ທ່ານຫຼີເຄີ້ສຽງເຂົ້າຢ້ຽມຂ່ຳນັບປະທານປະເທດຫວຽດນາມ
(GMT+08:00) 2013-06-21 11:39:35 cri
ຕາມຂ່າວCRI:, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ເຂົ້າຢ້ຽມຂ່ຳນັບທ່ານເຈື່ອງເຕິນຊ່າງ, ປະທານປະເທດຫວຽດນາມຢູ່ນະຄອນຫຼວງປັກກິ່ງໃນວັນທີ 20 ມິຖຸນານີ້ ໂດຍຊີ້ອອກວ່າ, ການແກ້ໄຂບັນຫາທະເລຈີນໃຕ້ໃຫ້ດີມີຄວາມສຳຄັນທີ່ສຸດຕໍ່ການປົກປັກຮັກສາການພົວພັນລະຫວ່າງຈີນ-ຫວຽດນາມກໍ່ຄືສັນຕິພາບແລະສະຖຽນລະພາບຂອງພາກພື້ນ, ຈີນແລະຫວຽດນາມສາມາດປຶກສາຫາລືກັນກ່ຽວກັບຈຸດຮ່ວມກັນແລະຈຸດທີ່ມີຄວາມເຫັນແຕກຕ່າງກັນ, ຫຼີກເວັ້ນບໍ່ໃຊ້ການກະທຳແຕ່ຝ່າຍດຽວທີ່ເຮັດໃຫ້ບັນຫາທະເລຈີນໃຕ້ຮຸນແຮງຂຶ້ນແລະຫັນເປັນແບບສາກົນ.
ທ່ານຫຼີເຄີ້ສຽງກ່າວວ່າ, ຈີນ-ຫວຽດນາມເປັນປະເທດໃກ້ຄຽງແລະຄູ່ຮ່ວມມື, ການພົວພັນລະຫວ່າງສອງປະເທດມີຄວາມສຳຄັນຫຼາຍບໍ່ວ່າເບິ່ງຈາກດ້ານປະຫວັດສາດ, ພູມສາດແລະສະພາບຕົວຈິງ. ເສດຖະກິດຂອງສອງປະເທດມີຄວາມຊ່ອຍຊູຍູ້ໜູນກັນທີ່ດີ, ມີຊ່ອງທາງການຮ່ວມມືທີ່ແທ້ຈິງຢ່າງກວ້າງຂວາງ. ສອງຝ່າຍຄວນເພີ່ມທະວີຄວາມໄວ້ເນື້ອເຊື່ອໃຈກັນທາງການເມືອງ, ເປີດກວ້າງການຮ່ວມມືໃນຂົງເຂດທີ່ສຳຄັນຕ່າງໆເຊັ່ນ: ຂົງເຂດການຄ້າ, ຂົງເຂດພື້ນຖານໂຄງລ່າງແລະອື່ນໆ. ທ່ານຫຼີເຄີ້ສຽງຊີ້ອອກວ່າ, ສອງຝ່າຍຄວນສະແຫວງຫາຄວາມຮັບຮູ້ທີ່ເປັນເອກະສັນກັນຫຼາຍສຸດໂດຍຜ່ານການສົນທະນາແລະປຶກສາຫາລືກັນ, ຄຸ້ມຄອງແລະແກ້ໄຂຄວາມຂັດແຍ່ງກັນຢ່າງເໝາະສົມ. ຄວາມຂັດແຍ່ງກັນໜ້ອຍລົງແລ້ວ, ປັດໄຈອັນຕັ້ງໜ້າກໍ່ຈະເພີ່ມຂຶ້ນ, ຜົນປະໂຫຍດຮ່ວມກໍ່ຈະເປີດກວ້າງອອກ. ຈີນຍິນດີຮ່ວມກັບຫວຽດນາມທຳຄວາມພະຍາຍາມ, ເລັ່ງລັດຊຸກຍູ້ການບຸກເບີກຮ່ວມກັນຢູ່ເທິງທະເລ, ເພື່ອສ້າງເງື່ອນໄຂໃຫ້ແກ່ການແກ້ໄຂບັນຫາທະເລຈີນໃຕ້ຢ່າງເໝາະສົມ.
ທ່ານເຈືອງເຕິນຊ່າງໄດ້ສະແດງຄວາມຂອບໃຈຕໍ່ຈີນທີ່ໄດ້ໃຫ້ການຊ່ວຍເຫຼືອແລະການສະໜັບສະໜູນແກ່ຫວຽດນາມໃນໄລຍະຍາວນານມານີ້, ທ່ານກ່າວວ່າການພົວພັນລະຫວ່າງຫວຽດນາມ-ຈີນຢູ່ໃນຖານະທີ່ສຳຄັນໃນວຽກງານການຕ່າງປະເທດຂອງຫວຽດນາມມາໂດຍຕະຫຼອດ, ຫວຽດນາມຍິນດີບົນພື້ນຖານທີ່ມີຈິດໃຈທີ່ເປັນສະຫາຍແລະອ້າຍນ້ອງກັນ, ເພີ່ມທະວີຄວາມໄວ້ເນື້ອເຊື່ອໃຈກັນທາງການເມືອງ, ບົນຈິດໃຈທີ່ຕ່າງຝ່າຍຕ່າງມີຜົນປະໂຫຍດ, ເປີດກວ້າງການຮ່ວມມືທາງດ້ານເສດຖະກິດການຄ້າ, ຄຸ້ມຄອງແລະແກ້ໄຂບັນຫາເທິງທະເລໂດຍຜ່ານການປຶກສາຫາລືຢ່າງມີໄມຕີຈິດມິດຕະພາບ, ຊຸກຍູ້ການຮ່ວມມືເທິງທະເລແບບຄ່ອຍເປັນຄ່ອຍໄປ, ຫຼຸດຜ່ອນຄວາມຂັດແຍ່ງກັນ, ເປີດກວ້າງຜົນປະໂຫຍດຮ່ວມ, ຊຸກຍູ້ການພັດທະນາຮ່ວມກັນ.
