ທະນາຄານໂລກປັບຫຼຸດການຄາດຄະເນຈັງຫວະການເຕີບໂຕດ້ານເສດຖະກິດຂອງອິນໂດເນເຊຍໃນປີ2013ນີ້
(GMT+08:00) 2013-07-09 11:11:36 cri
ເມື່ອມໍ່ໆມານີ້, ທະນາຄານໂລກໄດ້ເຜີຍແຜ່ຕົວເລກຄາດຄະເນຫຼ້າສຸດກ່ຽວກັບການເຕີບໂຕດ້ານເສດຖະກິດຂອງອິນໂດເນເຊຍຂອງປີ2013ນີ້,ໂດຍເຫັນວ່າ, ເສດຖະກິດອິນໂດເນເຊຍໃນປີນີ້ຍັງຈະປະສົບແຮງກົດດັນຈຳນວນໜຶ່ງ, ສະນັ້ນ ຈິ່ງປັບຫຼຸດການຄາດຄະເນການເຕີບໂຕດ້ານເສດຖະກິດຈາກ6,2% ລົງມາທີ່5,9%, ຄາດວ່າ, ອັດຕາໄພເງິນເຟີ້ຈະຢູ່ໃນລະດັບ 9%.
ຫວ່າງກ່ອນນີ້ບໍ່ດົນ ຢູ່ນະຄອນຫຼວງຈາກກາຕາຂອງອິນໂດເນເຊຍ, ທ່ານແມັກທາ ດີອົບ ຫົວໜ້ານັກເສດຖະສາດຂອງທະນາຄານໂລກກ່າວວ່າ, ທະນາຄານໂລກປັບຫຼຸດການຄາດຄະເນການເຕີບໂຕດ້ານເສດຖະກິດຂອງອິນໂດເນເຊຍແມ່ນຍ້ອນໄດ້ພິຈາລະນາເຖິງປັດໄຈຫຼາຍດ້ານຄື ລາຄາສິນຄ້າໃນຕະຫຼາດສາກົນໄດ້ຫຼຸດລົງ,ມັນຍ່ອມຈະເຮັດໃຫ້ມູນຄ່າການສົ່ງອອກສິນຄ້າຂອງອິນໂດເນເຊຍໃນປີນີ້ຫຼຸດໜ້ອຍລົງ, ທ່າອ່ຽງດ້ານການລົງທຶນຂອງຕ່າງປະເທດໃນໄຕມາດທີ 2 ສະແດງໃຫ້ເຫັນວ່າ, ໃນ 6 ເດືອນທ້າຍປີນີ້, ການລົງທຶນຈາກຕ່າງປະເທດຈະແຮ່ງໜ້ອຍກວ່າ 6 ເດືອນຕົ້ນປີນີ້; ຕະຫຼາດຫຸ້ນຂອງອິນໂດເນເຊຍໄດ້ຕົກຢູ່ໃນສະພາບຊຸດໂຊມມາໂດຍຕະຫຼອດ ໃນໄລຍະມໍ່ໆມານີ້, ຜູ້ລົງທຶນທັງພາຍໃນແລະຕ່າງປະເທດມີຄວາມສົນໃຈຫຼຸດລົງຢ່າງຫຼວງຫຼາຍໃນການຊື້ບັດຫຸ້ນສ່ວນຫຼືຫຼັກຊັບ.
ນອກນີ້, ເຖິງວ່າລັດຖະບານອິນໂດເນເຊຍມີແຜນຈະຄວບຄຸມອັດຕາໄພເງິນເຟີ້ທີ່ເກີດຂຶ້ນຍ້ອນລາຄານ້ຳມັນເຊື້ອໄຟຖີບຕົວສູງຂຶ້ນນັ້ນໃຫ້ຢູ່ໃນລະດັບ7,2%ກໍ່ຕາມ, ແຕ່ວ່າທະນາຄານໂລກຄາດຄະເນວ່າມັນຈະສູງຂຶ້ນເຖິງ 9%, ແລະຈົນເຖິງກາງປີ2014ຈິ່ງຈະຟື້ນຟູຄືນເປັນປົກກະຕິໄດ້.
ຫວ່າງກ່ອນນີ້ບໍ່ດົນ ຢູ່ນະຄອນຫຼວງຈາກກາຕາຂອງອິນໂດເນເຊຍ, ທ່ານແມັກທາ ດີອົບ ຫົວໜ້ານັກເສດຖະສາດຂອງທະນາຄານໂລກກ່າວວ່າ, ທະນາຄານໂລກປັບຫຼຸດການຄາດຄະເນການເຕີບໂຕດ້ານເສດຖະກິດຂອງອິນໂດເນເຊຍແມ່ນຍ້ອນໄດ້ພິຈາລະນາເຖິງປັດໄຈຫຼາຍດ້ານຄື ລາຄາສິນຄ້າໃນຕະຫຼາດສາກົນໄດ້ຫຼຸດລົງ,ມັນຍ່ອມຈະເຮັດໃຫ້ມູນຄ່າການສົ່ງອອກສິນຄ້າຂອງອິນໂດເນເຊຍໃນປີນີ້ຫຼຸດໜ້ອຍລົງ, ທ່າອ່ຽງດ້ານການລົງທຶນຂອງຕ່າງປະເທດໃນໄຕມາດທີ 2 ສະແດງໃຫ້ເຫັນວ່າ, ໃນ 6 ເດືອນທ້າຍປີນີ້, ການລົງທຶນຈາກຕ່າງປະເທດຈະແຮ່ງໜ້ອຍກວ່າ 6 ເດືອນຕົ້ນປີນີ້; ຕະຫຼາດຫຸ້ນຂອງອິນໂດເນເຊຍໄດ້ຕົກຢູ່ໃນສະພາບຊຸດໂຊມມາໂດຍຕະຫຼອດ ໃນໄລຍະມໍ່ໆມານີ້, ຜູ້ລົງທຶນທັງພາຍໃນແລະຕ່າງປະເທດມີຄວາມສົນໃຈຫຼຸດລົງຢ່າງຫຼວງຫຼາຍໃນການຊື້ບັດຫຸ້ນສ່ວນຫຼືຫຼັກຊັບ.
ນອກນີ້, ເຖິງວ່າລັດຖະບານອິນໂດເນເຊຍມີແຜນຈະຄວບຄຸມອັດຕາໄພເງິນເຟີ້ທີ່ເກີດຂຶ້ນຍ້ອນລາຄານ້ຳມັນເຊື້ອໄຟຖີບຕົວສູງຂຶ້ນນັ້ນໃຫ້ຢູ່ໃນລະດັບ7,2%ກໍ່ຕາມ, ແຕ່ວ່າທະນາຄານໂລກຄາດຄະເນວ່າມັນຈະສູງຂຶ້ນເຖິງ 9%, ແລະຈົນເຖິງກາງປີ2014ຈິ່ງຈະຟື້ນຟູຄືນເປັນປົກກະຕິໄດ້.
