ນາຍົກຈີນກ່າວປາຖະກະຖາໃນງານລ້ຽງອາຫານທ່ຽງສຳລັບວົງການອຸດສາຫະກຳການຄ້າຈີນ-ເຢຍລະມັນ
(GMT+08:00) 2013-05-28 12:51:03 cri
ວັນທີ 27 ພຶດສະພານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ກ່າວປາຖະກະຖາໃນງານລ້ຽງອາຫານທ່ຽງສຳລັບວົງການອຸດສາຫະກຳການຄ້າຈີນ-ເຢຍລະມັນຢູ່ນະຄອນຫຼວງແບກແລງຂອງເຢຍລະມັນ,ໂດຍໄດ້ແນະນຳໃຫ້ຮູ້ກ່ຽວກັບສະພາບເສດຖະກິດຈີນແລະນະໂຍບາຍເສດຖະກິດຂອງລັດຖະບານຈີນຊຸດໃໝ່, ແລະສະເໜີຈຸດຢືນອັນໃໝ່ໃນການລົງເລິກການຮ່ວມມືລະຫວ່າງຈີນກັບເຢຍລະມັນແລະລະຫວ່າງຈີນກັບສະຫະພາບເອີຣົບ.
ທ່ານຫຼີເຄີ້ສຽງຊີ້ອອກວ່າ: ຈີນຍິນດີທີ່ເຫັນເອີຣົບມີຄວາມສາມັກຄີແລະເຂັ້ມແຂງ,ແລະສະໜັບສະໜູນຂະບວນການເຊື່ອມໂຍງເຂົ້າກັນເປັນອັນໜຶ່ງອັນດຽວກັນຂອງເອີຣົບ. ປີນີ້ພໍດີຖືກັບຈີນແລະເອີຣົບສ້າງການພົວພັນຄູ່ຮ່ວມມືຍຸດທະສາດຮອບດ້ານຄົບຮອບ 10 ປີ, ຈີນຍິນດີຮ່ວມແຮງຮ່ວມໃຈກັບເອີຣົບ, ເພີ່ມຄວາມໄວ້ເນື້ອເຊື່ອໃຈກັນທາງຍຸດທະສາດ, ບຸກເບີກການຮ່ວມມີຕົວຈິງໃນຂົງເຂດຕ່າງໆ.
ທ່ານຫຼີເຄີ້ສຽງກ່າວເນັ້ນວ່າ: ກິດຈຳກຳ "ປີພາສາຈີນ-ເຢຍລະມັນ"ໄດ້ເລີ່ມຂຶ້ນໃນວັນທີ 26ພຶດສະພານີ້, ພາສາເປັນສື່ໃນການສື່ສານແລກປ່ຽນກັນລະຫວ່າງປະຊາຊົນແລະປະເທດທີ່ຕ່າງກັນ, ການຊຸກຍູ້ການແລກປ່ຽນດ້ານພາສາວັດທະນະທຳລະຫວ່າງສອງປະເທດແມ່ນໂຄງການເພີ່ມທະວີມິດຕະພາບຈີນເຢຍລະມັນໃຫ້ໝັ້ນຄົງ, ຊຶ່ງຈະສ້າງໃຫ້ສອງປະເທດຈີນເຢຍລະມັນມີຄົນຈີນທີ່ມີຄວາມຮູ້ໃນລະດັບສູງດ້ານພາສາແລະວັດທະນະທຳເຢຍລະມັນແລະຄົນເຢຍລະມັນທີ່ມີຄວາມຮູ້ໃນລະດັບສູງດ້ານພາສາແລະວັດທະນະທຳຈີນໃຫ້ຫຼາຍຂຶ້ນກວ່າເກົ່າ, ເຮັດໃຫ້ປະຊາຊົນສອງປະເທດທຳຄວາມເຂົ້າໃຈກັນໄດ້ດີກວ່າເກົ່າ.
ທ່ານຟີລິບ ໂລສເລີ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງເສດຖະກິດເຢຍລະມັນກ່າວວ່າ, ການພັດທະນາຢ່າງວ່ອງໄວຂອງຈີນໄດ້ຊຸກຍູ້ຢ່າງແຂງແຮງໃຫ້ເສດຖະກິດໂລກເຕີບໂຕແລະຊຸກຍູ້ການຮ່ວມມືລະຫວ່າງເຢຍລະມັນກັບຈີນໃຫ້ໄດ້ຮັບຜົນສຳເລັດທີ່ດີ. ເຢຍລະມັນແລະຈີນເປັນຄູ່ຮວມມືທີ່ແທ້ຈິງ,ສອງປະເທດລ້ວນແຕ່ມີຈຸດຢືນໃນການດຳເນີນການຄ້າເສລີແລະເປີດຕະຫຼາດສູ່ພາຍນອກ, ເຢຍລະມັນຍິນດີຮ່ວມກັບຈີນເປີດກວ້າງການຮ່ວມມືຕື່ມອີກ, ຮ່ວມກັນຕ້ານລັດທິປົກປ້ອງການຄ້າ ເພື່ອບັນລຸການພັດທະນາຮ່ວມກັນ.
