ຟີລິບປິນຄວນເອົາໃຈໃສ່ "ແບບຢ່າງຂອງຫວຽດນາມ"
(GMT+08:00) 2013-07-02 17:00:29 cri
ເມື່ອມໍ່ໆມານີ້, ທ່ານນາງ ຄາເມັນ ປີໂດຼຊາ ນັກຂຽນຄໍລຳພິເສດຂອງຟີລິບປິນໄດ້ລົງພິມບົດວິຈານທີ່ມີຫົວຂໍ້ວ່າ "ການຢ້ຽມຢາມລະຫວ່າງເພື່ອນມິດ" ໃນໜັງສືພິມPhilstar ທີ່ເປັນສື່ມວນຊົນສຳຄັນຂອງຟີລິບປິນ,ຊຶ່ງໄດ້ຕີລາຄາຢ່າງຕັ້ງໜ້າຕໍ່ຈີນແລະຫວຽດນາມທີ່ໄດ້ທຳຄວາມພະຍາຍາມເພື່ອແກ້ໄຂຄວາມຂັດແຍ່ງຢູ່ທະເລຈີນໃຕ້ດ້ວຍສັນຕິວິທີ.
ບົດຄວາມຂຽນວ່າ: ທ່ານສີຈິ້ນຜິງ ປະທານປະເທດຈີນໄດ້ນຳໜ້າບາດກ້າວໜຶ່ງໃນບັນຫາທະເລຈີນໃຕ້ໃນເມື່ອບໍ່ດົນມານີ້,ເພາະວ່າຈີນແລະຫວຽດນາມເຫັນດີໃນການດຳເນີນການປຶກສາຫາລືກັນລະຫວ່າງສອງຝ່າຍ. ນາງເຫັນວ່າ: ນີ້ແມ່ນເນື້ອໃນສຳຄັນທີ່ສຸດໃນສັນຍາທີ່ຜູ້ນຳສອງປະເທດຕົກລົງຮ່ວມກັນຊຶ່ງເປັນໜຶ່ງໃນໝາກຜົນຕ່າງໆຂອງການຢ້ຽມຢາມຈີນເປັນເທື່ອທຳອິດຂອງທ່ານເຈືອງເຕີນຊ່າງ ປະທານປະເທດຫວຽດນາມ. ບົດຄວາມຂຽນວ່າ: ຈຸດຢືນຂອງຝ່າຍຫວຽດນາມໄດ້ມີການປ່ຽນແປງໃໝ່. ທ່ານເຈືອງເຕີນຊ່າງກ່າວວ່າ: ຫວຽດນາມຍິນດີຕັ້ງໜ້າຈັດຕັ້ງປະຕິບັດຕາມຄວາມຮັບຮູ້ທີ່ເປັນເອກະສັນກັນລະຫວ່າງສອງປະເທດ, ປຶກສາຫາລືກັນຢ່າງມີໄມຕີຈິດມິດຕະພາບເພື່ອແກ້ໄຂບັນຫາທີ່ກ່ຽວຂ້ອງຢ່າງເໝາະສົມ.
ຈາກເລື່ອງນີ້, ນາງປີໂດຼຊາໄດ້ຫວນຄືນເຖິງກອງປະຊຸມສົນທະນາແຊງກຼີລາທີ່ຈັດຂຶ້ນຢູ່ສິງກະໂປໃນຫວ່າງກ່ອນນີ້ບໍ່ດົນ.ທ່ານເຫັນວ່າ:ຄວາມຈິງແລ້ວ,ໃນເວລານັ້ນ, ທ່ານຫວຽນເຕິນຢຸງ ນາຍົກລັດຖະມົນຕີຫວຽດນາມໄດ້ກ່າວເປັນໃນວ່າຫວຽດນາມຈະໃຊ້ວິທີໃໝ່ໃນການປະຕິບັດຕໍ່ບັນຫາທະເລຈີນໃຕ້, ແຕ່ຄວາມເວົ້າຂອງທ່ານຖືກສື່ມວນຊົນເຂົ້າໃຈຜິດແລ້ວ.
