ຈີນຍຶດໝັ້ນໃນການປຶກສາຫາລືກັນຢ່າງມີໄມຕີຈິດມິດຕະພາບເພື່ອແກ້ໄຂຄວາມຂັດແຍ່ງກັນລະຫວ່າງຈີນກັບບາງປະເທດອາຊຽນຢ່າງເໝາະສົມ
(GMT+08:00) 2013-06-26 11:37:52 cri
ກ່ອນຈະອອກເດີນທາງໄປບຼູໄນເພື່ອເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊີຕາເວັນອອກ, ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນກ່າວໃນວັນທີ 25 ມິຖຸນານີ້ຢູ່ທີ່ນະຄອນຫຼວງປັກກິ່ງວ່າ, ຈີນຖືການພົວພັນກັບອາຊຽນເປັນບູລິມະສິດໃນວຽກງານການຕ່າງປະເທດກັບປະເທດອ້ອມຂ້າງ, ຈີນຈະໃຊ້ມາດຕະການຢ່າງມີປະສິດທິຜົນເພື່ອລົງເລິກການພົວພັນຄູ່ຮ່ວມມືຍຸດທະສາດລະຫວ່າງຈີນກັບອາຊຽນຢ່າງບໍ່ຢຸດຢັ້ງ, ແລະຍຶດໝັ້ນໃນການປຶກສາຫາລືກັນຢ່າງມີໄມຕີຈິດມິດຕະພາບເພື່ອແກ້ໄຂຄວາມຂັດແຍ່ງຊຶ່ງເປັນເລື່ອງລະອຽດອ່ອນລະຫວ່າງຈີນກັບບາງປະເທດອາຊຽນ.
ຕອນທ່ຽງວັນທີ 25 ມິຖຸນານີ້, ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນແລະເອກອັກຄະລັດຖະທູດຂອງ10ປະເທດອາຊຽນປະຈຳຈີນໄດ້ເດີນທາງໄປເຖິງສູນຈີນ-ອາຊຽນເພື່ອຊົມການວາງສະແດງຮູບພາບຫວນຄືນການພົວພັນລະຫວ່າງຈີນກັບອາຊຽນທີ່ຈັດຂຶ້ນຢູ່ສູນດັ່ງກ່າວ.ເມື່ອສະຫຼຸບເຖິງສາເຫດທີ່ການພົວພັນຈີນອາຊຽນໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ,ທ່ານຫວາງອີ້ກ່າວວ່າ:
"ຈີນແລະອາຊຽນມີການພົວພັນທີ່ດີຄືແນວນີ້ແມ່ນຍ້ອນວ່າບັນດາປະເທດອາຊຽນລ້ວນແຕ່ແມ່ນປະເທດໃກ້ຄຽງຂອງຈີນ, ຈີນຖືປະເທດອາຊຽນເປັນເພື່ອນມິດທີ່ດີ, ຄູ່ຮ່ວມມືທີ່ດີແລະບ້ານໃກ້ເຮືອນຄຽງທີ່ດີ.ການພົວພັນລະຫວ່າງສອງຝ່າຍພວກເຮົາຢູ່ໃນລະດັບດີນີ້ມີສາເຫດຍ້ອນວ່າບັນດາປະເທດອາຊຽນລ້ວນແຕ່ແມ່ນປະເທດທີ່ພວມພັດທະນາ, ຈີນຖືປະເທດທີ່ພວມພັດທະນາເປັນພື້ນຖານແຫ່ງນະໂຍບາຍການຕ່າງປະເທດຂອງຈີນຢ່າງສະເໝີຕົ້ນສະເໝີປາຍ,ແລະປົກປັກຮັກສາຜົນປະໂຫຍດຂອງປະເທດທີ່ພວມພັດທະນາຢ່າງສະເໝີຕົ້ນສະເໝີປາຍ.ສາເຫດອີກອັນໜຶ່ງທີ່ຈີນແລະອາຊຽນມີການພົວພັນທີ່ດີແມ່ນຍ້ອນວ່າຈີນແລະອາຊຽນໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດ,ຈີນສະໜອງຕະຫຼາດທີ່ໃຫຍ່ທີ່ສຸດໃຫ້ແກ່ອາຊຽນ, ເຂດອາຊີຕາເວັນອອກສຽງໃຕ້ແມ່ນຈຸດສຸມແຫ່ງການລົງທຶນຕໍ່ຕ່າງປະເທດຂອງຈີນ,ດ້ວຍເຫດນີ້,ຜົນປະໂຫຍດຮ່ວມກັນໄດ້ຮັດແໜ້ນການພົວພັນລະຫວ່າງສອງຝ່າຍພວກເຮົາໃຫ້ແໜ້ນແຟ້ນຍິ່ງຂຶ້ນ."
