ນາຍົກລັດຖະມົນຕີຫວຽດນາມພົບປະກັບນາຍົກລັດຖະມົນຕີລາວ
(GMT+08:00) 2013-07-09 19:31:01 cri
ຕາມຂ່າວCRI: ຂ່າວສານຫວຽດນາມລາຍງານວ່າ, ວັນທີ 8 ກໍລະກົດນີ້, ທ່ານຫງວຽນເຕິນຢຸງ, ນາຍົກລັດຖະມົນຕີຫວຽດນາມໄດ້ພົບປະກັບທ່ານທອງສິງ ທຳມະວົງ, ນາຍົກລັດຖະມົນຕີລາວຢູ່ເມືອງວິງແຂວງອານຂອງຫວຽດນາມ, ສອງຝ່າຍໄດ້ສະແດງຄວາມຊົມເຊີຍຕໍ່ການສຳເລັດວຽກງານສຳຫຼວດເຫງະຢູ່ພາກສະໜາມແລະປັກຫຼັກໝາຍຊາຍແດນຖີ່ຢູ່ເຂດຊາຍແດນຂອງສອງປະເທດ ແລະ ງານສະຫຼອງການປັກຫຼັກໝາຍຊາຍແດນໃຫຍ່ເລກ 460 ຢູ່ດ່ານແທງຖຸຍແຂວງເຫງະອານຫວຽດນາມ - ດ່ານນ້ຳອອນແຂວງບໍລິຄຳໄຊຂອງລາວ.
ນາຍົກລັດຖະມົນຕີສອງທ່ານໄດ້ຕີລາຄາສູງຕໍ່ການສຳເລັດວຽກງານສຳຫຼວດຢູ່ພາກສະໜາມແລະປັກຫຼັກໝາຍຊາຍແດນຖີ່ຢູ່ເຂດຊາຍແດນລະຫວ່າງສອງປະເທດເທື່ອນີ້, ແລະຖືເປັນເຫດການການເມືອງທີ່ສຳຄັນໃນການຂະຫຍາຍການພົວພັນລະຫວ່າງສອງປະເທດ. ສອງຝ່າຍກ່າວຢ້ຳວ່າ, ຈະພະຍາຍາມເຮັດວຽກສຳຫຼວດແລະປັກຫຼັກໝາຍຊາຍແດນລະຫວ່າງສອງປະເທດໃຫ້ສຳເລັດຢ່າງຮອບດ້ານໃນປີ 2014. ນອກນີ້, ນາຍົກລັດຖະມົນຕີສອງປະເທດຍັງໄດ້ແລກປ່ຽນຄວາມຄິດຄວາມເຫັນກ່ຽວກັບການພົວພັນລະຫວ່າງສອງຝ່າຍແລະບັນຫາທີ່ສອງຝ່າຍສົນໃນຮ່ວມກັນ.
ມື້ດຽວກັນ, ນາຍົກລັດຖະມົນຕີສອງທ່ານໄດ້ເປັນສັກຂີພິຍານໃນພິທີເຊັນສັນຍາກ່ຽວກັບການແກ້ໄຂບັນຫາການຍົກຍ້າຍຕາມລຳພັງແລະການແຕ່ງດອງສ້າງຄອບຄົວແບບຜິດກົດໝາຍລະຫວ່າງຫວຽດນາມກັບລາວ.
ນາຍົກລັດຖະມົນຕີສອງທ່ານໄດ້ຕີລາຄາສູງຕໍ່ການສຳເລັດວຽກງານສຳຫຼວດຢູ່ພາກສະໜາມແລະປັກຫຼັກໝາຍຊາຍແດນຖີ່ຢູ່ເຂດຊາຍແດນລະຫວ່າງສອງປະເທດເທື່ອນີ້, ແລະຖືເປັນເຫດການການເມືອງທີ່ສຳຄັນໃນການຂະຫຍາຍການພົວພັນລະຫວ່າງສອງປະເທດ. ສອງຝ່າຍກ່າວຢ້ຳວ່າ, ຈະພະຍາຍາມເຮັດວຽກສຳຫຼວດແລະປັກຫຼັກໝາຍຊາຍແດນລະຫວ່າງສອງປະເທດໃຫ້ສຳເລັດຢ່າງຮອບດ້ານໃນປີ 2014. ນອກນີ້, ນາຍົກລັດຖະມົນຕີສອງປະເທດຍັງໄດ້ແລກປ່ຽນຄວາມຄິດຄວາມເຫັນກ່ຽວກັບການພົວພັນລະຫວ່າງສອງຝ່າຍແລະບັນຫາທີ່ສອງຝ່າຍສົນໃນຮ່ວມກັນ.
ມື້ດຽວກັນ, ນາຍົກລັດຖະມົນຕີສອງທ່ານໄດ້ເປັນສັກຂີພິຍານໃນພິທີເຊັນສັນຍາກ່ຽວກັບການແກ້ໄຂບັນຫາການຍົກຍ້າຍຕາມລຳພັງແລະການແຕ່ງດອງສ້າງຄອບຄົວແບບຜິດກົດໝາຍລະຫວ່າງຫວຽດນາມກັບລາວ.
