ກະຊວງການຕ່າງປະເທດຈີນຈັດກອງປະຊຸມຖະແຫຼງຂ່າວກ່ຽວກັບການເດີນທາງໄປຢ້ຽມຢາມສີ່ປະເທດອາຊີແລະເອີຣົບຂອງທ່ານນາຍົກຫຼີເຄີ້ສຽງ
(GMT+08:00) 2013-05-16 18:44:14 cri
ວັນທີ 16 ພຶດສະພານີ້,ກະຊວງການຕ່າງປະເທດຈີນຈັດກອງປະຊຸມຖະແຫຼງຂ່າວຕໍ່ສື່ມວນຊົນຈີນແລະຕ່າງປະເທດ, ເພື່ອແນະນຳການເດີນທາງໄປຢ້ຽມຢາມສີ່ປະເທດອາຊີເອີຣົບໃນໄວໆນີ້ຂອງທ່ານຫຼີເຄີ້ສຽງ, ນາຍົກລັດຖະມົນຕີຈີນໃນມໍ່ໆນີ້. ທ່ານຊົ້ງທ່າວ, ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ການຢ້ຽມຢາມເທື່ອນີ້ແມ່ນການເດີນທາງໄປຢ້ຽມຢາມຕ່າງປະເທດເທື່ອທຳອິດພາຍຫຼັງທ່ານຫຼີເຄີ້ສຽງຂຶ້ນດຳລົງຕຳແໜ່ງເປັນນາຍົກລັດຖະມົນຕີຈີນ, ແມ່ນການເຄື່ອນໄຫວທາງການຕ່າງປະເທດອັນສຳຄັນຂອງລັດຖະບານຊຸດໃໝ່ຂອງຈີນຕໍ່ປະເທດອ້ອມຂ້າງແລະປະເທດເອີຣົບ.
ອິນເດຍ, ປາກີສະຖານ, ສະວິສແລະເຢຍລະມັນແມ່ນ 4 ປະເທດທີ່ທ່ານຫຼີເຄີ້ສຽງຈະໄປຢ້ຽມຢາມໃນເທື່ອນີ້, ມີທັງປະເທດໃຫຍ່, ປະເທດອ້ອມຂ້າງແລະປະເທດທີ່ພວມພັດທະນາ.
ທ່ານຊົ້ງທ່າວກ່າວວ່າ, ອິນເດຍແມ່ນປະເທດໃກ້ຄຽງທີ່ສຳຄັນຂອງຈີນ, ທັງແມ່ນປະເທດໃຫຍ່ທີ່ພວມພັດທະນາແລະປະເທດທີ່ຕະຫຼາດຈະເລີນໃໝ່ອີກດ້ວຍ. ທ່ານຫຼີເຄີ້ສຽງໄດ້ເລືອກອິນເດຍເປັນປະເທດທຳອິດໃນການເດີນທາງໄປຢ້ຽມຢາມຕ່າງປະເທດເທື່ອທຳອິດ, ຊຶ່ງໄດ້ສະແດງໃຫ້ເຫັນຄວາມເອົາໃຈໃສ່ໃນລະດັບສູງຂອງລັດຖະບານຊຸດໃໝ່ຈີນທີ່ມີຕໍ່ອິນເດຍ.
ປາກີສະຖານແມ່ນປະເທດໃກ້ຄຽງທີ່ສຳຄັນແລະຄູ່ຍຸດທະສາດຕະຫຼອດເວລາຂອງຈີນ, ມີຄວາມເຂົ້າໃຈແລະສະໜັບສະໜູນເຊິ່ງກັນແລະກັນມາໂດຍຕະຫຼອດໃນບັນຫາທີ່ກ່ຽວຂ້ອງກັບຜົນປະໂຫຍດໃຈກາງຂອງກັນແລະກັນ. ການຢ້ຽມຢາມຂອງທ່ານຫຼີເຄີ້ສຽງເທື່ອນີ້ພໍດີຖືກກັບໄລຍະເວລາທີ່ປາກີສະຖານຫາກໍ່ສິ້ນສຸດການເລືອກຕັ້ງສະພາ, ແລະລັດຖະບານຊຸດໃໝ່ກຳລັງຈະສ້າງຕັ້ງຂຶ້ນ. ທ່ານຊົ້ງທ່າວກ່າວວ່າ, ການຈັດວາງຄືແນວນີ້ສະແດງໃຫ້ເຫັນຄວາມໄວ້ ເນື້ອເຊື່ອໃຈໃນລະດັບສູງແລະມິດຕະພາບພິເສດລະຫວ່າງຈີນກັບປາກີສະຖານ.