ປີ2013ນີ້ແມ່ນປີທີ່ຈີນແລະອາຊຽນໄດ້ສ້າງການພົວພັນຄູ່ຮ່ວມມືຍຸດທະສາດຄົບຮອບ 10 ປີ. ໃນ10ປີຜ່ານມາ, ມິດຕະພາບຖານບ້ານໃກ້ເຮືອນຄຽງທີ່ດີແລະການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບອາຊຽນໄດ້ມີການພັດທະນາຢ່າງວ່ອງໄວ,ກາຍເປັນຕົວແບບຂອງການຮ່ວມມືໃນລະດັບສາກົນແລະພາກພື້ນທີ່ມີຊີວິດຊີວາຫຼາຍທີ່ສຸດ. ການພົວພັນຈີນກັບອາຊຽນໄດ້ສ້າງສະຖິຕິຕ່າງໆຄື ຈີນແມ່ນປະເທດໃຫຍ່ປະເທດທຳອິດທີ່ຢູ່ນອກເຂດອາຊີຕາເວັນອອກສຽງໃຕ້ທີ່ໄດ້ສ້າງການພົວພັນຄູ່ຮ່ວມມືຍຸດທະສາດກັບອາຊຽນ, ຈີນເປັນປະເທດໃຫຍ່ທຳອິດທີ່ຢູ່ນອກເຂດອາຊີຕາເວັນອອກສຽງໃຕ້ທີ່ໄດ້ເປັນເຈົ້າການເຂົ້າເປັນສະມາຊິກສົນທິສັນຍາໄມຕີຈິດແລະການຮ່ວມມືໃນອາຊີອາຄະເນ,ແລະຈີນຍັງແມ່ນປະເທດໃຫຍ່ປະເທດທຳອິດທີ່ຢູ່ນອກເຂດອາຊີຕາເວັນອອກສຽງໃຕ້ທີ່ໄດ້ຮ່ວມກັບອາຊຽນສ້າງຕັ້ງເຂດການຄ້າເສລີ.
ພ້ອມດຽວກັນນັ້ນ, ໃນຊຸມປີມໍ່ໆມານີ້, ຄວາມຂັດແຍ່ງລະຫວ່າງຈີນກັບບາງປະເທດອາຊຽນທີ່ເກີດຂຶ້ນຍ້ອນບັນຫາທາງທະເລໄດ້ນັບມື້ນັບພົ້ນເດັ່ນຂຶ້ນ, ການພົວພັນລະຫວ່າງຈີນກັບອາຊຽນກາຍເປັນບັນຫາທີ່ສື່ມວນຊົນໃຫ້ຄວາມສົນໃຈຢ່າງກວ້າງຂວາງ. ກ່ຽວກັບການພັດທະນາຂອງການພົວພັນລະຫວ່າງສອງຝ່າຍໃນອະນາຄົດ,ທ່ານຫວາງອີ້ຊີ້ອອກວ່າ:
"ຈີນຈະສືບຕໍ່ສະໜັບສະໜູນອາຊຽນໃຫ້ມີການພັດທະນາແລະຈະເລີນເຕີບໂຕຂຶ້ນ,ສະໜັບສະໜູນການສ້າງປະຊາຄົມອາຊຽນ, ສະໜັບສະໜູນອາຊຽນສືບຕໍ່ເສີມຂະຫຍາຍບົດບາດການນຳພາໃນການຮ່ວມມືອາຊີຕາເວັນອອກ. ຈີນຖືການພົວພັນກັບອາຊຽນເປັນບູລິມະສິດໃນວຽກງານການຕ່າງປະເທດກັບປະເທດອ້ອມຂ້າງ, ຈີນຈະໃຊ້ມາດຕະການຢ່າງມີປະສິດທິຜົນເພື່ອລົງເລິກການພົວພັນຄູ່ຮ່ວມມືຍຸດທະສາດລະຫວ່າງຈີນກັບອາຊຽນຢ່າງບໍ່ຢຸດຢັ້ງ, ແລະຈະຍຶດໝັ້ນໃນການປຶກສາຫາລືກັນຢ່າງມີໄມຕີຈິດມິດຕະພາບເພື່ອແກ້ໄຂຄວາມຂັດແຍ່ງລະຫວ່າງຈີນກັບບາງປະເທດອາຊຽນ."
