ສະຖາບັນຂົງຈື້ມະຫາວິທະຍາໄລແຫ່ງຊາດລາວຝຶກອົບຮົມຄູສອນພາສາຈີນທີ່ເປັນຄົນລາວໃຫ້ແກ່ໂຮງຮຽນພາກເໜືອລາວ
(GMT+08:00) 2013-07-17 15:58:00 cri
ຊຸດອົບຮົມຄູສອນພາສາຈີນທີ່ເປັນຄົນລາວສຳລັບໂຮງຮຽນມັດທະຍົມ 8 ແຂວງພາກເໜືອລາວຊຸດທີ 2 ທີ່ສະຖາບັນຂົງຈື້ມະຫາວິທະຍາໄລແຫ່ງຊາດລາວເປັນຜູ້ຈັດຂຶ້ນນັ້ນໄດ້ເປີດການອົບຮົມຢ່າງເປັນທາງການໃນວັນທີ 15 ກໍລະກົດນີ້, ຄູສອນຈາກໂຮງຮຽນມັດທະຍົມທ້ອງຖິ່ນຂອງລາວ 16 ຄົນຈະໄດ້ຮັບການຝຶກອົບຮົມເປັນເວລາ 6 ອາທິດ.
ຂ່າວແຈ້ງວ່າ, ຊຸດອົບຮົມຄັ້ງນີ້ແມ່ນສະຖາບັນຂົງຈື້ມະຫາວິທະຍາໄລແຫ່ງຊາດລາວແລະພະແນກສຶກສາທິການຂອງບັນດາແຂວງພາກເໜືອລາວຮ່ວມກັນຈັດຂຶ້ນ, ລວມມີ 150 ຊົ່ວໂມງຮຽນ, ໄດ້ຕັ້ງຫຼັກສູດຕ່າງໆເຊັ່ນ: ພື້ນຖານພາສາ, ພາສາປາກເວົ້າ, ການຟັງ, ວັດທະນະທຳຈີນ ແລະອັກສອນສາດຈີນເປັນຕົ້ນ. ພາຍຫຼັງສິ້ນສຸດການຝຶກອົບຮົມແລ້ວ, ສຳມະນາກອນທີ່ໄດ້ຜ່ານການສອບເສັງຈະໄດ້ຮັບການສະເໜີຊື່ໃຫ້ໄປຮຽນຕໍ່ຢູ່ຈີນຕື່ມອີກ, ຫຼັງຈາກຮຽນຈົບແລະກັບຄືນປະເທດແລ້ວກໍ່ຈະໄປສອນພາສາຈີນໃນໂຮງຮຽນມັດທະຍົມແຫ່ງເກົ່າຂອງຕົນ.
ປະຈຸບັນ, ການຮ່ວມມືແລະການແລກປ່ຽນໃນຂົງເຂດການເມືອງ, ເສດຖະກິດ, ວັດທະນະທຳແລະອື່ນໆລະຫວ່າງຈີນກັບລາວນັບມື້ນັບເພີ່ມຂຶ້ນ, ແລະມີຄວາມຕ້ອງການຜູ້ຮູ້ພາສາຈີນຢ່າງຫຼວງຫຼາຍ, ຈຳນວນຄູສອນພາສາຈີນທີ່ເປັນຄົນລາວກໍ່ມີຄວາມຕ້ອງການເພີ່ມຂຶ້ນເຊິ່ງຈະເປັນການຈະຊຸກຍູ້ລະດັບການຮຽນການສອນພາສາຈີນຂອງລາວຕື່ມອີກ, ແລະສົ່ງເສີມໃຫ້ປະຊາຊົນລາວໄດ້ຮຽນພາສາຈີນຫຼາຍຂຶ້ນກວ່າເກົ່າ.
ຂ່າວແຈ້ງວ່າ, ຊຸດອົບຮົມຄັ້ງນີ້ແມ່ນສະຖາບັນຂົງຈື້ມະຫາວິທະຍາໄລແຫ່ງຊາດລາວແລະພະແນກສຶກສາທິການຂອງບັນດາແຂວງພາກເໜືອລາວຮ່ວມກັນຈັດຂຶ້ນ, ລວມມີ 150 ຊົ່ວໂມງຮຽນ, ໄດ້ຕັ້ງຫຼັກສູດຕ່າງໆເຊັ່ນ: ພື້ນຖານພາສາ, ພາສາປາກເວົ້າ, ການຟັງ, ວັດທະນະທຳຈີນ ແລະອັກສອນສາດຈີນເປັນຕົ້ນ. ພາຍຫຼັງສິ້ນສຸດການຝຶກອົບຮົມແລ້ວ, ສຳມະນາກອນທີ່ໄດ້ຜ່ານການສອບເສັງຈະໄດ້ຮັບການສະເໜີຊື່ໃຫ້ໄປຮຽນຕໍ່ຢູ່ຈີນຕື່ມອີກ, ຫຼັງຈາກຮຽນຈົບແລະກັບຄືນປະເທດແລ້ວກໍ່ຈະໄປສອນພາສາຈີນໃນໂຮງຮຽນມັດທະຍົມແຫ່ງເກົ່າຂອງຕົນ.
ປະຈຸບັນ, ການຮ່ວມມືແລະການແລກປ່ຽນໃນຂົງເຂດການເມືອງ, ເສດຖະກິດ, ວັດທະນະທຳແລະອື່ນໆລະຫວ່າງຈີນກັບລາວນັບມື້ນັບເພີ່ມຂຶ້ນ, ແລະມີຄວາມຕ້ອງການຜູ້ຮູ້ພາສາຈີນຢ່າງຫຼວງຫຼາຍ, ຈຳນວນຄູສອນພາສາຈີນທີ່ເປັນຄົນລາວກໍ່ມີຄວາມຕ້ອງການເພີ່ມຂຶ້ນເຊິ່ງຈະເປັນການຈະຊຸກຍູ້ລະດັບການຮຽນການສອນພາສາຈີນຂອງລາວຕື່ມອີກ, ແລະສົ່ງເສີມໃຫ້ປະຊາຊົນລາວໄດ້ຮຽນພາສາຈີນຫຼາຍຂຶ້ນກວ່າເກົ່າ.
