ເຈົ້າໜ້າທີ່ຂອງ5ປະເທດປຶກສາຫາລືແຜນການໄລຍະຍາວເພື່ອແກ້ໄຂບັນຫາໝອກຄວັນ
(GMT+08:00) 2013-07-16 16:51:46 cri
ວັນທີ 15 ກໍລະກົດນີ້, ເຈົ້າໜ້າທີ່ກະຊວງອະນຸລັກສິ່ງແວດລ້ອມ40ທ່ານທີ່ມາຈາກ5ປະເທດຄືສິງກະໂປ, ມະເລເຊຍ,ອິນໂດເນເຊຍ,ບຼູໄນແລະໄທໄດ້ປະຊຸມກັນຢູ່ນະຄອນຫຼວງກົວລາລຳເປີຂອງມະເລເຊຍເພື່ອປຶກສາຫາລືບັນຫາມົນລະພິດຈາກໝອກຄວັນ, ເພື່ອທຳການກະກຽມໃຫ້ແກ່ກອງປະຊຸມຄະນະກຳມະການລະດັບລັດຖະມົນຕີໃນການຊີ້ນຳວຽກງານໝອກຄວັນຂ້າມຊາຍແດນອະນຸພາກພື້ນແມ່ນ້ຳຂອງທີ່ຈະຈັດຂຶ້ນໃນວັນທີ 17ຫາວັນທີ 18 ເດືອນກໍລະກົດນີ້. ມະເລເຊຍກ່າວໃນຫວ່າງກ່ອນນີ້ວ່າ,ຝ່າຍມະເລເຊຍເຫັນວ່າ, ຄະນະກຳມະການລະດັບລັດຖະມົນຕີໃນການຊີ້ນຳວຽກງານໝອກຄວັນຂ້າມຊາຍແດນອະນຸພາກພື້ນແມ່ນ້ຳຂອງຈະບໍ່ສາມາດບັນລຸຄວາມເຫັນເປັນເອກະສັນກັນກ່ຽວກັບແຜນການແກ້ໄຂບັນຫາຢ່າງມີປະສິດທິຜົນໃນດ້ານການປ້ອງກັນໝອກຄວັນໄດ້.
ທ່ານປາລານີເວວ ລັດຖະມົນຕີວ່າການກະຊວງສິ່ງແວດລ້ອມມະເລເຊຍກ່າວວ່າ, ກອງປະຊຸມໃນຄັ້ງນີ້ຈະສຸມໃສ່ປຶກສາຫາລືແຜນການແກ້ໄຂບັນຫາໝອກຄວັນໄລຍະຍາວ.ຢູ່ໃນກອງປະຊຸມ, ມະເລເຊຍຈະປະສານສົມທົບຢ່າງໃກ້ຊິດກັບອິນໂດເນເຊຍແລະປະເທດສະມາຊິກອື່ນໆໃນອາຊຽນ, ເພື່ອບັນລຸຄວາມຮັບຮູ້ທີ່ເປັນເອກກະສັນກັນດ້ານຕ່າງໆເປັນກ້າວໆ. ທ່ານວີເລັມ ລາມປານກີເລ ລັດຖະມົນຕີຊ່ວຍວ່າການກະຊວງການຈັດສັນສະຫວັດດີພາບປະຊາຊົນໃຫ້ເປັນເອກະພາບກັນຂອງອິນໂດເນເຊຍກ່າວວ່າ, ການແກ້ໄຂບັນຫາໝອກຄວັນແມ່ນວຽກງານຮີບດ່ວນທີ່ສຸດໃນປະຈຸບັນຂອງອິນໂດເນເຊຍ.
ທ່ານປາລານີເວວ ລັດຖະມົນຕີວ່າການກະຊວງສິ່ງແວດລ້ອມມະເລເຊຍກ່າວວ່າ, ກອງປະຊຸມໃນຄັ້ງນີ້ຈະສຸມໃສ່ປຶກສາຫາລືແຜນການແກ້ໄຂບັນຫາໝອກຄວັນໄລຍະຍາວ.ຢູ່ໃນກອງປະຊຸມ, ມະເລເຊຍຈະປະສານສົມທົບຢ່າງໃກ້ຊິດກັບອິນໂດເນເຊຍແລະປະເທດສະມາຊິກອື່ນໆໃນອາຊຽນ, ເພື່ອບັນລຸຄວາມຮັບຮູ້ທີ່ເປັນເອກກະສັນກັນດ້ານຕ່າງໆເປັນກ້າວໆ. ທ່ານວີເລັມ ລາມປານກີເລ ລັດຖະມົນຕີຊ່ວຍວ່າການກະຊວງການຈັດສັນສະຫວັດດີພາບປະຊາຊົນໃຫ້ເປັນເອກະພາບກັນຂອງອິນໂດເນເຊຍກ່າວວ່າ, ການແກ້ໄຂບັນຫາໝອກຄວັນແມ່ນວຽກງານຮີບດ່ວນທີ່ສຸດໃນປະຈຸບັນຂອງອິນໂດເນເຊຍ.
