ທ່ານຫວາງອີ້ກ່າວວ່າ ຄວນເສີມຂະຫຍາຍບົດບາດຂອງ 10+3 ທີ່ເປັນຊ່ອງທາງທີ່ສຳຄັນຂອງການຮ່ວມມືອາຊີຕາເວັນອອກຢ່າງເຕັມສ່ວນ
(GMT+08:00) 2013-07-01 15:29:27 cri
ຕາມຂ່າວCRI: ກອງປະຊຸມລັດຖະມົນຕີວ່າການກະຊວງການຕ່າງປະເທດລະຫວ່າງອາຊຽນກັບຈີນ, ຍີ່ປຸ່ນ, ສ.ເກົາຫຼີ ຫຼື 10+3 ໄດ້ຈັດຂຶ້ນຢູ່ນະຄອນຫຼວງບັນດາເສຣີເບກາວັນຂອງບຼູໄນໃນວັນທີ 30 ມິຖຸນາແລ້ວນີ້, ທ່ານຫວາງອີ້, ລັດຖະມົນຕີວ່າການກະຊວງການຕ່າງປະເທດຈີນໄດ້ກ່າວໃນໂອກາດເຂົ້າຮ່ວມກອງປະຊຸມວ່າ: 10+3 ໃນຖານະເປັນຊ່ອງທາງທີ່ສຳຄັນຂອງການຮ່ວມມືອາຊີຕາເວັນອອກ, ໄດ້ສະໜອງເສົາຄ້ຳທີ່ໝັ້ນແກ່ນໃຫ້ແກ່ການເຊື່ອມໂຍງເຂົ້າກັນຂອງເສດຖະກິດອາຊີຕາເວັນອອກ. ເພື່ອນຳໃຊ້ການຮ່ວມມືຂອງ 10+3 ໃຫ້ດີ, ປົກປັກຮັກສາສັນຕິພາບແລະຄວາມຈະເລີນຮຸ່ງເຮືອງຂອງພາກພື້ນ, ສະໜອງການບໍລິການທີ່ດີກວ່າເກົ່າໃຫ້ແກ່ການພັດທະນາຂອງພາກພື້ນ, ທ່ານຫວາງອີ້ໄດ້ມີຂໍ້ສະເໜີ 5 ຂໍ້ສະເໜີດັ່ງນີ້:
ໜຶ່ງ, ເສີມຂະຫຍາຍບົດບາດທີ່ເປັນຊ່ອງທາງທີ່ສຳຄັນຂອງ 10+3 ຢ່າງແທ້ຈິງ; ສອງ, ເລັ່ງລັດຊຸກຍູ້ອາຊີຕາເວັນອອກໃຫ້ສາມາດເຊື່ອມໂຍງເຂົ້າເປັນອັນໜຶ່ງອັນດຽວກັນ; ສາມ, ເພີ່ມທະວີການປະສານງານດ້ານການຮ່ວມມືລະຫວ່າງຈີນ, ຍີ່ປຸ່ນ, ສ.ເກົາຫຼີ ກັບອາຊຽນຫຼື 10+3; ສີ່, ວາງແຜນການການພັດທະນາໃນອະນາຄົດຂອງ 10+3 ໃຫ້ດີ ແລະຊຸກຍູ້ການຮ່ວມມືທາງດ້ານການເງິນແລະການຮ່ວມມືດ້ານຄວາມປອດໄພດ້ານສະບຽງອາຫານ.
ທ່ານຫວາງອີ້ກ່າວເນັ້ນວ່າ, ປະຈຸບັນ, ກົນໄກ 10+3 ພວມຢູ່ໃນໄລຍະທີ່ສຳຄັນທີ່ສຸດໃນການຊຸກຍູ້ການພັດທະນາໃຫ້ເຂົ້າສູ່ລວງເລິກ. ຈີນຍິນດີເພີ່ມທະວີການແລກປ່ຽນປະສານງານກັບຝ່າຍຕ່າງໆທີ່ກ່ຽວຂ້ອງ, ຊຸກຍູ້ການຮ່ວມມືທີ່ແທ້ຈິງ, ຮ່ວມກັນຮັບມືກັບສິ່ງທ້າທາຍ, ຊຸກຍູ້ການຮ່ວມມືຂອງ 10+3 ໃຫ້ຂະຫຍາຍໄປໜ້າແລະກ້າວຂຶ້ນສູ່ລະດັບໃໝ່, ເພື່ອປະກອບສ່ວນອັນໃຫຍ່ຫຼວງກວ່າເກົ່າເຂົ້າໃນການປົກປັກຮັກສາສັນຕິພາບ, ສະຖຽນລະພາບ ແລະການພັດທະນາຂອງພາກພື້ນ.
ໜຶ່ງ, ເສີມຂະຫຍາຍບົດບາດທີ່ເປັນຊ່ອງທາງທີ່ສຳຄັນຂອງ 10+3 ຢ່າງແທ້ຈິງ; ສອງ, ເລັ່ງລັດຊຸກຍູ້ອາຊີຕາເວັນອອກໃຫ້ສາມາດເຊື່ອມໂຍງເຂົ້າເປັນອັນໜຶ່ງອັນດຽວກັນ; ສາມ, ເພີ່ມທະວີການປະສານງານດ້ານການຮ່ວມມືລະຫວ່າງຈີນ, ຍີ່ປຸ່ນ, ສ.ເກົາຫຼີ ກັບອາຊຽນຫຼື 10+3; ສີ່, ວາງແຜນການການພັດທະນາໃນອະນາຄົດຂອງ 10+3 ໃຫ້ດີ ແລະຊຸກຍູ້ການຮ່ວມມືທາງດ້ານການເງິນແລະການຮ່ວມມືດ້ານຄວາມປອດໄພດ້ານສະບຽງອາຫານ.
ທ່ານຫວາງອີ້ກ່າວເນັ້ນວ່າ, ປະຈຸບັນ, ກົນໄກ 10+3 ພວມຢູ່ໃນໄລຍະທີ່ສຳຄັນທີ່ສຸດໃນການຊຸກຍູ້ການພັດທະນາໃຫ້ເຂົ້າສູ່ລວງເລິກ. ຈີນຍິນດີເພີ່ມທະວີການແລກປ່ຽນປະສານງານກັບຝ່າຍຕ່າງໆທີ່ກ່ຽວຂ້ອງ, ຊຸກຍູ້ການຮ່ວມມືທີ່ແທ້ຈິງ, ຮ່ວມກັນຮັບມືກັບສິ່ງທ້າທາຍ, ຊຸກຍູ້ການຮ່ວມມືຂອງ 10+3 ໃຫ້ຂະຫຍາຍໄປໜ້າແລະກ້າວຂຶ້ນສູ່ລະດັບໃໝ່, ເພື່ອປະກອບສ່ວນອັນໃຫຍ່ຫຼວງກວ່າເກົ່າເຂົ້າໃນການປົກປັກຮັກສາສັນຕິພາບ, ສະຖຽນລະພາບ ແລະການພັດທະນາຂອງພາກພື້ນ.
