ໂຄສົກກະຊວງປ້ອງກັນປະເທດຈີນຖະແຫຼງກ່ຽວກັບການທີ່ລັດຖະບານຍີ່ປຸ່ນເຜີຍແຜ່ "ປື້ມປົກຂາວປ້ອງກັນຕົວ"ປີ 2013
(GMT+08:00) 2013-07-12 20:05:40 cri
ວັນທີ 11 ກໍລະກົດນີ້, ທ່ານເກິງເຢ້ນເຊິ່ງ, ໂຄສົກກະຊວງປ້ອງກັນປະເທດຈີນກ່າວວ່າ, "ປື້ມປົກຂາວປ້ອງກັນຕົວ"ປີ 2013ທີ່ຍີ່ປຸ່ນເຜີຍແຜ່ນັ້ນບໍ່ເອົາຫົວຊານຳຕໍ່ຄວາມເປັນຈິງ, ໄດ້ເວົ້າໂຍກເຖິງ "ໄພຂົ່ມຂູ່ດ້ານການທະຫານຂອງຈີນ", ມີເຈດຕະນາຢາກຍຸແຍການພົວພັນລະຫວ່າງຈີນກັບປະເທດຂ້ອມຂ້າງໃຫ້ໄປໃນທາງທີ່ບໍ່ດີ, ກອງທັບຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ເລື່ອງນີ້, ແລະໄດ້ຕໍ່ວ່າທັກທ້ວງ ຍີ່ປຸ່ນຢ່າງເຄັ່ງຂຶມ.
ທ່ານເກິງເຢ້ນເຊິ່ງກ່າວວ່າ, ຈີນຍຶດໝັ້ນເດີນໄປຕາມເສັ້ນທາງການພັດທະນາໂດຍສັນຕິຢ່າງເດັດດ່ຽວໜຽວແໜ້ນ, ປະຕິບັດນະໂຍບາຍປ້ອງກັນປະເທດທີ່ມີລັກສະນະແບບປ້ອງກັນຕົວ, ຈຸດປະສົງທາງດ້ານຍຸດທະສາດໃນການພັດທະນາກຳລັງການທະຫານແມ່ນມີຄວາມຈະແຈ້ງ, ແລະສຸມໃສ່ການປົກປັກຮັກສາສັນຕິພາບແລະສະຖຽນລະພາບຂອງໂລກມາໂດຍຕະຫຼອດ. ນອກນີ້, ຈີນມີຄວາມຕັດສິນໃຈແລະຄວາມຕັ້ງໃຈຢ່າງເດັດດ່ຽວໜຽວແໜ້ນໃນການປົກປ້ອງອະທິປະໄຕແລະຜືນແຜ່ນດິນອັນຄົບຖ້ວນຂອງຕົນ, ການເຄື່ອນໄຫວທີ່ກ່ຽວຂ້ອງຂອງຈີນແມ່ນຕຳນິບໍ່ໄດ້.
ທ່ານເກິງເຢ້ນເຊິ່ງຊີ້ອອກວ່າ, ໃນຊຸມປີມໍ່ໆມານີ້, ຍີ່ປຸ່ນໄດ້ເພີ່ມອາວຸດຍຸດໂທປະກອນດ້ວຍຂໍ້ອ້າງຕ່າງໆນາໆ, ພັດທະນາກຳລັງຕໍ່ສູ້ທີ່ມີລັກສະນະບຸກໂຈມຕີ, ຊັກຊວນໃຫ້ປະເທດທີ່ຢູ່ນອກພາກພື້ນນີ້ຈັດການຊ້ອມຮົບຮ່ວມເລື້ອຍໆ. ຜູ້ນຳຍີ່ປຸ່ນກໍ່ໄດ້ກ່າວຄວາມເວົ້າທີ່ບໍ່ມີຄວາມຮັບຜິດຊອບເລື້ອຍໆ, ໂດຍມີຈຸດປະສົງຢາກພິດປີ້ນຄວາມເປັນຈິງໃນປະເທດທາງປະຫວັດສາດທີ່ຍີ່ປຸ່ນກໍ່ສົງຄາມຮຸກຮານໃນສະໄໝສົງຄາມໂລກຄັ້ງທີ 2 . ຈີນຮຽກຮ້ອງໃຫ້ຍີ່ປຸ່ນສຳຫຼວດຕົນເອງຄືນໃໝ່ໃນດ້ານປະຫວັດການຮຸກຮານຢ່າງເລິກເຊິ່ງ, ເດີນໄປຕາມເສັ້ນທາງການພັດທະນາໂດຍສັນຕິ ເພື່ອໃຫ້ໄດ້ຮັບຄວາມໄວ້ເນື້ອເຊື່ອໃຈຈາກປະເທດໃກ້ຄຽງດ້ວຍການກະທຳຕົວຈິງ.
