ຈີນປະຕິເສດບໍ່ຍອມຮັບການຍຶດຄອງຫີນແກ້ງເຢິນໄອ້ຢ່າງຜິດກົດໝາຍຂອງຟິລິບປິນ ບໍ່ວ່າຈະດ້ວຍຮູບການໃດໆກໍຕາມ
(GMT+08:00) 2013-05-30 20:26:07 cri
ຕາມຂ່າວ CRI: ໃນກອງປະຊຸມຂ່າວຕາມປົກກະຕິທີ່ຈັດຂຶ້ນຢູ່ປັກກິ່ງໃນວັນທີ 30 ພຶດສະພານີ້, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນກ່າວວ່າ, ລັດຖະບານຈີນມີ ຄວາມຕັດສິນໃຈແລະກຳລັງໃຈອັນເດັດດ່ຽວໜຽວແໜ້ນໃນການປົກປ້ອງອະທິປະໄຕເໜືອດິນແດນແຫ່ງຊາດ. ຈີນເດັດດ່ຽວບໍ່ຍອມຮັບການຍຶດຄອງຫີນແກ້ງເຢິນໄອ້ຢ່າງຜິດກົດ ໝາຍຂອງຟິລິບປິນບໍ່ວ່າຈະດ້ວຍຮູບການໃດໆກໍຕາມ.
ມີສື່ຕ່າງປະເທດລາຍງານວ່າ, ຫຼາຍມື້ມານີ້, ເຮືອປະມົງ, ກຳປັ່ນກວດການທາງທະເລແລະກຳປັ່ນຮົບຂອງກອງທັບເຮືອຈີນມີການເຄື່ອນໄຫວເລື່ອຍໆຢູ່ບໍລິເວນອ້ອມແອ້ມຫີນແກ້ງເຢິນໄອ້ ໝູ່ເກາະໜານຊ່າ, ການກະທຳນີ້ອາດຈະກາຍເປັນສາເຫດເຮັດໃຫ້ສະຖານະການເຂດທະເລຈີນໃຕ້ທີ່ເຄັ່ງຕຶງແລ້ວນັ້ນຮຸນແຮງຂຶ້ນຕື່ມ.
ຕໍ່ການລາຍງານຂ່າວດັ່ງກ່າວ, ທ່ານຫົງເຫຼີຍໃຫ້ຄຳຕອບວ່າ: "ປີ1999, ກຳປັ່ນຮົບລຳໜຶ່ງຂອງຟິລິບປິນໄດ້ລ່ວງລ້ຳເຂົ້າຫີນແກ້ງເຢິນໄອ້ໝູ່ເກາະໜານຊ່າຂອງຈີນຢ່າງຜິດກົດໝາຍດ້ວຍຂໍ້ອ້າງວ່າ ຄາຫາດ. ຈີນໄດ້ຕໍ່ວ່າທັກທ້ວງຢ່າງເຄັ່ງຂຶມຕໍ່ຟິລິບປິນມາຫຼາຍເທື່ອ, ຮຽກ ຮ້ອງໃຫ້ຟິ ລິບປິນແກ່ກຳປັ່ນລຳນີ້ອອກໄປ, ແຕ່ຟິລິບປິນກ່າວວ່າ ບໍ່ສາມາດແກ່ກຳປັ່ນລຳນີ້ໄປໄດ້ຍ້ອນວ່າຂາດເຄື່ອງອາໄລ່ຊີ້ນສ່ວນ, ແລະກ່າວວ່າ ບໍ່ມີເຈດຕະນາທີ່ຢາກກໍ່ສ້າງສິ່ງກໍ່ສ້າງໃດໆຢູ່ເທິງຫີນແກ້ງແຫ່ງນີ້, ກໍ່ບໍ່ມີທ່າອ່ຽງກໍ່ການທ້າທາຍເກາະຜິດ. ແຕ່ຟິລິບປິນພັດເມີນເສີຍຕໍ່ຄຳໝັ້ນສັນຍາຂອງຕົນ, ໂດຍມີເຈດຕະນາເພີ່ມທະວີການຄົງຕົວຢ່າງຜິດກົດ ໝາຍຢູ່ເທິງຫີນແກ້ງເຢິນໄອ້ແລະຢາກຍຶດຄອງຫີນແກ້ງແຫ່ງນີ້ຢ່າງຜິດກົດໝາຍ. ການກະທຳຄືແນວນີ້ໄດ້ເປັນການລ່ວງລ້ຳອະທິປະໄຕເໜືອດິນແດນຂອງຈີນຢ່າງໜັກໜ່ວງ, ແລະລະເມີດ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້". "
ທ່ານຫົງເຫຼີຍກ່າວວ່າ, ລັດຖະບານຈີນສົ່ງກຳປັ່ນກວດການທາງທະເລຂອງຈີນໄປລາດຕະເວນຕາມປົກກະຕິຢູ່ເຂດທະເລແຫ່ງນີ້ແມ່ນບໍ່ສາມາດໂຕ້ຖຽງກັນໄດ້, ຈີນເຕືອນໃຫ້ຟິລິບປິນປະຕິບັດຕາມຄຳໝັ້ນສັນຍາຂອງຕົນຢ່າງແທ້ຈິງ, ບໍ່ໃຊ້ການກະທຳທີ່ເປັນການທ້າທາຍເກາະຜິດທີ່ອາດຈະເຮັດໃຫ້ສະຖານະການສັບສົນເຂົ້າ, ທຳຄວາມພະຍາຍາມເທົ່າທີ່ຄວນເພື່ອປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້.
