ຄະນະຜູ້ແທນເຈົ້າໜ້າທີ່ລາວມາທັດສະນະສຶກສາແລະແລກປ່ຽນຄວາມຄິດຄວາມເຫັນຢູ່ຈີນ
ໂດຍຕອບສະໜອງຕາມຄຳເຊີນຂອງຈີນ, ຫວ່າງມໍ່ໆນີ້, ຄະນະຜູ້ແທນເຈົ້າໜ້າທີ່ລາວ 26 ຄົນທີ່ນຳໂດຍທ່ານບຸນຄົງ ຫຼ້າຄຳໄຊ ຮອງຫົວໜ້າສະຖາບັນການເມືອງແລະການປົກຄອງແຫ່ງຊາດລາວໄດ້ເດີນທາງມາຈີນເພື່ອດຳເນີນການທັດສະນະສຶກສາ ແລະ ແລກປ່ຽນເປັນເວລາ 10 ມື້. ກ່ອນອອກເດີນທາງ, ສະຖານທູດຈີນປະຈຳລາວໄດ້ຈັດພິທີສົ່ງຄະນະຜູ້ແທນດັ່ງກ່າວ.
ທ່ານກ່ວນຮວ້າປີ່ງ ເອກອັກຄະລັດຖະທູດຈີນປະຈຳລາວກ່າວວ່າ, ຈີນ ກັບ ລາວແມ່ນປະເທດບ້ານໃກ້ເຮືອນຄຽງທີ່ມີອຸດົມຄະຕິຮ່ວມກັນ, ຈີນຍິນດີສືບຕໍ່ເພິ່ມທະວີການແລກປ່ຽນ ແລະ ການຮ່ວມມືກັບບັນດາສະຫາຍລາວ, ຊົມໃຊ້ບົດຮຽນທີ່ສຳເລັດຜົນເຊິ່ງກັນແລະກັນ, ຊຸກຍູ້ການກໍ່ສ້າງ ແລະ ການພັດທະນາຂອງສອງປະເທດໃຫ້ໄວຍິ່ງຂຶ້ນ
ທ່ານບຸນຄົງໄດ້ຂອບໃຈຕໍ່ພັກ ແລະ ລັດຖະບານຈີນທີ່ໃຫ້ການຊ່ວຍເຫຼືອອັນລ້ຳຄ່າຕໍ່ພາລະກິດສ້າງສາປະເທດຂອງພັກ ແລະ ລັດລາວ, ແລະກ່າວວ່າ, ຈະໃຊ້ໂອກາດນີ້ຢ່າງເຕັມທີ່, ທັດສະນະສຶກສາແລະຮ່ຳຮຽນເອົາບົດຮຽນ ແລະ ວິທີທີ່ໄດ້ຮັບຜົນສຳເລັດໃນດ້ານການພັດທະນາຂອງຈີນ, ປະກອບສ່ວນອັນຕັ້ງໜ້າເຂົ້າໃນການຊຸກຍູ້ການສ້າງສາພັດທະນາຊາດລາວ ແລະ ຂະຫຍາຍການພົວພັນຄູ່ຮ່ວມມືຍຸດທະສາດອັນຮອບດ້ານລະຫວ່າງລາວ-ຈີນ.
