ທ່ານບັນກີມູນສະແດງຄວາມຕື່ນຕົກໃຈຕໍ່ເຫດການໂຈມຕີນັກທ່ອງທ່ຽວຕ່າງປະເທດເສຍຊີວິດຢູ່ປາກີສະຖານ
(GMT+08:00) 2013-06-24 15:45:00 cri
ຕອນຄ່ຳວັນທີ 23 ມິຖຸນານີ້, ທ່ານບັນກີມູນ, ເລຂາທິການໃຫຍ່ສະຫະປະຊາຊາດໄດ້ຜ່ານໂຄສົກຂອງທ່ານອອກຖະແຫຼງການ ໂດຍກ່າວວ່າ, ທ່ານສະແດງຄວາມຕື່ນຕົກໃຈຕໍ່ນັກທ່ອງທ່ຽວຕ່າງປະເທດຖືກໂຈມຕີ ແລະເສຍຊີວິດຢູ່ເຂດກີວກິດ ທາງພາກເໜືອຂອງປາກີສະຖານ, ພ້ອມທັງຮຽກຮ້ອງໃຫ້ລັດຖະບານປາກີສະຖານຈົ່ງໃຊ້ມາດຕະການໃນທັນທີເພື່ອລົງໂທດຜູ້ກະທຳຜິດຕາມກົດໝາຍ.
ຖະແຫຼງການຂຽນວ່າ, ທ່ານບັນກີມູນສະແດງຄວາມໄວ້ອາໄວດ້ວຍຄວາມເສົ້າສະຫຼົດໃຈຕໍ່ຜູ້ປະສົບເຄາະຮ້າຍ, ແລະສະແດງຄວາມຢື້ຢາມຖາມຂ່າວມາຍັງຄອບຄົວຂອງຜູ້ທີ່ເສຍຊີວິດ.
ຖະແຫຼງການຍັງຂຽນວ່າ, ຫວ່າງມໍ່ໆນີ້, ຢູ່ປາກີສະຖານໄດ້ເກີດເຫດໂຈມຕີແລະເຫດລະເບີດກໍ່ການຮ້າຍເລື້ອຍໆ, ພຽງແຕ່ໃນບໍ່ເທົ່າໃດອາທິດທີ່ຜ່ານມານີ້ກໍ່ໄດ້ເຮັດໃຫ້ປະຊາຊົນຫຼາຍສິບຄົນເສຍຊີວິດ, ທ່ານບັນກີມູນໄດ້ສະແດງຄວາມຫ່ວງໄຍທີ່ສຸດ. ໃນຂະນະດຽວກັນທີ່ວ່າສະຫະປະຊາຊາດສະໜັບສະໜູນລັດຖະບານປາກີສະຖານໂຈມຕີລັດທິກໍ່ການຮ້າຍແລະລັດທິຫົວຮຸນແຮງ, ທ່ານບັນກີມູນກໍ່ໄດ້ຮຽກຮ້ອງໃຫ້ລັດຖະບານປາກີສະຖານຈົ່ງໃຊ້ມາດຕະການໃນທັນທີເພື່ອລົງໂທດຜູ້ກະທຳຜິດຕາມກົດໝາຍ, ເພື່ອຮັບປະກັນຄວາມປອດໄພພາຍໃນປະເທດ.
ຖະແຫຼງການຂຽນວ່າ, ທ່ານບັນກີມູນສະແດງຄວາມໄວ້ອາໄວດ້ວຍຄວາມເສົ້າສະຫຼົດໃຈຕໍ່ຜູ້ປະສົບເຄາະຮ້າຍ, ແລະສະແດງຄວາມຢື້ຢາມຖາມຂ່າວມາຍັງຄອບຄົວຂອງຜູ້ທີ່ເສຍຊີວິດ.
ຖະແຫຼງການຍັງຂຽນວ່າ, ຫວ່າງມໍ່ໆນີ້, ຢູ່ປາກີສະຖານໄດ້ເກີດເຫດໂຈມຕີແລະເຫດລະເບີດກໍ່ການຮ້າຍເລື້ອຍໆ, ພຽງແຕ່ໃນບໍ່ເທົ່າໃດອາທິດທີ່ຜ່ານມານີ້ກໍ່ໄດ້ເຮັດໃຫ້ປະຊາຊົນຫຼາຍສິບຄົນເສຍຊີວິດ, ທ່ານບັນກີມູນໄດ້ສະແດງຄວາມຫ່ວງໄຍທີ່ສຸດ. ໃນຂະນະດຽວກັນທີ່ວ່າສະຫະປະຊາຊາດສະໜັບສະໜູນລັດຖະບານປາກີສະຖານໂຈມຕີລັດທິກໍ່ການຮ້າຍແລະລັດທິຫົວຮຸນແຮງ, ທ່ານບັນກີມູນກໍ່ໄດ້ຮຽກຮ້ອງໃຫ້ລັດຖະບານປາກີສະຖານຈົ່ງໃຊ້ມາດຕະການໃນທັນທີເພື່ອລົງໂທດຜູ້ກະທຳຜິດຕາມກົດໝາຍ, ເພື່ອຮັບປະກັນຄວາມປອດໄພພາຍໃນປະເທດ.
