ສປປເກົາຫຼີຮັບເອົາຂໍ້ສະເໜີຂອງຈີນໂດຍຍິນດີດຳເນີນການເຈລະຈາກັບຝ່າຍຕ່າງໆທີ່ກ່ຽວຂ້ອງ
(GMT+08:00) 2013-05-24 10:58:10 cri
ຕອນບ່າຍວັນທີ 23 ພຶດສະພານີ້ ຢູ່ທີ່ນະຄອນຫຼວງປັກກິ່ງ,ທ່ານຫຼິວຢຸນຊານ ກຳມະການປະຈຳກົມການເມືອງສູນກາງພັກ ເລຂາຂອງຄະນະເລຂາທິການສູນກາງພັກກອມມູນິດຈີນໄດ້ພົບປະກັບທ່ານຊ່ອຍຢ໋ອງເຮ ທູດພິເສດຂອງທ່ານກິມເຈິ່ງອຸນ ເລຂາທິການໃຫຍ່ສູນກາງພັກແຮງງານເກົາຫຼີ, ກຳມະການປະຈຳກົມການເມືອງສູນກາງພັກແຮງງານເກົາຫຼີ, ທ່ານຫຼິວຢຸນຊານກ່າວວ່າ: ຈີນຫວັງໃຫ້ຝ່າຍຕ່າງໆທີ່ກ່ຽວຂ້ອງຍຶດໝັ້ນເປົ້າໝາຍທີ່ເຮັດໃຫ້ແຫຼມເກົາຫຼີປອດນີວເຄຼຍ, ແກ້ໄຂບັນຫາດ້ວຍການປຶກສາຫາລືແລະເຈລະຈາກັນ, ຈັດການເຈລະຈາຫົກຝ່າຍຄືນໃໝ່ໂດຍໄວເທົ່າທີ່ຈະໄວໄດ້ເພື່ອບັນລຸໃຫ້ແຫຼມເກົາຫຼີປອດນີວເຄຼຍແລະໃຫ້ເຂດອາຊີຕາເວັນອອກສຽງເໜືອມີສັນຕິພາບແລະສະຖຽນລະພາບຍາວນານ.
ທ່ານຊ່ອຍຢ໋ອງເຮ ກ່າວວ່າ: ສປປເກົາຫຼີຍິນດີຮ່ວມກັບຈີນທຳຄວາມພະຍາຍາມເພື່ອຊຸກຍູ້ການພົວພັນລະຫວ່າງສປປເກົາຫຼີກັບຈີນໃຫ້ຂະຫຍາຍຕົວຕໍ່ໄປຢ່າງບໍ່ຢຸດຢັ້ງ. ສປປເກົາຫຼີຍ້ອງຍໍໃນລະດັບສູງຕໍ່ຈີນທີ່ທຳຄວາມພະຍາຍາມຢ່າງໃຫຍ່ຫຼວງເພື່ອປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ, ຊຸກຍູ້ການຈັດການປຶກສາຫາລືແລະເຈລະຈາກັນກ່ຽວກັບບັນຫາແຫຼມເກົາຫຼີຄືນໃໝ່, ສປປເກົາຫຼີຍິນດີຮັບເອົາຂໍ້ສະເໜີຂອງ ຈີນ,ຄືຈະດຳເນີນການເຈລະຈາກັບບັນດາຝ່າຍທີ່ກ່ຽວຂ້ອງ.
ທ່ານຊ່ອຍຢ໋ອງເຮ ກ່າວວ່າ: ສປປເກົາຫຼີຍິນດີຮ່ວມກັບຈີນທຳຄວາມພະຍາຍາມເພື່ອຊຸກຍູ້ການພົວພັນລະຫວ່າງສປປເກົາຫຼີກັບຈີນໃຫ້ຂະຫຍາຍຕົວຕໍ່ໄປຢ່າງບໍ່ຢຸດຢັ້ງ. ສປປເກົາຫຼີຍ້ອງຍໍໃນລະດັບສູງຕໍ່ຈີນທີ່ທຳຄວາມພະຍາຍາມຢ່າງໃຫຍ່ຫຼວງເພື່ອປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ, ຊຸກຍູ້ການຈັດການປຶກສາຫາລືແລະເຈລະຈາກັນກ່ຽວກັບບັນຫາແຫຼມເກົາຫຼີຄືນໃໝ່, ສປປເກົາຫຼີຍິນດີຮັບເອົາຂໍ້ສະເໜີຂອງ ຈີນ,ຄືຈະດຳເນີນການເຈລະຈາກັບບັນດາຝ່າຍທີ່ກ່ຽວຂ້ອງ.
