ລັດຖະບານລາວຕັ້ງໜ້າກະກຽມເຂົ້າຮ່ວມງານວາງສະແດງສິນຄ້າຈີນ-ອາຊຽນຄັ້ງທີ10
(GMT+08:00) 2013-07-05 15:22:32 cri
ລາວໄດ້ເຮັດສຳເລັດວຽກກະກຽມທຸກດ້ານຕາມແຜນການເພື່ອເຂົ້າຮ່ວມງານວາງສະແດງສິນຄ້າຈີນ-ອາຊຽນຄັ້ງທີ 10. ຄະນະກຳມະການກະກຽມຝ່າຍລາວໂດຍການເປັນປະທານຂອງຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດລາວພ້ອມດ້ວຍກອງເລຂາທີ່ຮັບຜິດຊອບວຽກງານກ່ຽວກັບງານວາງສະແດງແລະໜ່ວຍງານສະເພາະໄດ້ຮັບການພິຈາລະນາແລະອະນຸມັດຈາກລັດຖະບານໃນການເຫັນດີທີ່ໄດ້ສະເໜີເອົານະຄອນຫຼວງວຽງຈັນເປັນ ເມືອງທີ່ມີສະເໜ່ຂອງລາວ ເພື່ອນຳໄປວາງສະແດງຢູ່ໃນງານ, ຄະນະຜູ້ແທນຂັ້ນສູງແລະບໍລິສັດລາວທີ່ຈະເຂົ້າຮ່ວມງານກໍ່ຈະເຮັດວຽກງານກະກຽມດ້ານຕ່າງໆໃຫ້ສຳເລັດໃນໄລຍະໃກ້ໆນີ້.
ງານວາງສະແດງສິນຄ້າຈີນ-ອາຊຽນຄັ້ງທີ 10 ຈະຈັດຂຶ້ນຢູ່ສູນປະຊຸມແລະວາງສະແດງສາກົນນານໜິງຂອງເຂດປົກຄອງຕົນເອງເຜົ່າຈວ້າງກວາງຊີຈີນໃນເດືອນກັນຍາປີ2013ນີ້. ງານວາງສະແດງຄັ້ງນີ້ມີຫົວຂໍ້ວ່າ "ໂອກາດໃໝ່, ກຳລັງແຮງໃໝ່ແລະໄລຍະໃໝ່ແຫ່ງການຮ່ວມມືແລະການພັດທະນາໃນພາກພື້ນ " . ຈີນທີ່ເປັນປະເທດເຈົ້າພາບໄດ້ຈັດຫາຮ້ານວາງສະແດງ85ບ່ອນໃຫ້ລາວ, ເພື່ອ ເຂົ້າຮ່ວມການວາງສະແດງພາຍໃຕ້ຫົວຂໍ້ສະເພາະ5ຂໍ້ຄື ທຸລະກິດການຄ້າ, ການຮ່ວມມືດ້ານການລົງທຶນ, ເຕັກໂນໂລຊີທີ່ກ້າວໜ້າ, ການຄ້າການບໍລິການແລະ ເມືອງທີ່ມີສະເໜ່ຂອງບັນດາປະເທດສະມາຊິກອາຊຽນ.
ງານວາງສະແດງສິນຄ້າຈີນ-ອາຊຽນຄັ້ງທີ 10 ຈະຈັດຂຶ້ນຢູ່ສູນປະຊຸມແລະວາງສະແດງສາກົນນານໜິງຂອງເຂດປົກຄອງຕົນເອງເຜົ່າຈວ້າງກວາງຊີຈີນໃນເດືອນກັນຍາປີ2013ນີ້. ງານວາງສະແດງຄັ້ງນີ້ມີຫົວຂໍ້ວ່າ "ໂອກາດໃໝ່, ກຳລັງແຮງໃໝ່ແລະໄລຍະໃໝ່ແຫ່ງການຮ່ວມມືແລະການພັດທະນາໃນພາກພື້ນ " . ຈີນທີ່ເປັນປະເທດເຈົ້າພາບໄດ້ຈັດຫາຮ້ານວາງສະແດງ85ບ່ອນໃຫ້ລາວ, ເພື່ອ ເຂົ້າຮ່ວມການວາງສະແດງພາຍໃຕ້ຫົວຂໍ້ສະເພາະ5ຂໍ້ຄື ທຸລະກິດການຄ້າ, ການຮ່ວມມືດ້ານການລົງທຶນ, ເຕັກໂນໂລຊີທີ່ກ້າວໜ້າ, ການຄ້າການບໍລິການແລະ ເມືອງທີ່ມີສະເໜ່ຂອງບັນດາປະເທດສະມາຊິກອາຊຽນ.
