ນາຍົກລັດຖະມົນຕີອັງກິດພົບປະກັບປະທານາທິບໍດີມຽນມາ
(GMT+08:00) 2013-07-16 15:24:27 cri
ຕາມຂ່າວCRI: ວັນທີ 15 ກໍລະກົດນີ້, ທ່ານເດວິດ ຄາເມີຣອນ, ນາຍົກລັດຖະມົນຕີອັງກິດໄດ້ພົບປະກັບທ່ານເທັນເຊັນ, ປະທານາທິບໍດີມຽນມາທີ່ໄປຢ້ຽມຢາມ, ສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບບັນຫາຕ່າງໆທີ່ສອງຝ່າຍສົນໃຈຮ່ວມກັນ, ເຊັ່ນ: ການຮ່ວມມືດ້ານວຽກງານການປ້ອງກັນ, ການສອນການຮຽນພາສາອັງກິດ, ແລະການຮ່ວມມືໃນຂົງເຂດການລົງທຶນເປັນຕົ້ນ.
ທ່ານເທັນເຊັນແມ່ນຜູ້ນຳສູງສຸດຂອງມຽນມາຄົນທຳອິດທີ່ໄປຢ້ຽມຢາມອັງກິດໃນຮອບ 25 ປີ. ໃນການພົບປະເຈລະຈາທີ່ຈັດຂຶ້ນໃນມື້ດຽວກັນ, ທ່ານເທັນເຊັນໄດ້ແຈ້ງສະພາບຫຼ້າສຸດຂອງການຂ້າມຜ່ານທາງການເມືອງແລະການປະຕິຮູບທາງດ້ານເສດຖະກິດຂອງມຽນມາໃຫ້ທ່ານເດວິດ ຄາເມີຣອນໄດ້ຮັບຊາບ. ໃນເວລາກ່າວຄຳປາໄສໃນກິດຈະກຳອີກເທື່ອໜຶ່ງທີ່ຈັດຂຶ້ນໃນມື້ດຽວກັນ, ທ່ານເທັນເຊັນຍັງໄດ້ປະກາດວ່າ: ລັດຖະບານມຽນມາໄດ້ສ້າງຕັ້ງຄະນະກຳມະການສະເພາະກິດເພື່ອສຳຫຼວດຄະດີທີ່ກ່ຽວພັນກັບນັກໂທດດ້ານການເມືອງ, ຮອດທ້າຍປີນີ້, ລັດຖະບານຈະປ່ອຍຕົວນັກໂທດການເມືອງທັງໝົດ.
ພາຍຫຼັງສິ້ນສຸດການພົບປະເຈລະຈາ, ໂຄສົກສຳນັກງານນາຍົກລັດຖະມົນຕີອັງກິດເຜີຍໃຫ້ຮູ້ວ່າ, ທ່ານເດວິດ ຄາເມີຣອນໄດ້ສະແດງຄວາມຊົມເຊີຍຕໍ່ມຽນມາທີ່ມີຄວາມຄືບໜ້າໃນຂະບວນການຂ້າມຜ່ານທາງການເມືອງ ແລະຈະດຳເນີນການເລືອກຕັ້ງທົ່ວໄປຢ່າງເສລີແລະຍຸດຕິທຳໃນປີ 2015. ທ່ານຍັງໄດ້ເນັ້ນໜັກຄວາມສຳຄັນຂອງການດັດແກ້ທີ່ຈຳເປັນຕໍ່ລັດຖະທຳມະນູນຂອງມຽນມາ, ເພື່ອໃຫ້ນາງອອງຊານ ຊູຈີ, ຜູ້ນຳຝ່າຍຄ້ານສາມາດເຂົ້າຮ່ວມການເລືອກຕັ້ງ. ນອກນີ້, ທ່ານເດວິດ ຄາເມີຣອນຍັງໄດ້ສະແດງຄວາມເປັນຫ່ວງຕໍ່ການປະທະກັນລະຫວ່າງຊົນເຜົ່າພາຍໃນປະເທດມຽນມາ. ທ່ານກ່າວວ່າ, ອັງກິດຈະສະໜອງການຊ່ວຍເຫຼືອດ້ານການພັດທະນາໃຫ້ແກ່ມຽນມາ, ສະໜັບສະໜູນການພັດທະນາດ້ານເສດຖະກິດແລະຂະບວນການຂ້າມຜ່ານທາງການເມືອງຂອງມຽນມາ.
