ຫົວໜ້າຫ້ອງການວຽກງານໄຕ້ຫວັນຂອງຄະນະລັດຖະບານຈີນກ່າວວ່າ ຟິລິບປິນຄວນໃຫ້ຄຳຕອບດ້ວຍຄວາມຮັບຜິດຊອບໃຫ້ແກ່ຊາວປະມົງໄຕ້ຫວັນທີ່ຖືກຍິງເສຍຊີວິດ
(GMT+08:00) 2013-05-15 17:31:35 cri
ວັນທີ 15 ພຶດສະພານີ້, ໃນກອງປະຊຸມປຶກສາຫາລືກັບນັກທຸລະກິດໄຕ້ຫວັນທີ່ນະຄອນຊຽງໄຮ້, ມີນັກຂ່າວຖາມວ່າ, ຫ້ອງການວຽກງານໄຕ້ຫວັນຂອງຄະນະລັດຖະບານຈີນມີທ່າທີແນວໃດຕໍ່ເຫດການທີ່ຊາວປະມົງໄຕ້ຫວັນຜູ້ໜຶ່ງຖືກກຳປັ່ນປ້ອງກັນແຄມຝັ່ງທະເລຟິລິບ ປິນຍິງເສຍຊີວິດ, ທ່ານຈ່າງຈື້ຈຸ່ນ, ຫົວໜ້າຫ້ອງການວຽກງານໄຕ້ຫວັນຂອງສູນກາງພັກຄອມມູນິດຈີນແລະຫ້ອງການວຽກງານໄຕ້ຫວັນຂອງຄະນະລັດຖະບານຈີນກ່າວວ່າ: ໃນວັນທີ 9 ພຶດສະພານີ້, ຟິລິບປິນໃຊ້ຄວາມຮຸນແຮງອີກເທື່ອໃໝ່ຕໍ່ພີ່ນ້ອງຮ່ວມຊາດທີ່ບໍ່ຖືອາວຸດ, ຍິງປືນໃສ່ຊາວປະມົງໄຕ້ຫວັນທີ່ເປັນອ້າຍນ້ອງຂອງພວກເຮົາຈົນເສຍຊີວິດ. ພວກເຮົາຮູ້ສຶກຄຽດແຄ້ນທີ່ສຸດແລະກ່າວປະມານຢ່າງຮຸນແຮງຕໍ່ເລື່ອງນີ້.
ທ່ານຈ່າງຈື້ຈຸ່ນກ່າວວ່າ, ພວກເຮົາຮຽກຮ້ອງໃຫ້ຟິລິບປິນປະຕິບັດຕໍ່ເລື່ອງນີ້ຢ່າງເຄັ່ງຂຶມ, ສຳຫຼວດຄວາມເປັນຈິງຢ່າງລະອຽດ, ລົງໂທດຜູ້ກໍ່ເຫດຢ່າງເຂັ້ມງວດ, ໃຫ້ຄຳຕອບດ້ວຍຄວາມຮັບຜິດຊອບຕໍ່ຊາວປະມົງທີ່ຖືກຍິງເສຍຊີວິດ. ແລະເດັດຂາດບໍ່ໃຫ້ເກີດເຫດການຄືແນວນີ້ອີກ.
ທ່ານຍັງກ່າວຕື່ມວ່າ, ອີກເທື່ອໜຶ່ງພວກເຮົາສະແດງຄວາມເສົ້າສະຫຼົດໃຈຢ່າງເລິກເຊິ່ງຕໍ່ຊາວປະມົງໄຕ້ຫວັນທີ່ຖືກຍິງເສຍຊີວິດ, ແລະສະແດງຄວາມເຫັນໃຈຕໍ່ຄອບຄົວຂອງຊາວປະມົງຜູ້ນີ້.
ທ່ານຈ່າງຈື້ຈຸ່ນກ່າວວ່າ, ພວກເຮົາຮຽກຮ້ອງໃຫ້ຟິລິບປິນປະຕິບັດຕໍ່ເລື່ອງນີ້ຢ່າງເຄັ່ງຂຶມ, ສຳຫຼວດຄວາມເປັນຈິງຢ່າງລະອຽດ, ລົງໂທດຜູ້ກໍ່ເຫດຢ່າງເຂັ້ມງວດ, ໃຫ້ຄຳຕອບດ້ວຍຄວາມຮັບຜິດຊອບຕໍ່ຊາວປະມົງທີ່ຖືກຍິງເສຍຊີວິດ. ແລະເດັດຂາດບໍ່ໃຫ້ເກີດເຫດການຄືແນວນີ້ອີກ.
ທ່ານຍັງກ່າວຕື່ມວ່າ, ອີກເທື່ອໜຶ່ງພວກເຮົາສະແດງຄວາມເສົ້າສະຫຼົດໃຈຢ່າງເລິກເຊິ່ງຕໍ່ຊາວປະມົງໄຕ້ຫວັນທີ່ຖືກຍິງເສຍຊີວິດ, ແລະສະແດງຄວາມເຫັນໃຈຕໍ່ຄອບຄົວຂອງຊາວປະມົງຜູ້ນີ້.