ຕອນທ່ຽງວັນທີ 25 ມິຖຸນານີ້, ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນແລະເອກອັກຄະລັດຖະທູດຂອງ10ປະເທດອາຊຽນປະຈຳຈີນໄດ້ເດີນທາງໄປເຖິງສູນຈີນ-ອາຊຽນເພື່ອຊົມການວາງສະແດງຮູບພາບຫວນຄືນການພົວພັນລະຫວ່າງຈີນກັບອາຊຽນທີ່ຈັດຂຶ້ນຢູ່ສູນດັ່ງກ່າວ.ເມື່ອສະຫຼຸບເຖິງສາເຫດທີ່ການພົວພັນຈີນອາຊຽນໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ,ທ່ານຫວາງອີ້ກ່າວວ່າ:
"ຈີນແລະອາຊຽນມີການພົວພັນທີ່ດີຄືແນວນີ້ແມ່ນຍ້ອນວ່າບັນດາປະເທດອາຊຽນລ້ວນແຕ່ແມ່ນປະເທດໃກ້ຄຽງຂອງຈີນ, ຈີນຖືປະເທດອາຊຽນເປັນເພື່ອນມິດທີ່ດີ, ຄູ່ຮ່ວມມືທີ່ດີແລະບ້ານໃກ້ເຮືອນຄຽງທີ່ດີ.ການພົວພັນລະຫວ່າງສອງຝ່າຍພວກເຮົາຢູ່ໃນລະດັບດີນີ້ມີສາເຫດຍ້ອນວ່າບັນດາປະເທດອາຊຽນລ້ວນແຕ່ແມ່ນປະເທດທີ່ພວມພັດທະນາ, ຈີນຖືປະເທດທີ່ພວມພັດທະນາເປັນພື້ນຖານແຫ່ງນະໂຍບາຍການຕ່າງປະເທດຂອງຈີນຢ່າງສະເໝີຕົ້ນສະເໝີປາຍ,ແລະປົກປັກຮັກສາຜົນປະໂຫຍດຂອງປະເທດທີ່ພວມພັດທະນາຢ່າງສະເໝີຕົ້ນສະເໝີປາຍ.ສາເຫດອີກອັນໜຶ່ງທີ່ຈີນແລະອາຊຽນມີການພົວພັນທີ່ດີແມ່ນຍ້ອນວ່າຈີນແລະອາຊຽນໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດ,ຈີນສະໜອງຕະຫຼາດທີ່ໃຫຍ່ທີ່ສຸດໃຫ້ແກ່ອາຊຽນ, ເຂດອາຊີຕາເວັນອອກສຽງໃຕ້ແມ່ນຈຸດສຸມແຫ່ງການລົງທຶນຕໍ່ຕ່າງປະເທດຂອງຈີນ,ດ້ວຍເຫດນີ້,ຜົນປະໂຫຍດຮ່ວມກັນໄດ້ຮັດແໜ້ນການພົວພັນລະຫວ່າງສອງຝ່າຍພວກເຮົາໃຫ້ແໜ້ນແຟ້ນຍິ່ງຂຶ້ນ."