ບົດຄວາມຍັງໄດ້ປຽບທຽບບົດລາຍງານທີ່ກ່ຽວຂ້ອງຂອງສື່ມວນຊົນຟີລິບປິນແລະຫວຽດນາມໃນໄລຍະມໍ່ໆມານີ້. ນາງປີໂດຼຊາກ່າວວ່າ, ໃນຂະນະທີ່ສື່ມວນຊົນຟີລິບປິນຍັງຫຼົງໄຫຼນຳການລາຍງານຖ້ອຍຄຳຂອງເຈົ້າໜ້າທີ່ການຕ່າງປະເທດອາເມລິກາທີ່ຮັບຜິດຊອບວຽກງານອາຊີຕາເວັນອອກຜູ້ໜຶ່ງກ່ຽວກັບ "ຈີນນາບຂູ່ແລະຂົ່ມເຫັງຜູ້ອ່ອນນ້ອຍໃນພາກພື້ນ"ນັ້ນ, ສື່ມວນຊົນຫວຽດນາມໄດ້ຍ້ອງຍໍໃນລະດັບສູງຕໍ່ການຢ້ຽມຢາມຈີນທາງລັດຖະກິດເປັນເທື່ອທຳອິດຂອງທ່ານປະທານເຈືອງເຕີນຊ່າງ.
ໃນເວລາເວົ້າເຖິງຈຸດປະສົງໃນການຂຽນບົດຄວາມດັ່ງກ່າວນີ້, ນາງປີໂດຼຊາຊີ້ອອກວ່າ: ນາງຂຽນບົດຄວາມນີ້ແມ່ນເພື່ອສົ່ງເສີມໃຫ້ປະຊາຊົນສອງຊາດຈີນຟີລິບປິນຈະສາມາດສືບຕໍ່ທຳຄວາມພະຍາຍາມໃນການແກ້ໄຂຄວາມຂັດແຍ່ງຢູ່ທະເລຈີນໃຕ້ດ້ວຍສັນຕິວິທີ. ຕາມທັດສະນະຂອງນາງເຫັນວ່າ: ຫວຽດນາມໄດ້ນຳໜ້າໄປບາດກ້າວໜຶ່ງໃນດ້ານນີ້ແລ້ວ, ນີ້ສະແດງໃຫ້ເຫັນເຖິງຄວາມອາດເປັນໄປໄດ້ໃນການໃຊ້ວິທີທົດແທນ. ນາງປີໂດຼຊາຮຽກຮ້ອງໃຫ້ຟີລິບປິນຄວນເອົາໃຈໃສ່ຄວາມຄືບໜ້າໃໝ່ຂອງ "ແບບຢ່າງຂອງຫວຽດນາມ", ຖ້າບໍ່ດັ່ງນັ້ນ, ຟີລິບປິນຈະຖືກປັດເຂ່ຍອອກຈາກການພັດທະນາໃນພາກພື້ນ. ສຸດທ້າຍ, ນາງປີໂດຼຊາເຫັນວ່າ: ຮອດເວລາທີ່ຟີລິບປິນຈະໄດ້ພິຈາລະນາກະທຳໃນສິ່ງທີ່ຄືທີ່ຫວຽດນາມໄດ້ເຮັດຜ່ານມາແລ້ວ.
ບົດຄວາມຂຽນວ່າ: ທ່ານສີຈິ້ນຜິງ ປະທານປະເທດຈີນໄດ້ນຳໜ້າບາດກ້າວໜຶ່ງໃນບັນຫາທະເລຈີນໃຕ້ໃນເມື່ອບໍ່ດົນມານີ້,ເພາະວ່າຈີນແລະຫວຽດນາມເຫັນດີໃນການດຳເນີນການປຶກສາຫາລືກັນລະຫວ່າງສອງຝ່າຍ. ນາງເຫັນວ່າ: ນີ້ແມ່ນເນື້ອໃນສຳຄັນທີ່ສຸດໃນສັນຍາທີ່ຜູ້ນຳສອງປະເທດຕົກລົງຮ່ວມກັນຊຶ່ງເປັນໜຶ່ງໃນໝາກຜົນຕ່າງໆຂອງການຢ້ຽມຢາມຈີນເປັນເທື່ອທຳອິດຂອງທ່ານເຈືອງເຕີນຊ່າງ ປະທານປະເທດຫວຽດນາມ. ບົດຄວາມຂຽນວ່າ: ຈຸດຢືນຂອງຝ່າຍຫວຽດນາມໄດ້ມີການປ່ຽນແປງໃໝ່. ທ່ານເຈືອງເຕີນຊ່າງກ່າວວ່າ: ຫວຽດນາມຍິນດີຕັ້ງໜ້າຈັດຕັ້ງປະຕິບັດຕາມຄວາມຮັບຮູ້ທີ່ເປັນເອກະສັນກັນລະຫວ່າງສອງປະເທດ, ປຶກສາຫາລືກັນຢ່າງມີໄມຕີຈິດມິດຕະພາບເພື່ອແກ້ໄຂບັນຫາທີ່ກ່ຽວຂ້ອງຢ່າງເໝາະສົມ.
