ເອກອັກຄະລັດຖະທູດຈີນຄົນໃໝ່ປະຈຳລາວກ່າວວ່າ ຈະສືບຕໍ່ຊຸກຍູ້ການແລກປ່ຽນແລະການຮ່ວມມືໃນຂົງເຂດຕ່າງໆລະຫວ່າງຈີນ-ລາວໃຫ້ພັດທະນາເຂົ້າສູ່ລວງເລິກ
(GMT+08:00) 2013-07-22 18:10:11 cri
ຕາມຂ່າວCRI: ຫວ່າງມໍ່ໆນີ້, ຢູ່ນະຄອນຫຼວງວຽງຈັນ, ທ່ານກ່ວນຮວາປິງໄດ້ຈັດງານລ້ຽງເນື່ອງໃນໂອກາດທ່ານໄປຮັບຕຳແໜ່ງເອກອັກຄະລັດຖະທູດຈີນຄົນໃໝ່ປະຈຳລາວ, ທ່ານກ່ວນຮວາປິງກ່າວວ່າ, ທ່ານຈະພະຍາຍາມເຮັດວຽກ, ສືບທອດມິດຕະພາບທີ່ເປັນມູນເຊື້ອລະຫວ່າງປະຊາຊົນສອງຊາດຈີນ-ລາວ, ຊຸກຍູ້ການແລກປ່ຽນແລະການຮ່ວມມືໃນຂົງເຂດຕ່າງໆລະຫວ່າງສອງປະເທດໃຫ້ພັດທະນາເຂົ້າສູ່ລວງເລິກ ບົນພື້ນຖານວຽກງານທີ່ດີຂອງເອກອັກຄະລັດຖະທູດຈີນປະຈຳລາວທຸກສະໄໝຜ່ານມາ.
ທ່ານເອກອັກຄະລັດຖະທູດກ່ວນຮວາປິງກ່າວຕື່ມວ່າ, ຈີນກັບລາວໃນຖານະເປັນປະເທດບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ, ຄູ່ຮ່ວມມືທີ່ດີ, ສອງປະເທດໄດ້ປະຕິບັດຕໍ່ກັນຢ່າງຈິງໃຈ, ເຂົ້າໃຈກັນແລະຊ່ວຍເຫຼືອເຊິ່ງກັນແລະກັນມາໂດຍຕະຫຼອດບົນເສັ້ນທາງພາລະກິດການສ້າງສາສັງຄົມນິຍົມ. ການພົວພັນລະຫວ່າງຈີນກັບລາວໄດ້ກາຍເປັນໜຶ່ງໃນການພົວພັນສອງຝ່າຍທີ່ໝັ້ນຄົງຂະໜົ່ງແກ່ນແລະມີຄວາມຊີວິດຊີວາທີ່ສຸດໃນການພົວພັນສອງຝ່າຍລະຫວ່າງຈີນກັບບັນດາປະເທດອ້ອມຂ້າງ. ຈີນແລະລາວຮ່ວມມືກັນຢ່າງຈິງໃຈ, ບໍ່ພຽງແຕ່ຈະສ້າງຄວາມສົມບູນພູນສຸກໃຫ້ແກ່ປະຊາຊົນສອງຊາດເທົ່ານັ້ນ, ແຕ່ຍັງຈະປະກອບສວ່ນອັນສຳຄັນເຂົ້າໃນສັນຕິພາບ, ການພັດທະນາແລະການບັນລຸຄວາມຈະເລີນຮຸ່ງເຮືອງຮ່ວມກັນຂອງພາກພື້ນນີ້ອີກດ້ວຍ.
ຜູ້ນຳຈາກພາກສ່ວນທີ່ກ່ຽວຂ້ອງຂອງລັດຖະບານລາວ, ທູຕານຸທູດປະເທດຕ່າງໆ, ຜູ້ຕາງໜ້າອົງການຈັດຕັ້ງສາກົນປະຈຳລາວ, ຊາວລາວເຊື້ອສາຍຈີນແລະຈີນຕ່າງດ້າວ, ຜູ້ຕາງໜ້າຂອງບໍລິສັດຈີນຢູ່ລາວແລະອື່ນໆທັງໝົດ 200 ກວ່າທ່ານໄດ້ເຂົ້າຮ່ວມງານລ້ຽງເທື່ອນີ້.
ທ່ານເອກອັກຄະລັດຖະທູດກ່ວນຮວາປິງກ່າວຕື່ມວ່າ, ຈີນກັບລາວໃນຖານະເປັນປະເທດບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ, ຄູ່ຮ່ວມມືທີ່ດີ, ສອງປະເທດໄດ້ປະຕິບັດຕໍ່ກັນຢ່າງຈິງໃຈ, ເຂົ້າໃຈກັນແລະຊ່ວຍເຫຼືອເຊິ່ງກັນແລະກັນມາໂດຍຕະຫຼອດບົນເສັ້ນທາງພາລະກິດການສ້າງສາສັງຄົມນິຍົມ. ການພົວພັນລະຫວ່າງຈີນກັບລາວໄດ້ກາຍເປັນໜຶ່ງໃນການພົວພັນສອງຝ່າຍທີ່ໝັ້ນຄົງຂະໜົ່ງແກ່ນແລະມີຄວາມຊີວິດຊີວາທີ່ສຸດໃນການພົວພັນສອງຝ່າຍລະຫວ່າງຈີນກັບບັນດາປະເທດອ້ອມຂ້າງ. ຈີນແລະລາວຮ່ວມມືກັນຢ່າງຈິງໃຈ, ບໍ່ພຽງແຕ່ຈະສ້າງຄວາມສົມບູນພູນສຸກໃຫ້ແກ່ປະຊາຊົນສອງຊາດເທົ່ານັ້ນ, ແຕ່ຍັງຈະປະກອບສວ່ນອັນສຳຄັນເຂົ້າໃນສັນຕິພາບ, ການພັດທະນາແລະການບັນລຸຄວາມຈະເລີນຮຸ່ງເຮືອງຮ່ວມກັນຂອງພາກພື້ນນີ້ອີກດ້ວຍ.
ຜູ້ນຳຈາກພາກສ່ວນທີ່ກ່ຽວຂ້ອງຂອງລັດຖະບານລາວ, ທູຕານຸທູດປະເທດຕ່າງໆ, ຜູ້ຕາງໜ້າອົງການຈັດຕັ້ງສາກົນປະຈຳລາວ, ຊາວລາວເຊື້ອສາຍຈີນແລະຈີນຕ່າງດ້າວ, ຜູ້ຕາງໜ້າຂອງບໍລິສັດຈີນຢູ່ລາວແລະອື່ນໆທັງໝົດ 200 ກວ່າທ່ານໄດ້ເຂົ້າຮ່ວມງານລ້ຽງເທື່ອນີ້.
