ປະທານປະເທດຈີນກ່າວວ່າ ຈີນແລະອາເມລິກາຄວນຄົ້ນຄວ້າເສັ້ນທາງແຫ່ງການພົວພັນແບບໃໝ່ລະຫວ່າງປະເທດໃຫຍ່ທີ່ບໍ່ເຄີຍມີມາກ່ອນແລະມີການສືບທອດວຽກງານອັນເກົ່າແລະພັດທະນາວຽກງານອັນໃໝ່ໃຫ້ໄດ້
(GMT+08:00) 2013-05-28 10:31:07 cri
ວັນທີ 27ພຶດສະພານີ້,ຢູ່ທີ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານໂທມາສ ໂດນີລອນ ຜູ້ຊ່ວຍປະທານາທິບໍດີອາເມລິກາດ້ານວຽກງານຄວາມໝັ້ນຄົງແຫ່ງຊາດ, ທ່ານສີຈີ້ນຜິງກ່າວວ່າ: ຈີນແລະອາເມລິກາຄວນເລີ່ມປະຕິບັດຈາກຜົນປະໂຫຍດພື້ນຖານຂອງປະຊາຊົນສອງຊາດແລະປະຊາຊົນທົ່ວໂລກ, ຮ່ວມກັນສຸມກຳລັງເຂົ້າໃນການສ້າງການພົວພັນຄູ່ຮ່ວມມືລະຫວ່າງຈີນ-ອາເມລິກາ, ຄົ້ນຄວ້າເສັ້ນທາງ ແຫ່ງການພົວພັນແບບໃໝ່ລະຫວ່າງປະເທດໃຫຍ່ທີ່ບໍ່ເຄີຍມີມາກ່ອນແລະມີການສືບທອດວຽກງານອັນເກົ່າແລະພັດທະນາວຽກງານອັນໃໝ່ໃຫ້ໄດ້.
ທ່ານສີຈິ້ນຜິງກ່າວວ່າ: ທ່ານຄອງຄອຍໃນການພົບປະກັບທ່ານປະທານາທິບໍດີໂອບາມາໃນຕົ້ນເດືອນມິຖຸນາໜ້ານີ້ ເພື່ອລົງເລິກແລກປ່ຽນຄວາມເຫັນຊຶ່ງກັນແລະກັນຢ່າງກວ້າງຂວາງກ່ຽວກັບບັນຫາຍຸດທະສາດສຳຄັນທີ່ສອງຝ່າຍມີຄວາມສົນໃຈຮ່ວມກັນ, ເພີ່ມຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈກັນ, ທ້ອນໂຮມຄວາມຮັບຮູ້ທີ່ເປັນເອກະສັນກັນແລະຊຸກຍູ້ການຮ່ວມມືກັນລະຫວ່າງສອງຝ່າຍ.ທ່ານສີຈີ້ນຜິງກ່າວວ່າ:
"ໃນປະຈຸບັນ,ການພົວພັນຈີນອາເມລິກາຢູ່ໃນໄລຍະສຳຄັນໃນປະຫວັດສາດທີ່ສືບທອດວຽກງານອັນເກົ່າແລະພັດທະນາວຽກງານໃໝ່. ຂ້າພະເຈົ້າຄອງຄອຍຈະພົບປະກັບທ່ານປະທານາທິບໍດີໂອບາມາຢູ່ລັດກາລີຟໍເນຍໃນເທື່ອໜ້າ. ສອງຝ່າຍຈະສາມາດລົງເລິກແລກປ່ຽນຄວາມເຫັນກ່ຽວກັບບັນຫາຍຸດທະສາດສຳຄັນທີ່ມີຄວາມສົນໃຈຮ່ວມກັນ, ເຊື່ອວ່າ ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ການພົບປະເທື່ອນີ້ຈະໄດ້ຮັບຜົນສຳເລັດທີ່ດີ, ເພື່ອເພີ່ມພະລັງແຮງໃໝ່ໃນການຊຸກຍູ້ການພົວພັນຈີນອາເມລິກາໃນໄລຍະຕໍ່ໜ້າ."
