ທ່ານສີຈິ້ນຜິງເດີນທາງໄປຮອດລັດກາລີຟໍເນຍຂອງອາເມລິກາ ວົງການຕ່າງໆຂອງອາເມລິກາມີຄວາມປາຖະໜາອັນແຮງກ້າຕໍ່ການພົບປະລະຫວ່າງທ່ານສີຈິ້ນຜິງກັບທ່ານບາຣັກ ໂອບາມາ
(GMT+08:00) 2013-06-07 15:09:50 cri
ຕາມຂ່າວCRI: ພາຍຫຼັງສິ້ນສຸດການຢ້ຽມຢາມ 3 ປະເທດອາເມລິກາລາຕິນແລ້ວ, ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປຮອດລັດກາລີຟໍເນຍຂອງອາເມລິກາໃນຕອນບ່າຍວັນທີ 6 ມິຖຸນານີ້ຕາມເວລາທ້ອງຖິ່ນ, ແລະຈະເຂົ້າພົບປະເຈລະຈາກັບທ່ານບາຣັກ ໂອບາມາ ປະທານາທິບໍດີອາເມລິກາຢູ່ສວນນິຄົມອັນເນນເບີກ ຫຼືເອີ້ນອີກຢ່າງໜຶ່ງວ່າ "ແຄມພ໌ເດວິດຕາເວັນຕົກ".
ຄຽງຄູ່ກັບການພົບປະລະຫວ່າງປະມຸກລັດທັງສອງປະເທດຈີນ-ອາເມລິກາໃກ້ຈະມາເຖິງ, ສື່ມວນຊົນຂອງອາເມລິກາກໍ່ນັບມື້ນັບເອົາໃຈໃສ່ໃນລະດັບສູງຕໍ່ການພົບປະສຸດຍອດຄັ້ງນີ້, ຫວ່າງມໍ່ໆມານີ້, ສື່ສຳຄັນຂອງອາເມລິກາຫຼາຍແຫ່ງໄດ້ພິມບົດວິຈານຂອງບຸກຄົນທີ່ມີຊື່ສຽງບາງທ່ານ, ທ່ານລານ ເບຼັມເມີ ຜູ້ອຳນວຍການໃຫຍ່ຂອງກຸ່ມບໍລິສັດອາຊີເອີລົບ ແລະທ່ານຈອນ ຣຸນສມານ ອະດີດເອກອັກຄະລັດຖະທູດອາເມລິກາປະຈຳຈີນໄດ້ລົງນາມຮ່ວມແລະພິມບົດຄວາມລົງໜັງສືພິມນິວຢອກທ້າມສ໌ຂອງອາເມລິກາ ໂດຍຮຽກຮ້ອງໃຫ້ຮັບຮອງຈີນໃນສະພາບທີ່ແທ້ຈິງ. ທ່ານເຮັນຣີ ໂພນຊັນ, ອະດີດລັດຖະມົນຕີວ່າການກະຊວງການເງິນອາເມລິກາໄດ້ພິມບົດຄວາມລົງໜັງສືພິມເດີວອນສະຕຸຣດລາຍວັນໂດຍຂຽນວ່າ, ການພົບປະຄັ້ງນີ້ແມ່ນຂ່າວດີທີ່ສຳຄັນສຳລັບຈີນແລະອາເມລິກາ. ທ່ານກ່າວເນັ້ນວ່າ, ການພັດທະນາເສດຖະກິດຂອງສອງປະເທດຈີນ-ອາເມລິກາມີຄວາມເພິ່ງພາອາໄສກັນໃນລະດັບສູງແລະມີຜົນສະທ້ອນໂດຍກົງຕໍ່ຊີວິດປະຈຳວັນຂອງປະຊາຊົນສອງຊາດ. ເຖິງວ່າສະພາບຕົວຈິງຂອງສອງປະເທດແມ່ນແຕກຕ່າງກັນ, ແລະມີຄວາມຂັດແຍ່ງກັນບໍ່ໜ້ອຍໃນຂົງເຂດເສດຖະກິດການຄ້າ, ແຕ່ຖ້າອາເມລິກາແລະຈີນຫາກສາມາດອອກແບບແລະເລືອກເສັ້ນທາງການພັດທະນາແບບຍືນຍົງຂອງຕົນແລະຕ່າງຊ່ອຍຊູຍູ້ໜູນກັນ, ການພັດທະນາເສດຖະກິດຂອງສອງປະເທດກໍ່ຈະມີຄວາມຮັບປະກັນ.
