕ່ວັນທີ 11 ພຶດສະພາຮອດວັນທີ 21 ມິຖຸນາ 2013, ການແຂ່ງຂັນແມ່ນຈັດຂຶ້ນແຕ່ວັນທີ 24 ຫາວັນທີ 28 ມິຖຸນາ, ສະຖານທີ່ແຂ່ງຂັນຈະຢູ່ເດີ່ນກິລາຕີດອກສູນກາງຊປປລ.
