ຈີນແລະເຢຍລະມັນອອກປະກາດແຈ້ງຂ່າວຮ່ວມກ່ຽວກັບທ່ານນາຍົກລີເຄີ້ສຽງຢ້ຽມຢາມເຢຍລະມັນ
(GMT+08:00) 2013-05-27 14:43:24 cri
ວັນທີ 26 ພຶດສະພານີ້, ຈີນແລະເຢຍລະມັນໄດ້ອອກປະກາດແຈ້ງຂ່າວຮ່ວມຂອງສອງປະເທດວ່າດ້ວຍທ່ານລີເຄິ້ສຽງ ນາຍົກລັດຖະມົນຕີຈີນຢ້ຽມຢາມເຢຍລະມັນ. ປະກາດແຈ້ງຂ່າວຂຽນວ່າ: ທ່ານນາຍົກລີເຄີ້ສຽງໄດ້ທຳການຢ້ຽມຢາມເຢຍລະມັນຢ່າງເປັນທາງການແຕ່ວັນທີ 25ຫາວັນທີ 27ພຶດສະພາປີ2013ນີ້ຕາມຄຳເຊີນ. ນີ້ແມ່ນນາຍົກລັດຖະມົນຕີຈີນຜູ້ໃໝ່ຢ້ຽມຢາມຕ່າງປະເທດເປັນເທື່ອທຳອິດ. ຜູ້ນຳສອງປະເທດຈີນເຢຍລະມັນໄດ້ລົງເລິກແລກປ່ຽນຄວາມເຫັນຢ່າງກົງໄປກົງມາແລະກວ້າງຂວາງກ່ຽວກັບການພົວພັນສອງຝ່າຍແລະບັນຫາສາກົນທີ່ສອງຝ່າຍມີຄວາມສົນໃຈຮ່ວມກັນ, ໄດ້ບັນລຸຄວາມຮັບຮູ້ທີ່ເປັນເອກະສັນກັນກ່ຽວກັບຫຼາຍບັນຫາສຳຄັນ.
ປະກາດແຈ້ງຂ່າວຂຽນວ່າ: ສະຖານະການສາກົນໃນປະຈຸບັນສືບຕໍ່ເກີດມີການປ່ຽນແປງຢ່າງສັບສົນແລະເລິກເຊິ່ງ. ການພົວພັນຊຶ່ງກັນແລະກັນລະຫວ່າງບັນດາປະເທດໃນໂລກນັບມື້ນັບແໜ້ນແຟ້ນຂຶ້ນ, ຄວາມອີງອາໃສ່ເຊິ່ງກັນແລະກັນກໍ່ນັບມື້ນັບຫຼາຍຂຶ້ນ. ຈີນແລະເຢຍລະມັນຍິນດີຮ່ວມກັບປະເທດອື່ນໆປະຕິບັດຕາມຈິດໃຈທີ່ຮ່ວມກັນຜ່ານຜ່າຄວາມຫຍຸ້ງຍາກແລະຕ່າງຝ່າຍຕ່າງມີຜົນປະໂຫຍດເພື່ອລົງເລິກການປະສານງານແລະຮ່ວມມືກັນ,ປະກອບສ່ວນເພື່ອສັນຕິພາບແລະຄວາມຈະເລີນຮຸ່ງເຮືອງຂອງໂລກ. ສອງຝ່າຍກ່າວຢ້ຳວ່າຈະເຄົາລົບອະທິປະໄຕແລະຜືນແຜ່ນດິນອັນຄົບຖ້ວນເຊິ່ງກັນແລະກັນ, ສຸມກຳລັງເຂົ້າໃນການແກ້ໄຂຄວາມຂັດແຍ່ງແລະການປະທະກັນໃນພາກພື້ນແລະສາກົນດ້ວຍສັນຕິວິທີ. ສອງຝ່າຍຍິນດີເພີ່ມຄວາມເຂົ້າໃຈກັນຕໍ່ເສັ້ນທາງການພັດທະນາຂອງໃຜລາວ, ລົງເລິກຄວາມໄວ້ເນື້ອເຊື່ອໃຈກັນທາງການເມືອງ,ຊຸກຍູ້ໃຫ້ການພົວພັນລະຫວ່າງຈີນເຢຍລະມັນໄດ້ມີການພັດທະນາຢ່າງໝັ້ນຄົງຍາວນານ.
ປະກາດແຈ້ງຂ່າວຂຽນວ່າ: ສອງຝ່າຍຕັດສິນຮ່ວມກັນໃນການຈັດຕັ້ງປະຕິບັດການພົວພັນຄູ່ຮ່ວມມືດ້ານວຽກງານຫັນເປັນຕົວເມືອງ,ແລະເພີ່ມທະວີການຮ່ວມມືໃນດ້ານກະສິກຳ,ປ່າໄມ້,ພືດພັນທັນຍາຫານ, ການປົກປ້ອງສິດຂອງຜູ້ບໍລິໂພກ, ຄວາມປອດໄພດ້ານອາຫານແລະເຄື່ອງໝາຍອະນຸລັກສິ່ງແວດລ້ອມແລະຂົງເຂດອື່ນໆ.
