ນາຍົກມະເລເຊຍກ່າວວ່າ ການສ້າງປະຊາຄົມເສດຖະກິດອາຊຽນມີຄວາມໝາຍສຳຄັນຫຼາຍ
(GMT+08:00) 2013-07-19 16:07:57 cri
ໃນເວລາກ່າວຄຳປາໄສໃນເວທີປຶກສາຫາລືຜູ້ນຳອາຊຽນຄັ້ງທີ 10 ທີ່ຈັດຂຶ້ນຢູ່ນະຄອນເປຕາລິງ ຈາຢາລັດເຊລານໂກຂອງມະເລເຊຍໃນວັນທີ 18 ກໍລະກົດນີ້, ທ່ານນາຈິບ ຕຸນ ຣາຊັກ, ນາຍົກລັດຖະມົນຕີມະເລເຊຍໄດ້ກ່າວວ່າ, ປະເທດອາຊຽນສ້າງເປັນປະຊາຄົມເສດຖະກິດອາຊຽນມີຄວາມໝາຍສຳຄັນອັນໃຫຍ່ຫຼວງ, ການບັນລຸເປົ້າໝາຍນີ້ຍ່ອມຈະເຮັດໃຫ້ພາກພື້ນນີ້ມີອະນາຄົດທີ່ສະຫວ່າງສົດໃສຍິ່ງຂຶ້ນ.
ທ່ານນາຈິບ ຕຸນ ຣາຊັກກ່າວວ່າ, ປະຈຸບັນ, ບັນດາປະເທດອາຊຽນພວມທຳຄວາມພະຍາຍາມເພື່ອບັນລຸເປົ້າໝາຍທີ່ສ້າງເປັນປະຊາຄົມເສດຖະກິດອາຊຽນໃນປີ 2015. ການສ້າງປະຊາຄົມເສດຖະກິດອາຊຽນໃຫ້ສຳເລັດ, ມີຄວາມໝາຍສຳຄັນອັນໃຫຍ່ຫຼວງໃນຫຼາຍດ້ານເຊັ່ນ: ຮັດແໜ້ນການຮ່ວມມືລະຫວ່າງບັນດາປະເທດອາຊຽນ, ເພີ່ມທະວີການຄ້າລະຫວ່າງອາຊຽນກັບປະເທດຄູ່ຮ່ວມມືການຄ້າທີ່ສຳຄັນຄື: ຈີນ, ຍີ່ປຸ່ນ, ແລະອິນເດຍ, ແລະຮັກສາກຳລັງແຂ່ງຂັນຂອງອາຊຽນໃນປະຊາຄົມໂລກເປັນຕົ້ນ. ນອກນີ້, ການສ້າງປະຊາຄົມເສດຖະກິດອາຊຽນບໍ່ພຽງແຕ່ສອດຄ່ອງກັບທ່າອ່ຽງການພັດທະນາການເຊື່ອມໂຍງເຂົ້າກັນຂອງພາກພື້ນເທົ່ານັ້ນ, ແຕ່ຍັງຈະສ້າງຄວາມສົມບູນພູນສຸກໃຫ້ແກ່ປະຊາຊົນໃນພາກພື້ນນີ້ອີກດ້ວຍ.
ຫົວຂໍ້ຂອງເວທີປຶກສາຫາລືຄັ້ງນີ້ແມ່ນ"ອາຊຽນທີ່ຢູ່ທາງສີ່ແຍກ---ຮ່ວມກັນກ້າວໄປສູ່ອະນາຄົດ, ຮ່ວມກັນຊົມໃຊ້ຜົນຈາກຄວາມຈະເລີນຮຸ່ງເຮືອງແລະສະຖຽນລະພາບຂອງພາກພື້ນ". ຜູ້ນຳວົງການການເມືອງແລະການຄ້າທີ່ມາຈາກບັນດາປະເທດອາຊຽນ 200 ກວ່າທ່ານໄດ້ເຂົ້າຮ່ວມກອງປະຊຸມຄັ້ງນີ້, ເພື່ອຮ່ວມກັນປຶກສາຫາລືການພັດທະນາແລະການຮ່ວມມືຂອງປະເທດອາຊຽນ.
ທ່ານນາຈິບ ຕຸນ ຣາຊັກກ່າວວ່າ, ປະຈຸບັນ, ບັນດາປະເທດອາຊຽນພວມທຳຄວາມພະຍາຍາມເພື່ອບັນລຸເປົ້າໝາຍທີ່ສ້າງເປັນປະຊາຄົມເສດຖະກິດອາຊຽນໃນປີ 2015. ການສ້າງປະຊາຄົມເສດຖະກິດອາຊຽນໃຫ້ສຳເລັດ, ມີຄວາມໝາຍສຳຄັນອັນໃຫຍ່ຫຼວງໃນຫຼາຍດ້ານເຊັ່ນ: ຮັດແໜ້ນການຮ່ວມມືລະຫວ່າງບັນດາປະເທດອາຊຽນ, ເພີ່ມທະວີການຄ້າລະຫວ່າງອາຊຽນກັບປະເທດຄູ່ຮ່ວມມືການຄ້າທີ່ສຳຄັນຄື: ຈີນ, ຍີ່ປຸ່ນ, ແລະອິນເດຍ, ແລະຮັກສາກຳລັງແຂ່ງຂັນຂອງອາຊຽນໃນປະຊາຄົມໂລກເປັນຕົ້ນ. ນອກນີ້, ການສ້າງປະຊາຄົມເສດຖະກິດອາຊຽນບໍ່ພຽງແຕ່ສອດຄ່ອງກັບທ່າອ່ຽງການພັດທະນາການເຊື່ອມໂຍງເຂົ້າກັນຂອງພາກພື້ນເທົ່ານັ້ນ, ແຕ່ຍັງຈະສ້າງຄວາມສົມບູນພູນສຸກໃຫ້ແກ່ປະຊາຊົນໃນພາກພື້ນນີ້ອີກດ້ວຍ.
ຫົວຂໍ້ຂອງເວທີປຶກສາຫາລືຄັ້ງນີ້ແມ່ນ"ອາຊຽນທີ່ຢູ່ທາງສີ່ແຍກ---ຮ່ວມກັນກ້າວໄປສູ່ອະນາຄົດ, ຮ່ວມກັນຊົມໃຊ້ຜົນຈາກຄວາມຈະເລີນຮຸ່ງເຮືອງແລະສະຖຽນລະພາບຂອງພາກພື້ນ". ຜູ້ນຳວົງການການເມືອງແລະການຄ້າທີ່ມາຈາກບັນດາປະເທດອາຊຽນ 200 ກວ່າທ່ານໄດ້ເຂົ້າຮ່ວມກອງປະຊຸມຄັ້ງນີ້, ເພື່ອຮ່ວມກັນປຶກສາຫາລືການພັດທະນາແລະການຮ່ວມມືຂອງປະເທດອາຊຽນ.