ທ່ານຫຼີເຄີ້ສຽງກ່າວວ່າ, ຈີນ-ຫວຽດນາມເປັນປະເທດໃກ້ຄຽງແລະຄູ່ຮ່ວມມື, ການພົວພັນລະຫວ່າງສອງປະເທດມີຄວາມສຳຄັນຫຼາຍບໍ່ວ່າເບິ່ງຈາກດ້ານປະຫວັດສາດ, ພູມສາດແລະສະພາບຕົວຈິງ. ເສດຖະກິດຂອງສອງປະເທດມີຄວາມຊ່ອຍຊູຍູ້ໜູນກັນທີ່ດີ, ມີຊ່ອງທາງການຮ່ວມມືທີ່ແທ້ຈິງຢ່າງກວ້າງຂວາງ. ສອງຝ່າຍຄວນເພີ່ມທະວີຄວາມໄວ້ເນື້ອເຊື່ອໃຈກັນທາງການເມືອງ, ເປີດກວ້າງການຮ່ວມມືໃນຂົງເຂດທີ່ສຳຄັນຕ່າງໆເຊັ່ນ: ຂົງເຂດການຄ້າ, ຂົງເຂດພື້ນຖານໂຄງລ່າງແລະອື່ນໆ. ທ່ານຫຼີເຄີ້ສຽງຊີ້ອອກວ່າ, ສອງຝ່າຍຄວນສະແຫວງຫາຄວາມຮັບຮູ້ທີ່ເປັນເອກະສັນກັນຫຼາຍສຸດໂດຍຜ່ານການສົນທະນາແລະປຶກສາຫາລືກັນ, ຄຸ້ມຄອງແລະແກ້ໄຂຄວາມຂັດແຍ່ງກັນຢ່າງເໝາະສົມ. ຄວາມຂັດແຍ່ງກັນໜ້ອຍລົງແລ້ວ, ປັດໄຈອັນຕັ້ງໜ້າກໍ່ຈະເພີ່ມຂຶ້ນ, ຜົນປະໂຫຍດຮ່ວມກໍ່ຈະເປີດກວ້າງອອກ. ຈີນຍິນດີຮ່ວມກັບຫວຽດນາມທຳຄວາມພະຍາຍາມ, ເລັ່ງລັດຊຸກຍູ້ການບຸກເບີກຮ່ວມກັນຢູ່ເທິງທະເລ, ເພື່ອສ້າງເງື່ອນໄຂໃຫ້ແກ່ການແກ້ໄຂບັນຫາທະເລຈີນໃຕ້ຢ່າງເໝາະສົມ.
ທ່ານເຈືອງເຕິນຊ່າງໄດ້ສະແດງຄວາມຂອບໃຈຕໍ່ຈີນທີ່ໄດ້ໃຫ້ການຊ່ວຍເຫຼືອແລະການສະໜັບສະໜູນແກ່ຫວຽດນາມໃນໄລຍະຍາວນານມານີ້, ທ່ານກ່າວວ່າການພົວພັນລະຫວ່າງຫວຽດນາມ-ຈີນຢູ່ໃນຖານະທີ່ສຳຄັນໃນວຽກງານການຕ່າງປະເທດຂອງຫວຽດນາມມາໂດຍຕະຫຼອດ, ຫວຽດນາມຍິນດີບົນພື້ນຖານທີ່ມີຈິດໃຈທີ່ເປັນສະຫາຍແລະອ້າຍນ້ອງກັນ, ເພີ່ມທະວີຄວາມໄວ້ເນື້ອເຊື່ອໃຈກັນທາງການເມືອງ, ບົນຈິດໃຈທີ່ຕ່າງຝ່າຍຕ່າງມີຜົນປະໂຫຍດ, ເປີດກວ້າງການຮ່ວມມືທາງດ້ານເສດຖະກິດການຄ້າ, ຄຸ້ມຄອງແລະແກ້ໄຂບັນຫາເທິງທະເລໂດຍຜ່ານການປຶກສາຫາລືຢ່າງມີໄມຕີຈິດມິດຕະພາບ, ຊຸກຍູ້ການຮ່ວມມືເທິງທະເລແບບຄ່ອຍເປັນຄ່ອຍໄປ, ຫຼຸດຜ່ອນຄວາມຂັດແຍ່ງກັນ, ເປີດກວ້າງຜົນປະໂຫຍດຮ່ວມ, ຊຸກຍູ້ການພັດທະນາຮ່ວມກັນ.
