ຈີນເຕືອນໃຫ້ຍີ່ປຸ່ນປະເຊີນກັບປະຫວັດສາດແລະສະພາບຄວາມເປັນຈິງຢ່າງຖືກຕ້ອງ ຢຸດຕິການກ່າວຄຳເວົ້າແລະການກະທຳທ້າທາຍເກາະຜິດຕ່າງໆທີ່ເປັນການທຳລາຍອະທິປະໄຕແລະຜືນແຜນດິນອັນຄົບຖ້ວນຂອງຈີນ
(GMT+08:00) 2013-07-18 15:08:58 cri
ວັນທີ 17 ກໍລະກົດນີ້, ທ່ານນາງຮວາຊຸ່ນອິງ, ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບບັນຫາເກາະຕ້ຽວອີ.
ມີນັກຂ່າວຖາມວ່າ, ມີຂ່າວລາຍງານວ່າ, ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນໄດ້ໄປຢ້ຽມຢາມເກາະອິຊີກາກີ ຈີມະແຂວງໂອກີນາວະໃນວັນທີ 17 ກໍລະກົດນີ້, ໃນເວລາສຳຫຼວດວຽກງານຢູ່ພະແນກປ້ອງກັນຄວາມປອດໄພເທິງທະເລ, ທ່ານຊິນໂຈ ອາເບະກ່າວວ່າ, "ການກະທຳທ້າທາຍເກາະຜິດທີ່ແນໃສ່ດິນແດນ, ນ່ານທະເລ, ນ່ານອາກາດແລະອະທິປະໄຕຂອງຍີ່ປຸ່ນໄດ້ເກີດຂຶ້ນຢ່າງຕໍ່ເນື່ອງ, ກຳປັ່ນປ້ອງກັນຄວາມປອດໄພຈີນເດີນເຮືອເຂົ້າໃກ້ແລະລາດຕະເວນຢູ່ເຂດທະເລອ້ອມຂ້າງ, ສະພາບການນັບມື້ນັບສັບສົນ. ຈີນມີຄວາມເຫັນແນວໃດຕໍ່ເລື່ອງນີ້ ?"
ທ່ານນາງຮວາຊຸ່ນອິງກ່າວວ່າ, ເກາະຕ້ຽວອີແມ່ນດິນແດນຂອງຈີນນັບຕັ້ງແຕ່ບູຮານນະການມານີ້, ຈີນມີອະທິປະໄຕເໜືອເກາະຕ້ຽວອີທີ່ບໍ່ສາມາດໂຕ້ຖຽງກັນໄດ້. ລັດຖະບານຈີນຈະສືບຕໍ່ໃຊ້ມາດຕະການທີ່ຈຳເປັນ, ເດັດດ່ຽວປົກປັກຮັກສາອະທິປະໄຕເໜືອເກາະຕ້ຽວອີ. ພວກຂ້າພະເຈົ້າເຕືອນໃຫ້ຍີ່ປຸ່ນປະເຊີນກັບປະຫວັດສາດແລະສະພາບຄວາມເປັນຈິງຢ່າງຖືກຕ້ອງ, ຢຸດຕິການກະທຳທ້າທາຍເກາະຜິດຕ່າງໆທີ່ເປັນການທຳລາຍອະທິປະໄຕແລະຜືນແຜ່ນດິນອັນຄົບຖ້ວນຂອງຈີນ, ທຳຄວາມພະຍາຍາມເພື່ອແກ້ໄຂບັນຫາເກາະຕ້ຽວອີຢ່າງເໝາະສົມໂດຍຜ່ານການສົນທະນາ.
ມີນັກຂ່າວຖາມວ່າ, ມີຂ່າວລາຍງານວ່າ, ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນໄດ້ໄປຢ້ຽມຢາມເກາະອິຊີກາກີ ຈີມະແຂວງໂອກີນາວະໃນວັນທີ 17 ກໍລະກົດນີ້, ໃນເວລາສຳຫຼວດວຽກງານຢູ່ພະແນກປ້ອງກັນຄວາມປອດໄພເທິງທະເລ, ທ່ານຊິນໂຈ ອາເບະກ່າວວ່າ, "ການກະທຳທ້າທາຍເກາະຜິດທີ່ແນໃສ່ດິນແດນ, ນ່ານທະເລ, ນ່ານອາກາດແລະອະທິປະໄຕຂອງຍີ່ປຸ່ນໄດ້ເກີດຂຶ້ນຢ່າງຕໍ່ເນື່ອງ, ກຳປັ່ນປ້ອງກັນຄວາມປອດໄພຈີນເດີນເຮືອເຂົ້າໃກ້ແລະລາດຕະເວນຢູ່ເຂດທະເລອ້ອມຂ້າງ, ສະພາບການນັບມື້ນັບສັບສົນ. ຈີນມີຄວາມເຫັນແນວໃດຕໍ່ເລື່ອງນີ້ ?"
ທ່ານນາງຮວາຊຸ່ນອິງກ່າວວ່າ, ເກາະຕ້ຽວອີແມ່ນດິນແດນຂອງຈີນນັບຕັ້ງແຕ່ບູຮານນະການມານີ້, ຈີນມີອະທິປະໄຕເໜືອເກາະຕ້ຽວອີທີ່ບໍ່ສາມາດໂຕ້ຖຽງກັນໄດ້. ລັດຖະບານຈີນຈະສືບຕໍ່ໃຊ້ມາດຕະການທີ່ຈຳເປັນ, ເດັດດ່ຽວປົກປັກຮັກສາອະທິປະໄຕເໜືອເກາະຕ້ຽວອີ. ພວກຂ້າພະເຈົ້າເຕືອນໃຫ້ຍີ່ປຸ່ນປະເຊີນກັບປະຫວັດສາດແລະສະພາບຄວາມເປັນຈິງຢ່າງຖືກຕ້ອງ, ຢຸດຕິການກະທຳທ້າທາຍເກາະຜິດຕ່າງໆທີ່ເປັນການທຳລາຍອະທິປະໄຕແລະຜືນແຜ່ນດິນອັນຄົບຖ້ວນຂອງຈີນ, ທຳຄວາມພະຍາຍາມເພື່ອແກ້ໄຂບັນຫາເກາະຕ້ຽວອີຢ່າງເໝາະສົມໂດຍຜ່ານການສົນທະນາ.