ທ່ານເທັນເຊັນແມ່ນຜູ້ນຳສູງສຸດຂອງມຽນມາຄົນທຳອິດທີ່ໄປຢ້ຽມຢາມອັງກິດໃນຮອບ 25 ປີ. ໃນການພົບປະເຈລະຈາທີ່ຈັດຂຶ້ນໃນມື້ດຽວກັນ, ທ່ານເທັນເຊັນໄດ້ແຈ້ງສະພາບຫຼ້າສຸດຂອງການຂ້າມຜ່ານທາງການເມືອງແລະການປະຕິຮູບທາງດ້ານເສດຖະກິດຂອງມຽນມາໃຫ້ທ່ານເດວິດ ຄາເມີຣອນໄດ້ຮັບຊາບ. ໃນເວລາກ່າວຄຳປາໄສໃນກິດຈະກຳອີກເທື່ອໜຶ່ງທີ່ຈັດຂຶ້ນໃນມື້ດຽວກັນ, ທ່ານເທັນເຊັນຍັງໄດ້ປະກາດວ່າ: ລັດຖະບານມຽນມາໄດ້ສ້າງຕັ້ງຄະນະກຳມະການສະເພາະກິດເພື່ອສຳຫຼວດຄະດີທີ່ກ່ຽວພັນກັບນັກໂທດດ້ານການເມືອງ, ຮອດທ້າຍປີນີ້, ລັດຖະບານຈະປ່ອຍຕົວນັກໂທດການເມືອງທັງໝົດ.
ພາຍຫຼັງສິ້ນສຸດການພົບປະເຈລະຈາ, ໂຄສົກສຳນັກງານນາຍົກລັດຖະມົນຕີອັງກິດເຜີຍໃຫ້ຮູ້ວ່າ, ທ່ານເດວິດ ຄາເມີຣອນໄດ້ສະແດງຄວາມຊົມເຊີຍຕໍ່ມຽນມາທີ່ມີຄວາມຄືບໜ້າໃນຂະບວນການຂ້າມຜ່ານທາງການເມືອງ ແລະຈະດຳເນີນການເລືອກຕັ້ງທົ່ວໄປຢ່າງເສລີແລະຍຸດຕິທຳໃນປີ 2015. ທ່ານຍັງໄດ້ເນັ້ນໜັກຄວາມສຳຄັນຂອງການດັດແກ້ທີ່ຈຳເປັນຕໍ່ລັດຖະທຳມະນູນຂອງມຽນມາ, ເພື່ອໃຫ້ນາງອອງຊານ ຊູຈີ, ຜູ້ນຳຝ່າຍຄ້ານສາມາດເຂົ້າຮ່ວມການເລືອກຕັ້ງ. ນອກນີ້, ທ່ານເດວິດ ຄາເມີຣອນຍັງໄດ້ສະແດງຄວາມເປັນຫ່ວງຕໍ່ການປະທະກັນລະຫວ່າງຊົນເຜົ່າພາຍໃນປະເທດມຽນມາ. ທ່ານກ່າວວ່າ, ອັງກິດຈະສະໜອງການຊ່ວຍເຫຼືອດ້ານການພັດທະນາໃຫ້ແກ່ມຽນມາ, ສະໜັບສະໜູນການພັດທະນາດ້ານເສດຖະກິດແລະຂະບວນການຂ້າມຜ່ານທາງການເມືອງຂອງມຽນມາ.
