ທ່ານນາງປັກຈຸນເຮກ່າວວ່າ ຫວັງວ່ານັກທຸລະກິດຈີນຈະຊອກໄດ້ຄູ່ຮ່ວມມືສ.ເກົາຫຼີໄດ້ໃນຂະບວນການບັນລຸ "ຄວາມຝັນຂອງຈີນ"
(GMT+08:00) 2013-06-28 19:03:07 cri
ວັນທີ 28 ມິຖຸນານີ້, ທ່ານນາງປັກຈຸນເຮ ປະທານາທິບໍດີ ສ.ເກົາຫຼີກ່າວວ່າ, ໃນ 20 ປີທີ່ຜ່ານມານີ້, ການຮ່ວມມືໃນຂົງເຂດເສດຖະກິດລະຫວ່າງ ສ.ເກົາຫຼີກັບຈີນໄດ້ຮັບໝາກຜົນທີ່ປະຈັກຕາຊາວໂລກ, ປະຈຸບັນ, ສອງປະເທດຄວນສືບທອດອັນເກົ່າຂະຫຍາຍອັນໃໝ່ຕໍ່ໄປ, ຈັດວາງການຮ່ວມມືແບບໃໝ່ຮອບດ້ານໃນອະນາຄົດ, ເຮັດໃຫ້ການຮ່ວມມືລະຫວ່າງສອງຝ່າຍຈາກດ້ານປະລິມານຂະຫຍາຍຕົວແບບກ້າວກະໂດດໃນດ້ານຄຸນນະພາບ.
ທ່ານນາງປັກຈຸນເຮກ່າວຕື່ມວ່າ, ປະຈຸບັນ, ຈີນໄດ້ກາຍເປັນປະເທດຄູ່ຮ່ວມມືການຄ້າໃຫຍ່ອັນດັບໜຶ່ງຂອງ ສ.ເກົາຫຼີ, ສ່ວນສ.ເກົາຫຼີແມ່ນປະເທດຄູ່ຮ່ວມມືການຄ້າໃຫຍ່ທີ່ 3 ຂອງຈີນ. ໃນ 20 ປີຜ່ານມານີ້, ການຮ່ວມມືດ້ານເສດຖະກິດລະຫວ່າງສອງປະເທດຕົ້ນຕໍແມ່ນດຳເນີນໃນຂົງເຂດການຄ້າແລະການລົງທຶນ, ໃນຕໍ່ໜ້າຄວນອາໄສການພັດທະນາຂະແໜງການມູນຄ່າເພີ່ມລະດັບສູງ, ຂະແໜງການເຕັກໂນໂລຢີກ້າວໜ້າທັນສະໄໝແລະອື່ນໆ. ປະຈຸບັນ, ຈີນພວມສຸມໃສ່ບົ່ມສ້າງຂະແໜງການທີ່ພັດທະນາໃໝ່, ສ.ເກົາຫຼີກໍ່ພວມຊຸກຍູ້ເສດຖະກິດແບບມີການປະດິດສ້າງບົນພື້ນຖານຄວາມສາມາດດ້ານການປະດິດສ້າງ, ຖ້າວ່າລັດຖະບານທັງສອງປະເທດຮ່ວມມືກັນໃນຂົງເຂດເຫຼົ່ານີ້ແລ້ວຈະສາມາດເກີດມີປະສິດທິຜົນອັນໃຫຍ່ຫຼວງຈາກການປະສານສົມທົບກັນລະຫວ່າງສອງຝ່າຍ.
ທ່ານນາງປັກຈຸນເຮຊີ້ອອກວ່າ, ການຮ່ວມມືໃນດ້ານເສດຖະກິດລະຫວ່າງ ສ.ເກົາຫຼີກັບຈີນນັບມື້ນັບເພີ່ມຂຶ້ນແລະເຂົ້າສູ່ລວງເລິກ, ເພື່ອໄດ້ຮັບປະສິດທິຜົນທີ່ດີຢ່າງຕໍ່ເນື່ອງ, ສອງປະເທດຄວນສະໜອງຂອບລະບຽບການທີ່ໝັ້ນແກ່ນ. ຫວັງວ່າບຸກຄົນໃນວົງການເສດຖະກິດທີ່ເຂົ້າຮ່ວມກອງປະຊຸມຂອງສອງປະເທດຈະເຕົ້າໂຮມສະຕິປັນຍາເພື່ອບັນລຸການເຊັນສັນຍາເຂດການຄ້າເສລີ ສ.ເກົາຫຼີ-ຈີນ.
ທ່ານນາງປັກຈຸນເຮກ່າວຕື່ມວ່າ, ປະຈຸບັນ, ຈີນໄດ້ກາຍເປັນປະເທດຄູ່ຮ່ວມມືການຄ້າໃຫຍ່ອັນດັບໜຶ່ງຂອງ ສ.ເກົາຫຼີ, ສ່ວນສ.ເກົາຫຼີແມ່ນປະເທດຄູ່ຮ່ວມມືການຄ້າໃຫຍ່ທີ່ 3 ຂອງຈີນ. ໃນ 20 ປີຜ່ານມານີ້, ການຮ່ວມມືດ້ານເສດຖະກິດລະຫວ່າງສອງປະເທດຕົ້ນຕໍແມ່ນດຳເນີນໃນຂົງເຂດການຄ້າແລະການລົງທຶນ, ໃນຕໍ່ໜ້າຄວນອາໄສການພັດທະນາຂະແໜງການມູນຄ່າເພີ່ມລະດັບສູງ, ຂະແໜງການເຕັກໂນໂລຢີກ້າວໜ້າທັນສະໄໝແລະອື່ນໆ. ປະຈຸບັນ, ຈີນພວມສຸມໃສ່ບົ່ມສ້າງຂະແໜງການທີ່ພັດທະນາໃໝ່, ສ.ເກົາຫຼີກໍ່ພວມຊຸກຍູ້ເສດຖະກິດແບບມີການປະດິດສ້າງບົນພື້ນຖານຄວາມສາມາດດ້ານການປະດິດສ້າງ, ຖ້າວ່າລັດຖະບານທັງສອງປະເທດຮ່ວມມືກັນໃນຂົງເຂດເຫຼົ່ານີ້ແລ້ວຈະສາມາດເກີດມີປະສິດທິຜົນອັນໃຫຍ່ຫຼວງຈາກການປະສານສົມທົບກັນລະຫວ່າງສອງຝ່າຍ.
ທ່ານນາງປັກຈຸນເຮຊີ້ອອກວ່າ, ການຮ່ວມມືໃນດ້ານເສດຖະກິດລະຫວ່າງ ສ.ເກົາຫຼີກັບຈີນນັບມື້ນັບເພີ່ມຂຶ້ນແລະເຂົ້າສູ່ລວງເລິກ, ເພື່ອໄດ້ຮັບປະສິດທິຜົນທີ່ດີຢ່າງຕໍ່ເນື່ອງ, ສອງປະເທດຄວນສະໜອງຂອບລະບຽບການທີ່ໝັ້ນແກ່ນ. ຫວັງວ່າບຸກຄົນໃນວົງການເສດຖະກິດທີ່ເຂົ້າຮ່ວມກອງປະຊຸມຂອງສອງປະເທດຈະເຕົ້າໂຮມສະຕິປັນຍາເພື່ອບັນລຸການເຊັນສັນຍາເຂດການຄ້າເສລີ ສ.ເກົາຫຼີ-ຈີນ.
