ຕຳຫລວດຈີນແລະລາວຮ່ວມກັນມ້າງຄະດີຄ້າຢາເສບຕິດ ຍຶດຢາເສບຕິດໄດ້ເກືອບ 580 ກິໂລກຼາມ
(GMT+08:00) 2013-06-27 11:05:22 cri
ວັນທີ 26 ມິຖຸນານີ້,ກອງປ້ອງກັນຄວາມສະຫງົບເຂດຊາຍແດນຢຸນ ນານຈີນກ່າວວ່າ, ເດືອນມີນາປີນີ້, ຈີນແລະລາວໄດ້ຮ່ວມກັນມ້າງຄະດີຄ້າຢາເສບຕິດຂ້າມຊາດຄະດີຫນຶ່ງ, ກັກຜູ່ຕ້ອງສົງໃສໄດ້ 5 ຄົນ, ຍຶດຢາເສບຕິດໄດ້ເກືອບ 580 ກິໂລກຼາມ.
ເດືອນພະຈິກປີກາຍນີ້, ພາກສ່ວນປາບປາມຢາເສບຕິດແຂວງຢຸນນານຈີນໄດ້ຕິດຕາມກຸ່ມຄ້າຢາເສບຕິດຂ້າມຊາດກຸ່ມຫນຶ່ງໄດ້ເຄື່ອນໄຫວຂົນສົ່ງຢາເສບຕິດໄປມາຕາມລຳແມ່ນ້ຳຂອງເປັນເວລາຍາວນານ, ໂດຍໄດ້ມີການເຄື່ອນໄຫວຂົນສົ່ງຢາເສບຕິດຂະຫນາດໃຫຍ່ຫລາຍເທື່ອ. ເດືອນມີນາປີນີ້,ໄດ້ຮັບຂ່າວລັບລາຍງານວ່າ, ກຸ່ມດັ່ງກ່າວອາດຈະມີການເຄື່ອນໄຫວຂົນສົ່ງຢາເສບຕິດຈຳນວນຫລວງຫລາຍ, ແລະອາດຈະຂົນສົ່ງຜ່ານເຂດນ້ຳຂອງແດນລາວ,ແລ້ວໄປຂາຍຢູ່ໄທ.ສະນັ້ນ, ກອງປ້ອງກັນຄວາມສະຫງົບເຂດຊາຍແດນແຂວງຢຸນນານຈີນໄດ້ຮ່ວມກັບເຂດທະຫານແຂວງບໍ່ແກ້ວລາວໄດ້ໃຊ້ກົນໄກຮ່ວມກັນລາດຕະເວນປະຕິບັດກົດຫມາຍ,ແລະສາມາດຍຶດຢາເສບຕິດດັ່ງກ່າວໃນແດນແຂວງບໍ່ແກ້ວຂອງລາວ.