ຈາກເລື່ອງນີ້, ນາງປີໂດຼຊາໄດ້ຫວນຄືນເຖິງກອງປະຊຸມສົນທະນາແຊງກຼີລາທີ່ຈັດຂຶ້ນຢູ່ສິງກະໂປໃນຫວ່າງກ່ອນນີ້ບໍ່ດົນ.ທ່ານເຫັນວ່າ:ຄວາມຈິງແລ້ວ,ໃນເວລານັ້ນ, ທ່ານຫວຽນເຕິນຢຸງ ນາຍົກລັດຖະມົນຕີຫວຽດນາມໄດ້ກ່າວເປັນໃນວ່າຫວຽດນາມຈະໃຊ້ວິທີໃໝ່ໃນການປະຕິບັດຕໍ່ບັນຫາທະເລຈີນໃຕ້, ແຕ່ຄວາມເວົ້າຂອງທ່ານຖືກສື່ມວນຊົນເຂົ້າໃຈຜິດແລ້ວ.
ບົດຄວາມຍັງໄດ້ປຽບທຽບບົດລາຍງານທີ່ກ່ຽວຂ້ອງຂອງສື່ມວນຊົນຟີລິບປິນແລະຫວຽດນາມໃນໄລຍະມໍ່ໆມານີ້. ນາງປີໂດຼຊາກ່າວວ່າ, ໃນຂະນະທີ່ສື່ມວນຊົນຟີລິບປິນຍັງຫຼົງໄຫຼນຳການລາຍງານຖ້ອຍຄຳຂອງເຈົ້າໜ້າທີ່ການຕ່າງປະເທດອາເມລິກາທີ່ຮັບຜິດຊອບວຽກງານອາຊີຕາເວັນອອກຜູ້ໜຶ່ງກ່ຽວກັບ "ຈີນນາບຂູ່ແລະຂົ່ມເຫັງຜູ້ອ່ອນນ້ອຍໃນພາກພື້ນ"ນັ້ນ, ສື່ມວນຊົນຫວຽດນາມໄດ້ຍ້ອງຍໍໃນລະດັບສູງຕໍ່ການຢ້ຽມຢາມຈີນທາງລັດຖະກິດເປັນເທື່ອທຳອິດຂອງທ່ານປະທານເຈືອງເຕີນຊ່າງ.
ໃນເວລາເວົ້າເຖິງຈຸດປະສົງໃນການຂຽນບົດຄວາມດັ່ງກ່າວນີ້, ນາງປີໂດຼຊາຊີ້ອອກວ່າ: ນາງຂຽນບົດຄວາມນີ້ແມ່ນເພື່ອສົ່ງເສີມໃຫ້ປະຊາຊົນສອງຊາດຈີນຟີລິບປິນຈະສາມາດສືບຕໍ່ທຳຄວາມພະຍາຍາມໃນການແກ້ໄຂຄວາມຂັດແຍ່ງຢູ່ທະເລຈີນໃຕ້ດ້ວຍສັນຕິວິທີ. ຕາມທັດສະນະຂອງນາງເຫັນວ່າ: ຫວຽດນາມໄດ້ນຳໜ້າໄປບາດກ້າວໜຶ່ງໃນດ້ານນີ້ແລ້ວ, ນີ້ສະແດງໃຫ້ເຫັນເຖິງຄວາມອາດເປັນໄປໄດ້ໃນການໃຊ້ວິທີທົດແທນ. ນາງປີໂດຼຊາຮຽກຮ້ອງໃຫ້ຟີລິບປິນຄວນເອົາໃຈໃສ່ຄວາມຄືບໜ້າໃໝ່ຂອງ "ແບບຢ່າງຂອງຫວຽດນາມ", ຖ້າບໍ່ດັ່ງນັ້ນ, ຟີລິບປິນຈະຖືກປັດເຂ່ຍອອກຈາກການພັດທະນາໃນພາກພື້ນ. ສຸດທ້າຍ, ນາງປີໂດຼຊາເຫັນວ່າ: ຮອດເວລາທີ່ຟີລິບປິນຈະໄດ້ພິຈາລະນາກະທຳໃນສິ່ງທີ່ຄືທີ່ຫວຽດນາມໄດ້ເຮັດຜ່ານມາແລ້ວ.
