ຍານອະວະກາດເສິນໂຈວ່ເລກ10ໄດ້ກັບຄືນສູ່ພື້ນໂລກຢ່າງສຳເລັດຜົນ
(GMT+08:00) 2013-06-26 08:49:17 cri
ຕາມຂ່າວCRI, 8ໂມງປາຍວັນທີ26ມິຖຸນານີ້ຕາມເວລາປັກກິ່ງ, ຍານອະວະກາດເສິນໂຈວ່ເລກ10 ໄດ້ກັບຄືນສູ່ພື້ນໂລກທົ່ງຫຍ້າອາມູ້ກູລາງຂອງເຂດມົງໂກໃນຈີນຢ່າງສຳເລັດຜົນ.
ພາຍຫຼັງລົງສູ່ພື້ນໂລກແລ້ວ, ປະຕູຫ້ອງກັບຄືນຂອງຍານອະວະກາດເສິນໂຈວ່ເລກ10ໄດ້ເປີດອອກ, ພະນັກງານໜ້າດິນໄດ້ເຂົ້າໄປໃນຫ້ອງກັບຄືນ, ດຳເນີນການກວດກາທີ່ກ່ຽວຂ້ອງ. ປະຈຸບັນ, ນັກບິນອະວະກາດ3ຄົນມີສະພາບທາງກາຍແລະໃຈທີ່ດີ, ພວມທຳການກະກຽມເພື່ອອອກຈາກຫ້ອງກັບຄືນຂອງຍານ.
ວັນທີ11ມິຖຸນານີ້, ຈີນໄດ້ຍິງສົ່ງຍານເສິນໂຈວ່ເລກ10 ທີ່ເປັນຍານອະວະກາດບັນທຸກມະນຸດຢ່າງສຳເລັດຜົນ. ຫຼັງຈາກນັ້ນສອງວັນຕໍ່ມາ, ຍານອະວະກາດທ່ຽນກົ່ງເລກ1ກັບຍານອະວະກາດເສິນໂຈວ່ເລກ10ໄດ້ເຊື່ອມຕໍ່ເຂົ້າກັນໂດຍອັດຕະໂນມັດ. ວັນທີ20ມິຖຸນານີ້, ນັກບິນອະວະກາດເສິນໂຈວ່ເລກ10ໄດ້ດຳເນີນການທົດລອງຟີຊິກພື້ນຖານຢູ່ທ່ຽນກົ່ງເລກ1, ໄດ້ສອນຄວາມຮູ້ດ້ານວິທະຍາສາດໃຫ້ຊາວໜຸ່ມທົ່ວປະເທດຈີນຈາກອະວະກາດຢ່າງສຳເລັດຜົນເປັນຄັ້ງທຳອິດ. ວັນທີ23ມິຖຸນານີ້, ຍານອະວະກາດທ່ຽນກົ່ງເລກ1ກັບຍານອະວະກາດເສິນໂຈວ່ເລກ10ໄດ້ເຊື່ອມຕໍ່ເຂົ້າກັນດ້ວຍການບັນຊາຂອງນັກບິນອະວະກາດ. ວັນທີ24ມິຖຸນານີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ລົມຜ່ານໂທລະສັບກັບນັກບິນອະວະກາດ3ຄົນຢ່າງເປັນກັນເອງ. ວັນທີ25ມິຖຸນານີ້, ນັກບິນອະວະກາດ3ຄົນໄດ້ອອກລາຈາກຍານອະວະກາດທ່ຽນກົ່ງເລກ1, ຍານອະວະກາດເສິນໂຈວ່ເລກ10ກໍໄດ້ແຍກອອກຈາກຍານທ່ຽນກົ່ງເລກ1ຢ່າງສຳເລັດຜົນ, ຫຼັງຈາກນັ້ນ, ຍານອະວະກາດເສິນໂຈວ່ເລກ10ກໍໄດ້ບິນອ້ອມຍານອະວະກາດທ່ຽນກົ່ງເລກ1 ແລ້ວເຊື່ອມຕໍ່ກັບຍານອະວະກາດທ່ຽນກົ່ງເລກ1ອີກຢ່າງສຳເລັດຜົນ. ວັນທີ26ມິຖຸນານີ້, ຍານອະວະກາດເສິນໂຈວ່ເລກ10ໄດ້ກັບຄືນແລະລົງຈອດພື້ນໂລກຢ່າງສຳເລັດຜົນ.