ທີ່ຈິງແລ້ວ, ທັງຜູ້ຊ່ຽວຊານດ້ານການພົວພັນລະຫວ່າງຈີນ-ອາເມລິກາ, ຫືຼວ່າທັງສື່ມວນຊົນ, ລ້ວນແຕ່ມີຄວາມຮັບຮູ້ທີ່ແຈ່ມແຈ້ງທີ່ສຸດຕໍ່ການພົວພັນລະຫວ່າງຈີນ-ອາເມລິກາ, ພ້ອມທັງມີຄວາມປາຖະໜາຢ່າງແຮງກ້າຢາກໃຫ້ການພົວພັນສອງຝ່າຍສາມາດຂະຫຍາຍກ້າວໄປໜ້າຕື່ມອີກ. ຫວ່າງກ່ອນນີ້ບໍ່ດົນ, ທຳນຽບຂາວອາເມລິກາໄດ້ຈັດກອງປະຊຸມຖະແຫຼງຂ່າວຜ່ານທາງໂທລະສັບເທື່ອໜຶ່ງ, ກ່າວຢ່າງຈະແຈ້ງວ່າຫວັງໃຫ້ການພົບປະສຸດຍອດຄັ້ງນີ້ສາມາດບັນລຸ 4 ເປົ້າໝາຍ, ເຊິ່ງລວມທັງເພີ່ມທະວີຄວາມເຂົ້າໃຈກັນລະຫວ່າງຜູ້ນຳສູງສຸດຂອງສອງປະເທດຈີນ-ອາເມລິກາ, ບັນລະຍາຍຄວາມສົນໃຈຂອງປະເທດຕົນເຊິ່ງກັນແລະກັນ, ເປີດກວ້າງຂົງເຂດການຮ່ວມມື, ຊອກຄົ້ນຫາຮູບແບບການແລກປ່ຽນລະຫວ່າງສອງຝ່າຍໃນອະນາຄົດ. ທຳນຽບຂາວເນັ້ນໜັກວ່າການພົວພັນລະຫວ່າງຈີນ-ອາເມລິກາຈະມີຜົນສະທ້ອນຕໍ່ສະຕະວັດທີ 21.
ຄຽງຄູ່ກັບການພົບປະລະຫວ່າງປະມຸກລັດທັງສອງປະເທດຈີນ-ອາເມລິກາໃກ້ຈະມາເຖິງ, ສື່ມວນຊົນຂອງອາເມລິກາກໍ່ນັບມື້ນັບເອົາໃຈໃສ່ໃນລະດັບສູງຕໍ່ການພົບປະສຸດຍອດຄັ້ງນີ້, ຫວ່າງມໍ່ໆມານີ້, ສື່ສຳຄັນຂອງອາເມລິກາຫຼາຍແຫ່ງໄດ້ພິມບົດວິຈານຂອງບຸກຄົນທີ່ມີຊື່ສຽງບາງທ່ານ, ທ່ານລານ ເບຼັມເມີ ຜູ້ອຳນວຍການໃຫຍ່ຂອງກຸ່ມບໍລິສັດອາຊີເອີລົບ ແລະທ່ານຈອນ ຣຸນສມານ ອະດີດເອກອັກຄະລັດຖະທູດອາເມລິກາປະຈຳຈີນໄດ້ລົງນາມຮ່ວມແລະພິມບົດຄວາມລົງໜັງສືພິມນິວຢອກທ້າມສ໌ຂອງອາເມລິກາ ໂດຍຮຽກຮ້ອງໃຫ້ຮັບຮອງຈີນໃນສະພາບທີ່ແທ້ຈິງ. ທ່ານເຮັນຣີ ໂພນຊັນ, ອະດີດລັດຖະມົນຕີວ່າການກະຊວງການເງິນອາເມລິກາໄດ້ພິມບົດຄວາມລົງໜັງສືພິມເດີວອນສະຕຸຣດລາຍວັນໂດຍຂຽນວ່າ, ການພົບປະຄັ້ງນີ້ແມ່ນຂ່າວດີທີ່ສຳຄັນສຳລັບຈີນແລະອາເມລິກາ. ທ່ານກ່າວເນັ້ນວ່າ, ການພັດທະນາເສດຖະກິດຂອງສອງປະເທດຈີນ-ອາເມລິກາມີຄວາມເພິ່ງພາອາໄສກັນໃນລະດັບສູງແລະມີຜົນສະທ້ອນໂດຍກົງຕໍ່ຊີວິດປະຈຳວັນຂອງປະຊາຊົນສອງຊາດ. ເຖິງວ່າສະພາບຕົວຈິງຂອງສອງປະເທດແມ່ນແຕກຕ່າງກັນ, ແລະມີຄວາມຂັດແຍ່ງກັນບໍ່ໜ້ອຍໃນຂົງເຂດເສດຖະກິດການຄ້າ, ແຕ່ຖ້າອາເມລິກາແລະຈີນຫາກສາມາດອອກແບບແລະເລືອກເສັ້ນທາງການພັດທະນາແບບຍືນຍົງຂອງຕົນແລະຕ່າງຊ່ອຍຊູຍູ້ໜູນກັນ, ການພັດທະນາເສດຖະກິດຂອງສອງປະເທດກໍ່ຈະມີຄວາມຮັບປະກັນ.
ທີ່ຈິງແລ້ວ, ທັງຜູ້ຊ່ຽວຊານດ້ານການພົວພັນລະຫວ່າງຈີນ-ອາເມລິກາ, ຫືຼວ່າທັງສື່ມວນຊົນ, ລ້ວນແຕ່ມີຄວາມຮັບຮູ້ທີ່ແຈ່ມແຈ້ງທີ່ສຸດຕໍ່ການພົວພັນລະຫວ່າງຈີນ-ອາເມລິກາ, ພ້ອມທັງມີຄວາມປາຖະໜາຢ່າງແຮງກ້າຢາກໃຫ້ການພົວພັນສອງຝ່າຍສາມາດຂະຫຍາຍກ້າວໄປໜ້າຕື່ມອີກ. ຫວ່າງກ່ອນນີ້ບໍ່ດົນ, ທຳນຽບຂາວອາເມລິກາໄດ້ຈັດກອງປະຊຸມຖະແຫຼງຂ່າວຜ່ານທາງໂທລະສັບເທື່ອໜຶ່ງ, ກ່າວຢ່າງຈະແຈ້ງວ່າຫວັງໃຫ້ການພົບປະສຸດຍອດຄັ້ງນີ້ສາມາດບັນລຸ 4 ເປົ້າໝາຍ, ເຊິ່ງລວມທັງເພີ່ມທະວີຄວາມເຂົ້າໃຈກັນລະຫວ່າງຜູ້ນຳສູງສຸດຂອງສອງປະເທດຈີນ-ອາເມລິກາ, ບັນລະຍາຍຄວາມສົນໃຈຂອງປະເທດຕົນເຊິ່ງກັນແລະກັນ, ເປີດກວ້າງຂົງເຂດການຮ່ວມມື, ຊອກຄົ້ນຫາຮູບແບບການແລກປ່ຽນລະຫວ່າງສອງຝ່າຍໃນອະນາຄົດ. ທຳນຽບຂາວເນັ້ນໜັກວ່າການພົວພັນລະຫວ່າງຈີນ-ອາເມລິກາຈະມີຜົນສະທ້ອນຕໍ່ສະຕະວັດທີ 21.