ສະວິສແມ່ນປະເທດທີສາມໃນການຢ້ຽມຢາມເທື່ອນີ້. ເຖິງວ່າບໍ່ແມ່ນປະເທດສະມາຊິກຂອງສະຫະພາບເອີຣົບກໍຕາມ, ແຕ່ສະວິສແມ່ນຄູ່ຮ່ວມມືດ້ານເສດຖະກິດການຄ້າອັນສຳຄັນຂອງຈີນຢູ່ເອີຣົບ, ກໍແມ່ນໜຶ່ງໃນບັນດາປະເທດເອີຣົບທີ່ຮັບຮອງຖານະເປັນປະເທດເສດຖະກິດຕະຫຼາດຂອງຈີນກ່ອນໝູ່ແລະດຳເນີນການເຈລະຈາກ່ຽວກັບເຂດການຄ້າເສລີກັບຈີນກ່ອນໝູ່. ທ່ານຈຽງຢ້າວຜິງ, ລັດຖະມົນຕີຊ່ວຍວ່າການກະຊວງການຄ້າຈີນແຈ້ງໃຫ້ຮູ້ວ່າ, ກ່ອນນີ້ບໍ່ດົນ, ການເຈລະຈາກ່ຽວກັບເຂດການຄ້າເສລີຈີນສະວິສໄດ້ຮັບຄວາມຄືບໜ້າທີ່ດີ, ຫວັງວ່າຈະມີການເຊັນສັນຍາຮ່ວມມືທີ່ຕ່າງຝ່າຍຕ່າງມີຜົນປະໂຫຍດແລະມີຄຸນນະພາບສູງໂດຍໄວ.
ເຢຍລະມັນແມ່ນປະເທດສະມາຊິກສະຫະພາບເອີຣົບພຽງປະເທດດຽວໃນການຢ້ຽມຢາມຂອງທ່ານຫຼີເຄີ້ສຽງເທື່ອນີ້. ກ່ຽວກັບການຈັດວາງຄືແນວນີ້, ທ່ານຊົ້ງທ່າວກ່າວວ່າ, ເຢຍລະມັນແມ່ນຄູ່ຮ່ວມມືເສດຖະກິດທີ່ໃຫຍ່ທີ່ສຸດຂອງຈີນໃນສະຫະພາບເອີຣົບ, ມູນຄ່າການຄ້າລະຫວ່າງສອງປະເທດໃນປີ 2012 ມີຫຼາຍກວ່າ 160 ຕື້ໂດລາສະຫະລັດ, ກວມ 30% ຂອງລວມຍອດມູນຄ່າການຄ້າລະຫວ່າງຈີນກັບສະຫະພາບເອີຣົບ. ຜູ່ນຳຂອງຈີນແລະເຢຍລະມັນມີຄວາມເຫັນເປັນເອກະສັນກັນໃນລະດັບສູງກ່ຽວກັບການຊຸກຍູ້ການຮ່ວມມືຕົວຈິງລະຫວ່າງສອງປະເທດຕື່ມອີກ. ໃນໄລຍະຢ້ຽຍຢາມ, ທ່ານຫຼີເຄີ້ສຽງຈະເຂົ້າຢ້ຽມຂ່ຳນັບທ່ານໂຈອາຊິມ ກອກ, ປະທານາທິບໍດີ, ແລະພົບປະເຈລະຈາກັບທ່ານນາງແອັນເຈລາ ເມີເກນ, ນາຍົກລັດຖະມົນຕີເຢຍລະມັນ, ລົງເລິກແລກປ່ຽນຄວາມເຫັນກ່ຽວກັບການພົວພັນລະຫວ່າງຈີນກັບເຢຍລະມັນ, ລະຫວ່າງຈີນກັບສະຫະພາບເອີຣົບ, ພ້ອມດ້ວຍບັນຫາສາກົນແລະພາກພື້ນທີ່ມີຄວາມສົນໃຈຮ່ວມກັນ.
ອິນເດຍ, ປາກີສະຖານ, ສະວິສແລະເຢຍລະມັນແມ່ນ 4 ປະເທດທີ່ທ່ານຫຼີເຄີ້ສຽງຈະໄປຢ້ຽມຢາມໃນເທື່ອນີ້, ມີທັງປະເທດໃຫຍ່, ປະເທດອ້ອມຂ້າງແລະປະເທດທີ່ພວມພັດທະນາ.
ທ່ານຊົ້ງທ່າວກ່າວວ່າ, ອິນເດຍແມ່ນປະເທດໃກ້ຄຽງທີ່ສຳຄັນຂອງຈີນ, ທັງແມ່ນປະເທດໃຫຍ່ທີ່ພວມພັດທະນາແລະປະເທດທີ່ຕະຫຼາດຈະເລີນໃໝ່ອີກດ້ວຍ. ທ່ານຫຼີເຄີ້ສຽງໄດ້ເລືອກອິນເດຍເປັນປະເທດທຳອິດໃນການເດີນທາງໄປຢ້ຽມຢາມຕ່າງປະເທດເທື່ອທຳອິດ, ຊຶ່ງໄດ້ສະແດງໃຫ້ເຫັນຄວາມເອົາໃຈໃສ່ໃນລະດັບສູງຂອງລັດຖະບານຊຸດໃໝ່ຈີນທີ່ມີຕໍ່ອິນເດຍ.