ຖະແຫຼງການຂຽນວ່າ: ສອງຝ່າຍຮ່ວມກັນຄັດຄ້ານລັດທິປົກປ້ອງ, ຍິນດີດຳເນີນການເຈລະຈາເພື່ອແກ້ໄຂຄວາມຂັດແຍ່ງດ້ານການຄ້າເປັນຕົ້ນແມ່ນຜະລິດຕະພັນພະລັງງານແສງຕາເວັນ, ຜະລິດຕະພັນການສື່ສານໂທລະຄົມແລະອື່ນໆ. ສອງຝ່າຍຮຽກຮ້ອງໃຫ້ເຄົາລົບປະຕິບັດຕາມລະບຽບການອົງການການຄ້າໂລກຢ່າງເຂັ້ມງວດ, ສະໜັບສະໜູນລະບົບການຄ້າຫຼາຍຝ່າຍທີ່ມີຄວາມທ່ຽງທຳແລະຍຸດຕິທຳ.
ປະກາດແຈ້ງຂ່າວຂຽນວ່າ: ນາຍົກລັດຖະມົນຕີຈີນແລະເຢຍລະມັນຍັງໄດ້ຮ່ວມກັນເລີ່ມຕົ້ນກິດຈະກຳປີພາສາຈີນເຢຍລະມັນອີກດ້ວຍ.
ປະກາດແຈ້ງຂ່າວຂຽນວ່າ: ສະຖານະການສາກົນໃນປະຈຸບັນສືບຕໍ່ເກີດມີການປ່ຽນແປງຢ່າງສັບສົນແລະເລິກເຊິ່ງ. ການພົວພັນຊຶ່ງກັນແລະກັນລະຫວ່າງບັນດາປະເທດໃນໂລກນັບມື້ນັບແໜ້ນແຟ້ນຂຶ້ນ, ຄວາມອີງອາໃສ່ເຊິ່ງກັນແລະກັນກໍ່ນັບມື້ນັບຫຼາຍຂຶ້ນ. ຈີນແລະເຢຍລະມັນຍິນດີຮ່ວມກັບປະເທດອື່ນໆປະຕິບັດຕາມຈິດໃຈທີ່ຮ່ວມກັນຜ່ານຜ່າຄວາມຫຍຸ້ງຍາກແລະຕ່າງຝ່າຍຕ່າງມີຜົນປະໂຫຍດເພື່ອລົງເລິກການປະສານງານແລະຮ່ວມມືກັນ,ປະກອບສ່ວນເພື່ອສັນຕິພາບແລະຄວາມຈະເລີນຮຸ່ງເຮືອງຂອງໂລກ. ສອງຝ່າຍກ່າວຢ້ຳວ່າຈະເຄົາລົບອະທິປະໄຕແລະຜືນແຜ່ນດິນອັນຄົບຖ້ວນເຊິ່ງກັນແລະກັນ, ສຸມກຳລັງເຂົ້າໃນການແກ້ໄຂຄວາມຂັດແຍ່ງແລະການປະທະກັນໃນພາກພື້ນແລະສາກົນດ້ວຍສັນຕິວິທີ. ສອງຝ່າຍຍິນດີເພີ່ມຄວາມເຂົ້າໃຈກັນຕໍ່ເສັ້ນທາງການພັດທະນາຂອງໃຜລາວ, ລົງເລິກຄວາມໄວ້ເນື້ອເຊື່ອໃຈກັນທາງການເມືອງ,ຊຸກຍູ້ໃຫ້ການພົວພັນລະຫວ່າງຈີນເຢຍລະມັນໄດ້ມີການພັດທະນາຢ່າງໝັ້ນຄົງຍາວນານ.
ປະກາດແຈ້ງຂ່າວຂຽນວ່າ: ສອງຝ່າຍຕັດສິນຮ່ວມກັນໃນການຈັດຕັ້ງປະຕິບັດການພົວພັນຄູ່ຮ່ວມມືດ້ານວຽກງານຫັນເປັນຕົວເມືອງ,ແລະເພີ່ມທະວີການຮ່ວມມືໃນດ້ານກະສິກຳ,ປ່າໄມ້,ພືດພັນທັນຍາຫານ, ການປົກປ້ອງສິດຂອງຜູ້ບໍລິໂພກ, ຄວາມປອດໄພດ້ານອາຫານແລະເຄື່ອງໝາຍອະນຸລັກສິ່ງແວດລ້ອມແລະຂົງເຂດອື່ນໆ.
ຖະແຫຼງການຂຽນວ່າ: ສອງຝ່າຍຮ່ວມກັນຄັດຄ້ານລັດທິປົກປ້ອງ, ຍິນດີດຳເນີນການເຈລະຈາເພື່ອແກ້ໄຂຄວາມຂັດແຍ່ງດ້ານການຄ້າເປັນຕົ້ນແມ່ນຜະລິດຕະພັນພະລັງງານແສງຕາເວັນ, ຜະລິດຕະພັນການສື່ສານໂທລະຄົມແລະອື່ນໆ. ສອງຝ່າຍຮຽກຮ້ອງໃຫ້ເຄົາລົບປະຕິບັດຕາມລະບຽບການອົງການການຄ້າໂລກຢ່າງເຂັ້ມງວດ, ສະໜັບສະໜູນລະບົບການຄ້າຫຼາຍຝ່າຍທີ່ມີຄວາມທ່ຽງທຳແລະຍຸດຕິທຳ.
ປະກາດແຈ້ງຂ່າວຂຽນວ່າ: ນາຍົກລັດຖະມົນຕີຈີນແລະເຢຍລະມັນຍັງໄດ້ຮ່ວມກັນເລີ່ມຕົ້ນກິດຈະກຳປີພາສາຈີນເຢຍລະມັນອີກດ້ວຍ.
