ນາຍົກຈີນກ່າວເນັ້ນວ່າຄວນປັບປຸງການພົວພັນຄູ່ຮ່ວມມືຍຸດທະສາດທີ່ຫັນໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງລະຫວ່າງຈີນກັບອິນເດຍໃຫ້ໝັ້ນຄົງຕື່ມອີກ
(GMT+08:00) 2013-05-20 17:57:53 cri
ວັນທີ 20 ພຶດສະພານີ້,ຢູ່ນະຄອນຫຼວງນີວແດນລີຂອງອິນເດຍ, ທ່ານລີເຄີ້ສຽງ ນາຍົກລັດຖະມົນຕີຈີນໄດ້ພົບປະເຈລະຈາກັບທ່ານມານໂມຮານຊິງ ນາຍົກລັດຖະມົນຕີອິນເດຍ, ທ່ານລີເຄີ້ສຽງກ່າວເນັ້ນວ່າ: ຄວນຊຸກຍູ້ການຮ່ວມມືລະຫວ່າງຈີນກັບອິນເດຍໃຫ້ໄດ້ຮັບຄວາມຄືບໜ້າຕົວຈິງອັນໃໝ່, ປັບປຸງການພົວພັນຄູ່ຮ່ວມມືຍຸດທະສາດທີ່ຫັນໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງລະຫວ່າງຈີນກັບອິນເດຍໃຫ້ໝັ້ນຄົງຕື່ມອີກ. ສອງຝ່າຍເປັນເອກະສັນກັນເຫັນດີຮ່ວມກັນດຳເນີນການຮ່ວມມືດ້ານໂຄງການໃຫຍ່ໃນຂົງເຂດຕ່າງໆເປັນຕົ້ນແມ່ນເຂດນິຄົມອຸດສາຫະກຳແລະພື້ນຖານໂຄງລ່າງ, ຮ່ວມກັນລິເລີ່ມກໍ່ສ້າງແລວທາງເສດຖະກິດຈີນ,ອິນເດຍ,ມຽນມາແລະບັງກຼາເດັດ,ຊຸກຍູ້ໃຫ້ສອງຕະຫຼາດໃຫຍ່ຈີນອິນເດຍໃຫ້ເຊື່ອມຕໍ່ກັນຢ່າງແໜ້ນແຟ້ນ.
ໂດຍຕອບສະໜອງຕາມຄຳເຊີນຂອງທ່ານມານໂມຮານຊິງ ນາຍົກລັດຖະມົນຕີອິນເດຍ, ທ່ານລີເຄີ້ສຽງ ນາຍົກລັດຖະມົນຕີຈີນໄດ້ເດີນທາງໄປເຖິງນະຄອນຫຼວງນີວແດນລີໃນຕອນບ່າຍວັນທີ 19 ພຶດສະພານີ້ໂດຍເລີ່ມຕົ້ນການຢ້ຽມຢາມອິນເດຍຢ່າງເປັນທາງການ. ໃນບົດປາໃສຂອງທ່ານລີເຄີ້ສຽງທີ່ແຈກຢາຍຢູ່ສະໜາມບິນໄດ້ຂຽນວ່າ: ໃນຖານະເປັນສອງປະເທດພວມພັດທະນາທີ່ໃຫຍ່ທີ່ສຸດຂອງໂລກໃນປະຈຸບັນ, ການພົວພັນຈີນອິນເດຍໄດ້ຂະຫຍາຍຕົວຢ່າງຕໍ່ເນື່ອງ,ປອດໄສແລະໝັ້ນທ່ຽງແມ່ນສອດຄ່ອງກັບຜົນປະໂຫຍດພື້ນຖານຂອງສອງປະເທດ, ແລະມີຜົນດີຕໍ່ສັນຕິພາບແລະຄວາມຈະເລີນຮຸ່ງເຮືອງຂອງອາຊີກໍ່ຄືຂອງໂລກ. ລັດຖະບານຈີນໃຫ້ຄວາສຳຄັນໃນລະດັບສູງຕໍ່ການຂະຫຍາຍການພົວພັນກັບອິນເດຍ, ຖືອິນເດຍເປັນຄູ່ຮ່ວມມືແລະໝູ່ເພື່ອນທີ່ສຳຄັນ. ເຊື່ອວ່າ,ການຢ້ຽມຢາມຄັ້ງນີ້ຈະບັນລຸຈຸດປະສົງທີ່ຊຸກຍູ້ການແລກປ່ຽນ, ລົງເລິກການຮ່ວມມື,ເພີ່ມທະວີຄວາມໄວ້ເນື້ອເຊື່ອໃຈກັນແລະປັບປຸງມິດຕະພາບໃຫ້ໝັ້ງຄົງ, ເພີ່ມພະລັງແຮງໃໝ່ໃນການຊຸກຍູ້ການພົວພັນຄູ່ຮ່ວມມືຍຸດທະສາດທີ່ຫັນໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງລະຫວ່າງຈີນກັບອິນເດຍ.