ປາກີສະຖານແມ່ນປະເທດໃກ້ຄຽງທີ່ສຳຄັນແລະຄູ່ຍຸດທະສາດຕະຫຼອດເວລາຂອງຈີນ, ມີຄວາມເຂົ້າໃຈແລະສະໜັບສະໜູນເຊິ່ງກັນແລະກັນມາໂດຍຕະຫຼອດໃນບັນຫາທີ່ກ່ຽວຂ້ອງກັບຜົນປະໂຫຍດໃຈກາງຂອງກັນແລະກັນ. ການຢ້ຽມຢາມຂອງທ່ານຫຼີເຄີ້ສຽງເທື່ອນີ້ພໍດີຖືກກັບໄລຍະເວລາທີ່ປາກີສະຖານຫາກໍ່ສິ້ນສຸດການເລືອກຕັ້ງສະພາ, ແລະລັດຖະບານຊຸດໃໝ່ກຳລັງຈະສ້າງຕັ້ງຂຶ້ນ. ທ່ານຊົ້ງທ່າວກ່າວວ່າ, ການຈັດວາງຄືແນວນີ້ສະແດງໃຫ້ເຫັນຄວາມໄວ້ ເນື້ອເຊື່ອໃຈໃນລະດັບສູງແລະມິດຕະພາບພິເສດລະຫວ່າງຈີນກັບປາກີສະຖານ.
ສະວິສແມ່ນປະເທດທີສາມໃນການຢ້ຽມຢາມເທື່ອນີ້. ເຖິງວ່າບໍ່ແມ່ນປະເທດສະມາຊິກຂອງສະຫະພາບເອີຣົບກໍຕາມ, ແຕ່ສະວິສແມ່ນຄູ່ຮ່ວມມືດ້ານເສດຖະກິດການຄ້າອັນສຳຄັນຂອງຈີນຢູ່ເອີຣົບ, ກໍແມ່ນໜຶ່ງໃນບັນດາປະເທດເອີຣົບທີ່ຮັບຮອງຖານະເປັນປະເທດເສດຖະກິດຕະຫຼາດຂອງຈີນກ່ອນໝູ່ແລະດຳເນີນການເຈລະຈາກ່ຽວກັບເຂດການຄ້າເສລີກັບຈີນກ່ອນໝູ່. ທ່ານຈຽງຢ້າວຜິງ, ລັດຖະມົນຕີຊ່ວຍວ່າການກະຊວງການຄ້າຈີນແຈ້ງໃຫ້ຮູ້ວ່າ, ກ່ອນນີ້ບໍ່ດົນ, ການເຈລະຈາກ່ຽວກັບເຂດການຄ້າເສລີຈີນສະວິສໄດ້ຮັບຄວາມຄືບໜ້າທີ່ດີ, ຫວັງວ່າຈະມີການເຊັນສັນຍາຮ່ວມມືທີ່ຕ່າງຝ່າຍຕ່າງມີຜົນປະໂຫຍດແລະມີຄຸນນະພາບສູງໂດຍໄວ.
ເຢຍລະມັນແມ່ນປະເທດສະມາຊິກສະຫະພາບເອີຣົບພຽງປະເທດດຽວໃນການຢ້ຽມຢາມຂອງທ່ານຫຼີເຄີ້ສຽງເທື່ອນີ້. ກ່ຽວກັບການຈັດວາງຄືແນວນີ້, ທ່ານຊົ້ງທ່າວກ່າວວ່າ, ເຢຍລະມັນແມ່ນຄູ່ຮ່ວມມືເສດຖະກິດທີ່ໃຫຍ່ທີ່ສຸດຂອງຈີນໃນສະຫະພາບເອີຣົບ, ມູນຄ່າການຄ້າລະຫວ່າງສອງປະເທດໃນປີ 2012 ມີຫຼາຍກວ່າ 160 ຕື້ໂດລາສະຫະລັດ, ກວມ 30% ຂອງລວມຍອດມູນຄ່າການຄ້າລະຫວ່າງຈີນກັບສະຫະພາບເອີຣົບ. ຜູ່ນຳຂອງຈີນແລະເຢຍລະມັນມີຄວາມເຫັນເປັນເອກະສັນກັນໃນລະດັບສູງກ່ຽວກັບການຊຸກຍູ້ການຮ່ວມມືຕົວຈິງລະຫວ່າງສອງປະເທດຕື່ມອີກ. ໃນໄລຍະຢ້ຽຍຢາມ, ທ່ານຫຼີເຄີ້ສຽງຈະເຂົ້າຢ້ຽມຂ່ຳນັບທ່ານໂຈອາຊິມ ກອກ, ປະທານາທິບໍດີ, ແລະພົບປະເຈລະຈາກັບທ່ານນາງແອັນເຈລາ ເມີເກນ, ນາຍົກລັດຖະມົນຕີເຢຍລະມັນ, ລົງເລິກແລກປ່ຽນຄວາມເຫັນກ່ຽວກັບການພົວພັນລະຫວ່າງຈີນກັບເຢຍລະມັນ, ລະຫວ່າງຈີນກັບສະຫະພາບເອີຣົບ, ພ້ອມດ້ວຍບັນຫາສາກົນແລະພາກພື້ນທີ່ມີຄວາມສົນໃຈຮ່ວມກັນ.