ທ່ານເກິງເຢ້ນເຊິ່ງກ່າວວ່າ, ຈີນຍຶດໝັ້ນເດີນໄປຕາມເສັ້ນທາງການພັດທະນາໂດຍສັນຕິຢ່າງເດັດດ່ຽວໜຽວແໜ້ນ, ປະຕິບັດນະໂຍບາຍປ້ອງກັນປະເທດທີ່ມີລັກສະນະແບບປ້ອງກັນຕົວ, ຈຸດປະສົງທາງດ້ານຍຸດທະສາດໃນການພັດທະນາກຳລັງການທະຫານແມ່ນມີຄວາມຈະແຈ້ງ, ແລະສຸມໃສ່ການປົກປັກຮັກສາສັນຕິພາບແລະສະຖຽນລະພາບຂອງໂລກມາໂດຍຕະຫຼອດ. ນອກນີ້, ຈີນມີຄວາມຕັດສິນໃຈແລະຄວາມຕັ້ງໃຈຢ່າງເດັດດ່ຽວໜຽວແໜ້ນໃນການປົກປ້ອງອະທິປະໄຕແລະຜືນແຜ່ນດິນອັນຄົບຖ້ວນຂອງຕົນ, ການເຄື່ອນໄຫວທີ່ກ່ຽວຂ້ອງຂອງຈີນແມ່ນຕຳນິບໍ່ໄດ້.
ທ່ານເກິງເຢ້ນເຊິ່ງຊີ້ອອກວ່າ, ໃນຊຸມປີມໍ່ໆມານີ້, ຍີ່ປຸ່ນໄດ້ເພີ່ມອາວຸດຍຸດໂທປະກອນດ້ວຍຂໍ້ອ້າງຕ່າງໆນາໆ, ພັດທະນາກຳລັງຕໍ່ສູ້ທີ່ມີລັກສະນະບຸກໂຈມຕີ, ຊັກຊວນໃຫ້ປະເທດທີ່ຢູ່ນອກພາກພື້ນນີ້ຈັດການຊ້ອມຮົບຮ່ວມເລື້ອຍໆ. ຜູ້ນຳຍີ່ປຸ່ນກໍ່ໄດ້ກ່າວຄວາມເວົ້າທີ່ບໍ່ມີຄວາມຮັບຜິດຊອບເລື້ອຍໆ, ໂດຍມີຈຸດປະສົງຢາກພິດປີ້ນຄວາມເປັນຈິງໃນປະເທດທາງປະຫວັດສາດທີ່ຍີ່ປຸ່ນກໍ່ສົງຄາມຮຸກຮານໃນສະໄໝສົງຄາມໂລກຄັ້ງທີ 2 . ຈີນຮຽກຮ້ອງໃຫ້ຍີ່ປຸ່ນສຳຫຼວດຕົນເອງຄືນໃໝ່ໃນດ້ານປະຫວັດການຮຸກຮານຢ່າງເລິກເຊິ່ງ, ເດີນໄປຕາມເສັ້ນທາງການພັດທະນາໂດຍສັນຕິ ເພື່ອໃຫ້ໄດ້ຮັບຄວາມໄວ້ເນື້ອເຊື່ອໃຈຈາກປະເທດໃກ້ຄຽງດ້ວຍການກະທຳຕົວຈິງ.