ພາຍຫຼັງລົງສູ່ພື້ນໂລກແລ້ວ, ປະຕູຫ້ອງກັບຄືນຂອງຍານອະວະກາດເສິນໂຈວ່ເລກ10ໄດ້ເປີດອອກ, ພະນັກງານໜ້າດິນໄດ້ເຂົ້າໄປໃນຫ້ອງກັບຄືນ, ດຳເນີນການກວດກາທີ່ກ່ຽວຂ້ອງ. ປະຈຸບັນ, ນັກບິນອະວະກາດ3ຄົນມີສະພາບທາງກາຍແລະໃຈທີ່ດີ, ພວມທຳການກະກຽມເພື່ອອອກຈາກຫ້ອງກັບຄືນຂອງຍານ.
ວັນທີ11ມິຖຸນານີ້, ຈີນໄດ້ຍິງສົ່ງຍານເສິນໂຈວ່ເລກ10 ທີ່ເປັນຍານອະວະກາດບັນທຸກມະນຸດຢ່າງສຳເລັດຜົນ. ຫຼັງຈາກນັ້ນສອງວັນຕໍ່ມາ, ຍານອະວະກາດທ່ຽນກົ່ງເລກ1ກັບຍານອະວະກາດເສິນໂຈວ່ເລກ10ໄດ້ເຊື່ອມຕໍ່ເຂົ້າກັນໂດຍອັດຕະໂນມັດ. ວັນທີ20ມິຖຸນານີ້, ນັກບິນອະວະກາດເສິນໂຈວ່ເລກ10ໄດ້ດຳເນີນການທົດລອງຟີຊິກພື້ນຖານຢູ່ທ່ຽນກົ່ງເລກ1, ໄດ້ສອນຄວາມຮູ້ດ້ານວິທະຍາສາດໃຫ້ຊາວໜຸ່ມທົ່ວປະເທດຈີນຈາກອະວະກາດຢ່າງສຳເລັດຜົນເປັນຄັ້ງທຳອິດ. ວັນທີ23ມິຖຸນານີ້, ຍານອະວະກາດທ່ຽນກົ່ງເລກ1ກັບຍານອະວະກາດເສິນໂຈວ່ເລກ10ໄດ້ເຊື່ອມຕໍ່ເຂົ້າກັນດ້ວຍການບັນຊາຂອງນັກບິນອະວະກາດ. ວັນທີ24ມິຖຸນານີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ລົມຜ່ານໂທລະສັບກັບນັກບິນອະວະກາດ3ຄົນຢ່າງເປັນກັນເອງ. ວັນທີ25ມິຖຸນານີ້, ນັກບິນອະວະກາດ3ຄົນໄດ້ອອກລາຈາກຍານອະວະກາດທ່ຽນກົ່ງເລກ1, ຍານອະວະກາດເສິນໂຈວ່ເລກ10ກໍໄດ້ແຍກອອກຈາກຍານທ່ຽນກົ່ງເລກ1ຢ່າງສຳເລັດຜົນ, ຫຼັງຈາກນັ້ນ, ຍານອະວະກາດເສິນໂຈວ່ເລກ10ກໍໄດ້ບິນອ້ອມຍານອະວະກາດທ່ຽນກົ່ງເລກ1 ແລ້ວເຊື່ອມຕໍ່ກັບຍານອະວະກາດທ່ຽນກົ່ງເລກ1ອີກຢ່າງສຳເລັດຜົນ. ວັນທີ26ມິຖຸນານີ້, ຍານອະວະກາດເສິນໂຈວ່ເລກ10ໄດ້ກັບຄືນແລະລົງຈອດພື້ນໂລກຢ່າງສຳເລັດຜົນ.
