ໄທຊອກຫາວິທີແກ້ໄຂບັນຫາເຂົ້າສານຄ້າງສາງ
(GMT+08:00) 2013-07-19 16:05:43 cri
ຕາມຂ່າວCRI: ຍ້ອນການຄັດຄ້ານຈາກຄະນະກຳມະການນະໂຍບາຍເຂົ້າສານແຫ່ງຊາດໄທ, ລັດຖະບານໄທໄດ້ຍົກເລີກນະໂຍບາຍຫຼຸດລາຄາຈຳນຳເຂົ້າສານໃຫ້ຕ່ຳລົງໂດຍໄດ້ຕົກລົງຈະເລີ່ມປະຕິບັດໃນວັນທີ 1 ກໍລະກົດນີ້, ແລະຈະສືບຕໍ່ຮັກສາລາຄາຈຳນຳເຂົ້າສານໃນລະດັບສູງ, ນີ້ໄດ້ເຮັດໃຫ້ກຳລັງແຂ່ງຂັນການສົ່ງອອກເຂົ້າສານຂອງໄທໄດ້ຫຼຸດລົງອີກ. ເພື່ອແກ້ໄຂບັນຫາເຂົ້າສານທີ່ຄ້າງສາງຈຳນວນຫຼວງຫຼາຍ, ລັດຖະບານໄທໄດ້ໃຊ້ມາດຕະການທຸກຢ່າງ,ເຊັ່ນ: ປະມູນຂາຍເຂົ້າສານໃນສາງເປັນຕົ້ນ. ພ້ອມດຽວກັນນັ້ນ, ນີ້ກໍ່ແມ່ນມາດຕະການຂອງລັດຖະບານໄທໃນການປ້ອງກັນການເກີດການສໍ້ລາດບັງຫຼວງໃນການເກັບຊື້ເຂົ້າສານ.
ໄທໄດ້ເອົາໃຈໃສ່ໃນລະດັບສູງຕໍ່ການແກ້ໄຂບັນຫາເຂົ້າສານທີ່ຄ້າງສາງ, ຕົ້ນຕໍແມ່ນຍ້ອນລັດຖະບານປະຕິບັດນະໂຍບາຍອຸດໜູນລາຄາຈຳນຳເຂົ້າສານ, ໄດ້ເຮັດໃຫ້ຊາວກະສິກອນໄທມີຄວາມຫ້າວຫັນສູງໃນການປູກແລະຂາຍເຂົ້າສານ. ແຕ່ອີກດ້ານໜຶ່ງ, ຍ້ອນນະໂຍບາຍດັ່ງກ່າວກໍ່ໄດ້ເຮັດໃຫ້ລາຄາເກັບຊື້ເຂົ້າສານຂອງລັດຖະບານສູງກວ່າລາຄາເຂົ້າສານໃນຕະຫຼາດສາກົນຢ່າງຫຼວງຫຼາຍ, ຈຶ່ງເຮັດໃຫ້ເຂົ້າສານຂອງໄທເສຍກຳລັງແຂ່ງຂັນສາກົນໃນລະດັບໃດໜຶ່ງ.ການປັບລາຄາເກັບຊື້ເຂົ້າສານສູງຂຶ້ນຂອງລັດຖະບານໄທໄດ້ເຮັດໃຫ້ເຂົ້າສານຄ້າງສາງຢ່າງຫຼວງຫຼາຍ, ເຮັດໃຫ້ໄທເສຍຖານະທີ່ເປັນປະເທດສົ່ງອອກເຂົ້າສານອັນດັບໜຶ່ງຂອງໂລກ, ເຂົ້າສານຈາກຫວຽດນາມແລະອິນເດຍໄດ້ກະທົບເຖິງໂກຕາໃນຕະຫຼາດເຂົ້າສານສາກົນຂອງໄທຢ່າງໜັກໜ່ວງ.
ໄທໄດ້ເອົາໃຈໃສ່ໃນລະດັບສູງຕໍ່ການແກ້ໄຂບັນຫາເຂົ້າສານທີ່ຄ້າງສາງ, ຕົ້ນຕໍແມ່ນຍ້ອນລັດຖະບານປະຕິບັດນະໂຍບາຍອຸດໜູນລາຄາຈຳນຳເຂົ້າສານ, ໄດ້ເຮັດໃຫ້ຊາວກະສິກອນໄທມີຄວາມຫ້າວຫັນສູງໃນການປູກແລະຂາຍເຂົ້າສານ. ແຕ່ອີກດ້ານໜຶ່ງ, ຍ້ອນນະໂຍບາຍດັ່ງກ່າວກໍ່ໄດ້ເຮັດໃຫ້ລາຄາເກັບຊື້ເຂົ້າສານຂອງລັດຖະບານສູງກວ່າລາຄາເຂົ້າສານໃນຕະຫຼາດສາກົນຢ່າງຫຼວງຫຼາຍ, ຈຶ່ງເຮັດໃຫ້ເຂົ້າສານຂອງໄທເສຍກຳລັງແຂ່ງຂັນສາກົນໃນລະດັບໃດໜຶ່ງ.ການປັບລາຄາເກັບຊື້ເຂົ້າສານສູງຂຶ້ນຂອງລັດຖະບານໄທໄດ້ເຮັດໃຫ້ເຂົ້າສານຄ້າງສາງຢ່າງຫຼວງຫຼາຍ, ເຮັດໃຫ້ໄທເສຍຖານະທີ່ເປັນປະເທດສົ່ງອອກເຂົ້າສານອັນດັບໜຶ່ງຂອງໂລກ, ເຂົ້າສານຈາກຫວຽດນາມແລະອິນເດຍໄດ້ກະທົບເຖິງໂກຕາໃນຕະຫຼາດເຂົ້າສານສາກົນຂອງໄທຢ່າງໜັກໜ່ວງ.