ມີສື່ຕ່າງປະເທດລາຍງານວ່າ, ຫຼາຍມື້ມານີ້, ເຮືອປະມົງ, ກຳປັ່ນກວດການທາງທະເລແລະກຳປັ່ນຮົບຂອງກອງທັບເຮືອຈີນມີການເຄື່ອນໄຫວເລື່ອຍໆຢູ່ບໍລິເວນອ້ອມແອ້ມຫີນແກ້ງເຢິນໄອ້ ໝູ່ເກາະໜານຊ່າ, ການກະທຳນີ້ອາດຈະກາຍເປັນສາເຫດເຮັດໃຫ້ສະຖານະການເຂດທະເລຈີນໃຕ້ທີ່ເຄັ່ງຕຶງແລ້ວນັ້ນຮຸນແຮງຂຶ້ນຕື່ມ.
ຕໍ່ການລາຍງານຂ່າວດັ່ງກ່າວ, ທ່ານຫົງເຫຼີຍໃຫ້ຄຳຕອບວ່າ: "ປີ1999, ກຳປັ່ນຮົບລຳໜຶ່ງຂອງຟິລິບປິນໄດ້ລ່ວງລ້ຳເຂົ້າຫີນແກ້ງເຢິນໄອ້ໝູ່ເກາະໜານຊ່າຂອງຈີນຢ່າງຜິດກົດໝາຍດ້ວຍຂໍ້ອ້າງວ່າ ຄາຫາດ. ຈີນໄດ້ຕໍ່ວ່າທັກທ້ວງຢ່າງເຄັ່ງຂຶມຕໍ່ຟິລິບປິນມາຫຼາຍເທື່ອ, ຮຽກ ຮ້ອງໃຫ້ຟິ ລິບປິນແກ່ກຳປັ່ນລຳນີ້ອອກໄປ, ແຕ່ຟິລິບປິນກ່າວວ່າ ບໍ່ສາມາດແກ່ກຳປັ່ນລຳນີ້ໄປໄດ້ຍ້ອນວ່າຂາດເຄື່ອງອາໄລ່ຊີ້ນສ່ວນ, ແລະກ່າວວ່າ ບໍ່ມີເຈດຕະນາທີ່ຢາກກໍ່ສ້າງສິ່ງກໍ່ສ້າງໃດໆຢູ່ເທິງຫີນແກ້ງແຫ່ງນີ້, ກໍ່ບໍ່ມີທ່າອ່ຽງກໍ່ການທ້າທາຍເກາະຜິດ. ແຕ່ຟິລິບປິນພັດເມີນເສີຍຕໍ່ຄຳໝັ້ນສັນຍາຂອງຕົນ, ໂດຍມີເຈດຕະນາເພີ່ມທະວີການຄົງຕົວຢ່າງຜິດກົດ ໝາຍຢູ່ເທິງຫີນແກ້ງເຢິນໄອ້ແລະຢາກຍຶດຄອງຫີນແກ້ງແຫ່ງນີ້ຢ່າງຜິດກົດໝາຍ. ການກະທຳຄືແນວນີ້ໄດ້ເປັນການລ່ວງລ້ຳອະທິປະໄຕເໜືອດິນແດນຂອງຈີນຢ່າງໜັກໜ່ວງ, ແລະລະເມີດ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້". "
ທ່ານຫົງເຫຼີຍກ່າວວ່າ, ລັດຖະບານຈີນສົ່ງກຳປັ່ນກວດການທາງທະເລຂອງຈີນໄປລາດຕະເວນຕາມປົກກະຕິຢູ່ເຂດທະເລແຫ່ງນີ້ແມ່ນບໍ່ສາມາດໂຕ້ຖຽງກັນໄດ້, ຈີນເຕືອນໃຫ້ຟິລິບປິນປະຕິບັດຕາມຄຳໝັ້ນສັນຍາຂອງຕົນຢ່າງແທ້ຈິງ, ບໍ່ໃຊ້ການກະທຳທີ່ເປັນການທ້າທາຍເກາະຜິດທີ່ອາດຈະເຮັດໃຫ້ສະຖານະການສັບສົນເຂົ້າ, ທຳຄວາມພະຍາຍາມເທົ່າທີ່ຄວນເພື່ອປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້.