ກະຊວງການຕ່າງປະເທດຈີນເຜີຍໃຫ້ຮູ້ວ່າ: ໃນໄລຍະຢ້ຽມຢາມອິນເດຍ, ທ່ານລີເຄີ້ສຽງຈະພົບປະເຈລະຈາກັບທ່ານນາຍົກມານໂມຮານຊິງ, ທ່ານມູເຄີຈີ ປະທານາທິບໍດີແລະຜູ້ນຳອິນເດຍທ່ານອື່ນໆ,ເພື່ອລົງເລິກແລກປ່ຽນຄວາມເຫັນກ່ຽວກັບການພົວພັນລະຫວ່າງສອງຝ່າຍ,ບັນຫາໃນສາກົນແລະພາກພື້ນທີ່ສົນໃຈຮ່ວມກັນ.ນອກຈາກນັ້ນ,ທ່ານນາຍົກລີເຄີສ້ຽງຍັງຈະກ່າວປາຖະກະຖາກ່ຽວກັບການພົວພັນຈີນອິນເດຍ,ແລະຈະເຂົ້າຮ່ວມກິດຈະກຳສຳຄັນຕ່າງໆເປັນຕົ້ນແມ່ນກອງປະຊຸມສຸດຍອດການຮ່ວມມືດ້ານການຄ້າຈີນອິນເດຍ.
ໂດຍຕອບສະໜອງຕາມຄຳເຊີນຂອງທ່ານມານໂມຮານຊິງ ນາຍົກລັດຖະມົນຕີອິນເດຍ, ທ່ານລີເຄີ້ສຽງ ນາຍົກລັດຖະມົນຕີຈີນໄດ້ເດີນທາງໄປເຖິງນະຄອນຫຼວງນີວແດນລີໃນຕອນບ່າຍວັນທີ 19 ພຶດສະພານີ້ໂດຍເລີ່ມຕົ້ນການຢ້ຽມຢາມອິນເດຍຢ່າງເປັນທາງການ. ໃນບົດປາໃສຂອງທ່ານລີເຄີ້ສຽງທີ່ແຈກຢາຍຢູ່ສະໜາມບິນໄດ້ຂຽນວ່າ: ໃນຖານະເປັນສອງປະເທດພວມພັດທະນາທີ່ໃຫຍ່ທີ່ສຸດຂອງໂລກໃນປະຈຸບັນ, ການພົວພັນຈີນອິນເດຍໄດ້ຂະຫຍາຍຕົວຢ່າງຕໍ່ເນື່ອງ,ປອດໄສແລະໝັ້ນທ່ຽງແມ່ນສອດຄ່ອງກັບຜົນປະໂຫຍດພື້ນຖານຂອງສອງປະເທດ, ແລະມີຜົນດີຕໍ່ສັນຕິພາບແລະຄວາມຈະເລີນຮຸ່ງເຮືອງຂອງອາຊີກໍ່ຄືຂອງໂລກ. ລັດຖະບານຈີນໃຫ້ຄວາສຳຄັນໃນລະດັບສູງຕໍ່ການຂະຫຍາຍການພົວພັນກັບອິນເດຍ, ຖືອິນເດຍເປັນຄູ່ຮ່ວມມືແລະໝູ່ເພື່ອນທີ່ສຳຄັນ. ເຊື່ອວ່າ,ການຢ້ຽມຢາມຄັ້ງນີ້ຈະບັນລຸຈຸດປະສົງທີ່ຊຸກຍູ້ການແລກປ່ຽນ, ລົງເລິກການຮ່ວມມື,ເພີ່ມທະວີຄວາມໄວ້ເນື້ອເຊື່ອໃຈກັນແລະປັບປຸງມິດຕະພາບໃຫ້ໝັ້ງຄົງ, ເພີ່ມພະລັງແຮງໃໝ່ໃນການຊຸກຍູ້ການພົວພັນຄູ່ຮ່ວມມືຍຸດທະສາດທີ່ຫັນໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງລະຫວ່າງຈີນກັບອິນເດຍ.
ກະຊວງການຕ່າງປະເທດຈີນເຜີຍໃຫ້ຮູ້ວ່າ: ໃນໄລຍະຢ້ຽມຢາມອິນເດຍ, ທ່ານລີເຄີ້ສຽງຈະພົບປະເຈລະຈາກັບທ່ານນາຍົກມານໂມຮານຊິງ, ທ່ານມູເຄີຈີ ປະທານາທິບໍດີແລະຜູ້ນຳອິນເດຍທ່ານອື່ນໆ,ເພື່ອລົງເລິກແລກປ່ຽນຄວາມເຫັນກ່ຽວກັບການພົວພັນລະຫວ່າງສອງຝ່າຍ,ບັນຫາໃນສາກົນແລະພາກພື້ນທີ່ສົນໃຈຮ່ວມກັນ.ນອກຈາກນັ້ນ,ທ່ານນາຍົກລີເຄີສ້ຽງຍັງຈະກ່າວປາຖະກະຖາກ່ຽວກັບການພົວພັນຈີນອິນເດຍ,ແລະຈະເຂົ້າຮ່ວມກິດຈະກຳສຳຄັນຕ່າງໆເປັນຕົ້ນແມ່ນກອງປະຊຸມສຸດຍອດການຮ່ວມມືດ້ານການຄ້າຈີນອິນເດຍ.