ທ່ານຫຼີເຄີ້ສຽງຊີ້ອອກວ່າ: ຈີນຍິນດີທີ່ເຫັນເອີຣົບມີຄວາມສາມັກຄີແລະເຂັ້ມແຂງ,ແລະສະໜັບສະໜູນຂະບວນການເຊື່ອມໂຍງເຂົ້າກັນເປັນອັນໜຶ່ງອັນດຽວກັນຂອງເອີຣົບ. ປີນີ້ພໍດີຖືກັບຈີນແລະເອີຣົບສ້າງການພົວພັນຄູ່ຮ່ວມມືຍຸດທະສາດຮອບດ້ານຄົບຮອບ 10 ປີ, ຈີນຍິນດີຮ່ວມແຮງຮ່ວມໃຈກັບເອີຣົບ, ເພີ່ມຄວາມໄວ້ເນື້ອເຊື່ອໃຈກັນທາງຍຸດທະສາດ, ບຸກເບີກການຮ່ວມມີຕົວຈິງໃນຂົງເຂດຕ່າງໆ.
ທ່ານຫຼີເຄີ້ສຽງກ່າວເນັ້ນວ່າ: ກິດຈຳກຳ "ປີພາສາຈີນ-ເຢຍລະມັນ"ໄດ້ເລີ່ມຂຶ້ນໃນວັນທີ 26ພຶດສະພານີ້, ພາສາເປັນສື່ໃນການສື່ສານແລກປ່ຽນກັນລະຫວ່າງປະຊາຊົນແລະປະເທດທີ່ຕ່າງກັນ, ການຊຸກຍູ້ການແລກປ່ຽນດ້ານພາສາວັດທະນະທຳລະຫວ່າງສອງປະເທດແມ່ນໂຄງການເພີ່ມທະວີມິດຕະພາບຈີນເຢຍລະມັນໃຫ້ໝັ້ນຄົງ, ຊຶ່ງຈະສ້າງໃຫ້ສອງປະເທດຈີນເຢຍລະມັນມີຄົນຈີນທີ່ມີຄວາມຮູ້ໃນລະດັບສູງດ້ານພາສາແລະວັດທະນະທຳເຢຍລະມັນແລະຄົນເຢຍລະມັນທີ່ມີຄວາມຮູ້ໃນລະດັບສູງດ້ານພາສາແລະວັດທະນະທຳຈີນໃຫ້ຫຼາຍຂຶ້ນກວ່າເກົ່າ, ເຮັດໃຫ້ປະຊາຊົນສອງປະເທດທຳຄວາມເຂົ້າໃຈກັນໄດ້ດີກວ່າເກົ່າ.
ທ່ານຟີລິບ ໂລສເລີ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງເສດຖະກິດເຢຍລະມັນກ່າວວ່າ, ການພັດທະນາຢ່າງວ່ອງໄວຂອງຈີນໄດ້ຊຸກຍູ້ຢ່າງແຂງແຮງໃຫ້ເສດຖະກິດໂລກເຕີບໂຕແລະຊຸກຍູ້ການຮ່ວມມືລະຫວ່າງເຢຍລະມັນກັບຈີນໃຫ້ໄດ້ຮັບຜົນສຳເລັດທີ່ດີ. ເຢຍລະມັນແລະຈີນເປັນຄູ່ຮວມມືທີ່ແທ້ຈິງ,ສອງປະເທດລ້ວນແຕ່ມີຈຸດຢືນໃນການດຳເນີນການຄ້າເສລີແລະເປີດຕະຫຼາດສູ່ພາຍນອກ, ເຢຍລະມັນຍິນດີຮ່ວມກັບຈີນເປີດກວ້າງການຮ່ວມມືຕື່ມອີກ, ຮ່ວມກັນຕ້ານລັດທິປົກປ້ອງການຄ້າ ເພື່ອບັນລຸການພັດທະນາຮ່ວມກັນ.
