ທ່ານສີຈິ້ນພີງກ່າວເນັ້ນໃຫ້ລະດົມຄວາມຫ້າວຫັນຂອງພະນັກງານແລະປະຊາຊົນຢ່າງເຕັມສ່ວນເພື່ອຮັບປະກັນກິດຈະກຳການສຶກສາແລະພຶດຕິກຳດຳເນີນໄປເປັນຢ່າງດີ
ຕາມຂ່າວສານຊິນຮວາ: ໃນເວລາລົງໄປສຳຫຼວດຄົ້ນຄວ້າຢູ່ແຂວງເຫີເປ,ທ່ານສີຈິ້ນພີງ,ເລຂາທິການໃຫຍ່ສູນກາງພັກຄອມມູນິດຈີນ,ປະທານປະເທດ,ປະທານຄະນະກຳມະການສູນກາງກ່າວເນັ້ນວ່າ,ຕ້ອງລະດົມຄວາມຫ້າວຫັນຂອງພະນັກງານນຳແລະປະຊາຊົນທັງຫຼາຍຢ່າງເຕັມສ່ວນ, ລົງເລິກຮ່ຳຮຽນ,ສຶກສາແລະຮັບຟັງຄວາມເຫັນຢ່າງກວ້າງຂວາງ,ເພື່ອຮັບປະກັນກິດຈະກຳການສຶກສາແລະພຶດຕິກຳດຳເນີນໄປເປັນຢ່າງດີຢ່າງສະເໝີຕົ້ນສະເໝີປາຍ.
ໃນວັນທີ11-12ກໍລະກົດນີ້,ທ່ານສີຈິ້ນພີງລົງໄປສຳຫຼວດຄົ້ນຄວ້າແລະຊີ້ນຳກິດຈະກຳການສຶກສາແລະພຶດຕິກຳກ່ຽວກັບແນວທາງປະຊາຊົນຂອງພັກຢູ່ຊົນນະບົດແລະກົງຈັກລັດຖະບານແຂວງເຫີເປ. ທ່ານສີຈິ້ນພີງຊີ້ອອກວ່າ,ການທີ່ລະດົມຄວາມຫ້າວຫັນຂອງພະນັກງານນຳແລະປະຊາຊົນທັງຫຼາຍ,ການທີ່ສ້າງພື້ນຖານແຫ່ງການຮ່ຳຮຽນສຶກສາແລະສຳຫຼວດກວດກາບັນຫາໃຫ້ດີ,ການທີ່ກຳແໜ້ນການປັບປຸງຈັດຕັ້ງປະຕິບັດ ແລະການສ້າງລະບຽບການນັ້ນ,ແມ່ນສຳຄັນທີ່ສຸດຕໍ່ການເຮັດໃຫ້ກິດຈະກຳການສຶກສາແລະພຶດຕິກຳໄດ້ຮັບປະສິດທິຜົນຕົວຈິງ. ຕ້ອງອອກແຮງເພີ່ມທະວີຄວາມເປັນເຈົ້າການໃນດ້ານແນວຄຶດແລະການກະທຳ,ຊຸກຍູ້ສະມາຊິກພັກແລະພະນັກງານທັງຫຼາຍຍົກສູງຄວາມເປັນເຈົ້າການແລະຄວາມເດັດດ່ຽວໃນການຈັດຕັ້ງປະຕິບັດແນວທາງປະຊາຊົນຂອງພັກ,ຖືການປະຕິບັດວິໄນຢ່າງເຄັ່ງຄັດເປັນມາດຕະການສຳຄັນ,ແລະອອກແຮງຮັບປະກັນໃຫ້ດຳເນີນກິດຈະກຳຢ່າງປອດໃສ.
