ລັດຖະບານມຽນມາກັບກຸ່ມປະກອບອາວຸດຂອງຊົນເຜົ່າສ່ວນໜ້ອຍລັດວາລົງນາມສັນຍາຄວາມໄວ້ເນື້ອເຊື່ອໃຈກັນ
(GMT+08:00) 2013-07-15 11:56:48 cri
ຕາມສື່ມວນຊົນແຫ່ງຊາດມຽນມາລາຍງານໃນວັນທີ 13 ກໍລະກົດນີ້ວ່າ,ວັນທີ 12ກໍລະກົດນີ້, ລັດຖະບານມຽນມາກັບກຸ່ມປະກອບອາວຸດຂອງຊົນເຜົ່າສ່ວນໜ້ອຍລັດວາ ທາງພາກເໜືອຂອງມຽນມາຄື ກອງກຳລັງປະສົມລັດວາໄດ້ລົງນາມສັນຍາວ່າດ້ວຍຄວາມໄວ້ເນື້ອເຊື່ອໃຈກັນ. ນັກວິເຄາະເຫັນວ່າ, ການເຊັນສັນຍາເທື່ອນີ້ຈະສາມາດຊ່ວຍຜ່ອນຄາຍສະຖານະການທີ່ເຄັ່ງຕຶງ ລະຫວ່າງກອງທັບລັດຖະບານກັບກອງກຳລັງປະສົມລັດວາ, ມຽນມາໄດ້ຢ່ວງບາດກ້າວອີກກ້າວໜຶ່ງໄປສູ່ສັນຕິພາບພາຍໃນແລະຄວາມປອງດອງຊາດ.
ຕາມໄດ້ຮູ້ວ່າ, ສັນຍາສະບັບດັ່ງກ່າວນີ້ມີຈຸດສຳຄັນ5ຂໍ້ຊຶ່ງລວມທັງການຮຽກຮ້ອງໃຫ້ສອງ ຝ່າຍດຳເນີນການປຶກສາຫາລືໂດຍທັນທີໃນເວລາເກີດບັນຫາດ້ານການທະຫານ, ນອກຈາກນັ້ນກອງທັບລັດຖະບານກັບກອງກຳລັງປະສົມລັດວາຈະດຳເນີນການຮ່ວມມືກັນໃນການປາບປາມຢາເສບຕິດແລະບັນຫາການພັດທະນາຂອງທ້ອງຖິ່ນເຫຼົ່ານີ້ເປັນຕົ້ນ. ນອກນີ້, ສັນຍາສະບັບນີ້ຍັງໃຫ້ຄຳໝັ້ນສັນຍາວ່າ, ກອງກຳລັງປະສົມລັດວາຈະບໍ່ຖືກຕັດແຍກອອກຈາກສະຫະພາບມຽນມາ.
ເນື່ອງຈາກວ່າ ນັບຕັ້ງແຕ່ທ່ານເທັນເຊັນ ປະທານາທິບໍດີມຽນມາຂຶ້ນກ ຳອຳນາດໃນປີ2011ເປັນຕົ້ນມາ, ທ່ານໄດ້ຕັ້ງໜ້າຊຸກຍູ້ຂະບວນການປອງ ດອງຊາດແລະ ປະຊາທິປະໄຕ, ນັບມາຮອດເດືອນມິຖຸນາປີ2013ນີ້, ລັດຖະບານມຽນມາໄດ້ເຊັນສັນຍາຢຸດ ຍິງໃນເບື້ອງຕົ້ນກັບກຸ່ມປະກອບອາວຸດຊົນເຜົ່າສ່ວນໜ້ອຍທີ່ສຳຄັນທັງໝົດ 11 ກຸ່ມຂອງມຽນມາ. ແຕ່ວ່າ, ມີນັກວິເຄາະຊີ້ອອກວ່າ, ບັນຫາຊົນເຜົ່າຂອງມຽນມາມີຄວາມສັບສົນຫຼາຍ, ລັດຖະ ບານ ມຽນມາຕ້ອງການເຊັນສັນຍາສັນຕິພາບຖາວອນກັບກຸ່ມປະກອບອາວຸດຊົນເຜົ່າສ່ວນໜ້ອຍທັງໝົດຢູ່ພາຍໃນປະເທດແຕ່ກໍ່ຕ້ອງໃຊ້ເວລາໄລຍະໜຶ່ງ.
ຕາມໄດ້ຮູ້ວ່າ, ສັນຍາສະບັບດັ່ງກ່າວນີ້ມີຈຸດສຳຄັນ5ຂໍ້ຊຶ່ງລວມທັງການຮຽກຮ້ອງໃຫ້ສອງ ຝ່າຍດຳເນີນການປຶກສາຫາລືໂດຍທັນທີໃນເວລາເກີດບັນຫາດ້ານການທະຫານ, ນອກຈາກນັ້ນກອງທັບລັດຖະບານກັບກອງກຳລັງປະສົມລັດວາຈະດຳເນີນການຮ່ວມມືກັນໃນການປາບປາມຢາເສບຕິດແລະບັນຫາການພັດທະນາຂອງທ້ອງຖິ່ນເຫຼົ່ານີ້ເປັນຕົ້ນ. ນອກນີ້, ສັນຍາສະບັບນີ້ຍັງໃຫ້ຄຳໝັ້ນສັນຍາວ່າ, ກອງກຳລັງປະສົມລັດວາຈະບໍ່ຖືກຕັດແຍກອອກຈາກສະຫະພາບມຽນມາ.
ເນື່ອງຈາກວ່າ ນັບຕັ້ງແຕ່ທ່ານເທັນເຊັນ ປະທານາທິບໍດີມຽນມາຂຶ້ນກ ຳອຳນາດໃນປີ2011ເປັນຕົ້ນມາ, ທ່ານໄດ້ຕັ້ງໜ້າຊຸກຍູ້ຂະບວນການປອງ ດອງຊາດແລະ ປະຊາທິປະໄຕ, ນັບມາຮອດເດືອນມິຖຸນາປີ2013ນີ້, ລັດຖະບານມຽນມາໄດ້ເຊັນສັນຍາຢຸດ ຍິງໃນເບື້ອງຕົ້ນກັບກຸ່ມປະກອບອາວຸດຊົນເຜົ່າສ່ວນໜ້ອຍທີ່ສຳຄັນທັງໝົດ 11 ກຸ່ມຂອງມຽນມາ. ແຕ່ວ່າ, ມີນັກວິເຄາະຊີ້ອອກວ່າ, ບັນຫາຊົນເຜົ່າຂອງມຽນມາມີຄວາມສັບສົນຫຼາຍ, ລັດຖະ ບານ ມຽນມາຕ້ອງການເຊັນສັນຍາສັນຕິພາບຖາວອນກັບກຸ່ມປະກອບອາວຸດຊົນເຜົ່າສ່ວນໜ້ອຍທັງໝົດຢູ່ພາຍໃນປະເທດແຕ່ກໍ່ຕ້ອງໃຊ້ເວລາໄລຍະໜຶ່ງ.