ທ່ານໂດນິລອນກ່າວວ່າ: ສອງປະເທດອາເມລິກາແລະຈີນມີຜົນປະໂຫຍດຮ່ວມຢ່າງຫຼວງຫຼາຍ, ການພົວພັນອາເມລິກາຈີນທີ່ມີຄວາມຕັ້ງໜ້າ,ມີລັກສະນະສ້າງສັນແລະຂະຫຍາຍຕົວໃນລະດັບສູງກວ່າເກົ່ານັ້ນແມ່ນມີຜົນດີຕໍ່ທັງສອງປະເທດແລະກໍ່ມີຜົນດີຕໍ່ເຂດອາຊີປາຊີຟິກກໍ່ຄືຕໍ່ທົ່ວໂລກ. ອາເມລິກາຈະເດັດດ່ຽວສຸມກຳລັງເຂົ້າໃນການເພີ່ມທະວີການແລກປ່ຽນແລະຮ່ວມມືກັນກັບຈີນ, ແກ້ໄຂຄວາມຂັດແຍ່ງກັນໃຫ້ເໝາະສົມ, ຮ່ວມກັນຮັບມືກັບສິ່ງທ້າທາຍຕ່າງໆຂອງໂລກ.
ທ່ານສີຈິ້ນຜິງກ່າວວ່າ: ທ່ານຄອງຄອຍໃນການພົບປະກັບທ່ານປະທານາທິບໍດີໂອບາມາໃນຕົ້ນເດືອນມິຖຸນາໜ້ານີ້ ເພື່ອລົງເລິກແລກປ່ຽນຄວາມເຫັນຊຶ່ງກັນແລະກັນຢ່າງກວ້າງຂວາງກ່ຽວກັບບັນຫາຍຸດທະສາດສຳຄັນທີ່ສອງຝ່າຍມີຄວາມສົນໃຈຮ່ວມກັນ, ເພີ່ມຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈກັນ, ທ້ອນໂຮມຄວາມຮັບຮູ້ທີ່ເປັນເອກະສັນກັນແລະຊຸກຍູ້ການຮ່ວມມືກັນລະຫວ່າງສອງຝ່າຍ.ທ່ານສີຈີ້ນຜິງກ່າວວ່າ:
"ໃນປະຈຸບັນ,ການພົວພັນຈີນອາເມລິກາຢູ່ໃນໄລຍະສຳຄັນໃນປະຫວັດສາດທີ່ສືບທອດວຽກງານອັນເກົ່າແລະພັດທະນາວຽກງານໃໝ່. ຂ້າພະເຈົ້າຄອງຄອຍຈະພົບປະກັບທ່ານປະທານາທິບໍດີໂອບາມາຢູ່ລັດກາລີຟໍເນຍໃນເທື່ອໜ້າ. ສອງຝ່າຍຈະສາມາດລົງເລິກແລກປ່ຽນຄວາມເຫັນກ່ຽວກັບບັນຫາຍຸດທະສາດສຳຄັນທີ່ມີຄວາມສົນໃຈຮ່ວມກັນ, ເຊື່ອວ່າ ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ການພົບປະເທື່ອນີ້ຈະໄດ້ຮັບຜົນສຳເລັດທີ່ດີ, ເພື່ອເພີ່ມພະລັງແຮງໃໝ່ໃນການຊຸກຍູ້ການພົວພັນຈີນອາເມລິກາໃນໄລຍະຕໍ່ໜ້າ."
ທ່ານໂດນິລອນກ່າວວ່າ: ສອງປະເທດອາເມລິກາແລະຈີນມີຜົນປະໂຫຍດຮ່ວມຢ່າງຫຼວງຫຼາຍ, ການພົວພັນອາເມລິກາຈີນທີ່ມີຄວາມຕັ້ງໜ້າ,ມີລັກສະນະສ້າງສັນແລະຂະຫຍາຍຕົວໃນລະດັບສູງກວ່າເກົ່ານັ້ນແມ່ນມີຜົນດີຕໍ່ທັງສອງປະເທດແລະກໍ່ມີຜົນດີຕໍ່ເຂດອາຊີປາຊີຟິກກໍ່ຄືຕໍ່ທົ່ວໂລກ. ອາເມລິກາຈະເດັດດ່ຽວສຸມກຳລັງເຂົ້າໃນການເພີ່ມທະວີການແລກປ່ຽນແລະຮ່ວມມືກັນກັບຈີນ, ແກ້ໄຂຄວາມຂັດແຍ່ງກັນໃຫ້ເໝາະສົມ, ຮ່ວມກັນຮັບມືກັບສິ່ງທ້າທາຍຕ່າງໆຂອງໂລກ.