ປີ2013ນີ້ແມ່ນປີທີ່ຈີນແລະອາຊຽນໄດ້ສ້າງການພົວພັນຄູ່ຮ່ວມມືຍຸດທະສາດຄົບຮອບ 10 ປີ. ໃນ10ປີຜ່ານມາ, ມິດຕະພາບຖານບ້ານໃກ້ເຮືອນຄຽງທີ່ດີແລະການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບອາຊຽນໄດ້ມີການພັດທະນາຢ່າງວ່ອງໄວ,ກາຍເປັນຕົວແບບຂອງການຮ່ວມມືໃນລະດັບສາກົນແລະພາກພື້ນທີ່ມີຊີວິດຊີວາຫຼາຍທີ່ສຸດ. ການພົວພັນຈີນກັບອາຊຽນໄດ້ສ້າງສະຖິຕິຕ່າງໆຄື ຈີນແມ່ນປະເທດໃຫຍ່ປະເທດທຳອິດທີ່ຢູ່ນອກເຂດອາຊີຕາເວັນອອກສຽງໃຕ້ທີ່ໄດ້ສ້າງການພົວພັນຄູ່ຮ່ວມມືຍຸດທະສາດກັບອາຊຽນ, ຈີນເປັນປະເທດໃຫຍ່ທຳອິດທີ່ຢູ່ນອກເຂດອາຊີຕາເວັນອອກສຽງໃຕ້ທີ່ໄດ້ເປັນເຈົ້າການເຂົ້າເປັນສະມາຊິກສົນທິສັນຍາໄມຕີຈິດແລະການຮ່ວມມືໃນອາຊີອາຄະເນ,ແລະຈີນຍັງແມ່ນປະເທດໃຫຍ່ປະເທດທຳອິດທີ່ຢູ່ນອກເຂດອາຊີຕາເວັນອອກສຽງໃຕ້ທີ່ໄດ້ຮ່ວມກັບອາຊຽນສ້າງຕັ້ງເຂດການຄ້າເສລີ.
ພ້ອມດຽວກັນນັ້ນ, ໃນຊຸມປີມໍ່ໆມານີ້, ຄວາມຂັດແຍ່ງລະຫວ່າງຈີນກັບບາງປະເທດອາຊຽນທີ່ເກີດຂຶ້ນຍ້ອນບັນຫາທາງທະເລໄດ້ນັບມື້ນັບພົ້ນເດັ່ນຂຶ້ນ, ການພົວພັນລະຫວ່າງຈີນກັບອາຊຽນກາຍເປັນບັນຫາທີ່ສື່ມວນຊົນໃຫ້ຄວາມສົນໃຈຢ່າງກວ້າງຂວາງ. ກ່ຽວກັບການພັດທະນາຂອງການພົວພັນລະຫວ່າງສອງຝ່າຍໃນອະນາຄົດ,ທ່ານຫວາງອີ້ຊີ້ອອກວ່າ:
"ຈີນຈະສືບຕໍ່ສະໜັບສະໜູນອາຊຽນໃຫ້ມີການພັດທະນາແລະຈະເລີນເຕີບໂຕຂຶ້ນ,ສະໜັບສະໜູນການສ້າງປະຊາຄົມອາຊຽນ, ສະໜັບສະໜູນອາຊຽນສືບຕໍ່ເສີມຂະຫຍາຍບົດບາດການນຳພາໃນການຮ່ວມມືອາຊີຕາເວັນອອກ. ຈີນຖືການພົວພັນກັບອາຊຽນເປັນບູລິມະສິດໃນວຽກງານການຕ່າງປະເທດກັບປະເທດອ້ອມຂ້າງ, ຈີນຈະໃຊ້ມາດຕະການຢ່າງມີປະສິດທິຜົນເພື່ອລົງເລິກການພົວພັນຄູ່ຮ່ວມມືຍຸດທະສາດລະຫວ່າງຈີນກັບອາຊຽນຢ່າງບໍ່ຢຸດຢັ້ງ, ແລະຈະຍຶດໝັ້ນໃນການປຶກສາຫາລືກັນຢ່າງມີໄມຕີຈິດມິດຕະພາບເພື່ອແກ້ໄຂຄວາມຂັດແຍ່ງລະຫວ່າງຈີນກັບບາງປະເທດອາຊຽນ."
